യൂ​ത്ത്​ കോ​ൺ​ഗ്ര​സ്​ ക​ല​ക്ട​റേ​റ്റ്​ മാ​ർ​ച്ചിലെ സംഘർഷം; ഗുരുതര പരിക്കേറ്റ യൂത്ത്​ കോൺഗ്രസ്​ നേതാക്കളെ വിദഗ്​ധ ചികിത്സക്കായി മാറ്റി

ആ​ല​പ്പു​ഴ: യൂ​ത്ത്​ കോ​ൺ​ഗ്ര​സ്​ ക​ല​ക്ട​റേ​റ്റ്​ മാ​ർ​ച്ചി​നി​ടെ​യു​ണ്ടാ​യ സം​ഘ​ർ​ഷ​ത്തി​ൽ ​​പൊ​ലീ​സ്​ ലാ​ത്തി​ച്ചാ​ർ​ജി​ൽ ഗു​രു​ത​ര​പ​രി​ക്കേ​റ്റ യൂ​ത്ത്​ കോ​ൺ​​ഗ്ര​സ്​ ​ജി​ല്ല നേ​താ​ക്ക​ളെ വി​ദ​ഗ്​​ധ​ചി​കി​ത്സ​ക്കാ​യി തി​രു​വ​ല്ല​യി​ലെ സ്വ​കാ​ര്യ​ആ​ശു​പ​ത്രി​യി​ലേ​ക്ക്​ മാ​റ്റി.

യൂ​ത്ത്​ കോ​ൺ​ഗ്ര​സ്​ ജി​ല്ല പ്ര​സി​ഡ​ന്‍റ്​ എം.​പി. പ്ര​വീ​ൺ, ജ​ന​റ​ൽ​സെ​ക്ര​ട്ട​റി​മാ​രാ​യ ​മേ​ഘ ര​ഞ്ജി​ത്, ശ​ര​ണ്യ എ​ന്നി​വ​രെ​യാ​ണ്​ ആ​ല​പ്പു​ഴ മെ​ഡി​ക്ക​ൽ കോ​ള​ജി​ൽ​നി​ന്ന്​ മാ​റ്റി​യ​ത്. സ്കാ​നി​ങ്ങി​ൽ ഗു​രു​ത​ര പ​രി​ക്ക്​ ക​ണ്ടെ​ത്തി​യ​തോ​ടെ​യാ​ണി​ത്. ചൊ​വ്വാ​ഴ്ച പു​ല​ർ​ച്ച തി​രു​വ​ല്ല​യി​ലേ​ക്ക്​ മാ​റ്റി​യ​ മേ​ഘ ര​ഞ്ജി​ത്തി​ന്‍റെ ക​ഴു​ത്തി​നാ​ണ്​ ഗു​രു​ത​ര​പ​രി​ക്ക്.

തു​ട​ർ​ച്ച​യാ​യി ഛർ​ദി​ച്ച​തോ​ടെ സ്കാ​നി​ങ്ങി​ന്​ വി​ധേ​യ​മാ​ക്കി​യ​പ്പോ​ഴാ​ണ്​ ക​ഴു​ത്തി​നും ഞ​ര​മ്പി​നും ക്ഷ​ത​മു​ണ്ടെ​ന്ന്​ തി​രി​ച്ച​റി​ഞ്ഞ​ത്. സം​ഘ​ർ​ഷ​ത്തി​നി​ടെ പു​രു​ഷ പൊ​ലീ​സി​ന്‍റെ ലാ​ത്തി അ​ടി​യേ​റ്റാ​ണ്​ ​മേ​ഘ​ക്ക്​ ഗു​രു​ത​ര പ​രി​ക്കേ​റ്റ​ത്.

ബാ​രി​ക്കേ​ഡ്​ ത​ക​ർ​ത്ത്​ ആ​ദ്യം പൊ​ലീ​സ്​ വ​ല​യ​ത്തി​ലേ​ക്ക്​ എ​ത്തി​യ ജി​ല്ല പ്ര​സി​ഡ​ന്‍റ്​ എം.​പി. പ്ര​വീ​ണി​നെ​യും വ​നി​ത​പ്ര​വ​ർ​ത്ത​ക​രെ​യും ലാ​ത്തി​കൊ​ണ്ട്​ ത​ല​ങ്ങും വി​ല​ങ്ങും അ​ടി​ച്ചു. മ​ർ​ദ​ന​മേ​റ്റ സം​സ്ഥാ​ന വൈ​സ് പ്ര​സി​ഡ​ന്റ് അ​രി​ത ബാ​ബു​വി​ന്‍റെ വ​സ്ത്ര​വും വ​ലി​ച്ചു​കീ​റി​യി​രു​ന്നു.

ത​ല​ക്കും ശ​രീ​ര​മാ​സ​ക​ല​വും പ​രി​ക്കേ​റ്റ പ്ര​വീ​ണി​ന്‍റെ ത​ല​ച്ചോ​റി​ന്​ കാ​ര്യ​മാ​യ ക്ഷ​ത​മു​ണ്ട്. ആ​ന്ത​രി​ക ര​ക്ത​സാ​വ്ര​ത്തി​ന്‍റെ സാ​ധ്യ​ത​യും ക​ണ​ക്കി​​ലെ​ടു​ത്താ​ണ്​ ചൊ​വ്വാ​ഴ്ച ​വൈ​കീ​ട്ട്​ സ്വ​കാ​ര്യ​ആ​ശു​പ​ത്രി​യി​ലേ​ക്ക്​ മാ​റ്റി​യ​ത്.

ശ​ര​ണ്യ​യു​​ടെ പ​രി​ക്കും​ ഗു​രു​ത​ര​മാ​ണ്. വ​യ​റി​ന്​ പ​രി​ക്കേ​റ്റ അ​രി​ത​ബാ​ബു​വി​നെ കാ​യം​കു​ളം താ​ലൂ​ക്ക്​ ആ​ശു​പ​ത്രി​യി​ലേ​ക്ക്​ മാ​റ്റി. ര​ണ്ടു​ദി​വ​സ​മാ​യി ആ​ശു​പ​ത്രി​യി​ൽ ക​ഴി​യു​ന്ന പ്ര​വ​ർ​ത്ത​ക​ർ​ക്ക്​ വ​ണ്ടാ​നം മെ​ഡി​ക്ക​ൽ​കോ​ള​ജി​ൽ മ​തി​യാ​യ ചി​കി​ത്സ കി​ട്ടി​യി​ട്ടി​ല്ലെ​ന്നാ​ണ്​ യൂ​ത്ത്​ കോ​ൺ​ഗ്ര​സ്​ നേ​താ​ക്ക​ളു​ടെ പ​രാ​തി.

സം​സ്ഥാ​ന അ​ധ്യ​ക്ഷ​ൻ രാ​ഹു​ൽ മാ​ങ്കൂ​ട്ട​ത്തി​ലി​ന്‍റെ അ​റ​സ്​​റ്റി​ൽ പ്ര​തി​ഷേ​ധി​ച്ച് യൂ​ത്ത് കോ​ൺ​ഗ്ര​സ് പ്ര​വ​ർ​ത്ത​ക​ർ ആ​ല​പ്പു​ഴ ക​ല​ക്ട​റേ​റ്റി​ലേ​ക്ക്​ ന​ട​ത്തി​യ മാ​ർ​ച്ചി​ലു​ണ്ടാ​യ സം​ഘ​ർ​ഷ​ത്തി​ൽ പൊ​ലീ​സ്​ ലാ​ത്തി​വീ​ശി ജി​ല്ല​നേ​താ​ക്ക​ള​ട​ക്കം 10പേ​ർ​ക്കും അ​ഞ്ച്​ പൊ​ലീ​സു​കാ​ർ​ക്കും പ​രി​ക്കേ​റ്റി​രു​ന്നു.

അ​തേ​സ​മ​യം, ​പൊ​തു​മു​ത​ൽ ന​ശി​പ്പി​ച്ച​തി​ന്​ എ​ട്ട്​ യൂ​ത്ത്​​കോ​ൺ​ഗ്ര​സ്​ പ്ര​വ​ർ​ത്ത​ക​ർ​ക്കെ​തി​രെ​യും ഡി.​വൈ.​എ​ഫ്.​ഐ മ​നു​ഷ്യ​ച​ങ്ങ​ല​യു​ടെ ഫ്ല​ക്സ്​ ബോ​ർ​ഡ്​ ന​ശി​പ്പി​ച്ച​തി​ന്​ ക​ണ്ടാ​ല​റി​യാ​വു​ന്ന 10പേ​ർ​ക്കെ​തി​രെ​യും സൗ​ത്ത്​ പൊ​ലീ​സ്​ കേ​സെ​ടു​ത്തു. പൊ​ലീ​സ്​ ഡ്യൂ​ട്ടി ത​ട​സ്സ​പ്പെ​ടു​ത്ത​ൽ, ബാ​രി​ക്കേ​ഡു​ക​ൾ ത​ക​ർ​ക്ക​ൽ, ബാ​രി​ക്കേ​ഡ്​ കെ​ട്ടാ​ൻ ഉ​പ​യോ​ഗി​ച്ച ക​യ​ർ മു​റി​ച്ചു​മാ​റ്റി എ​ന്നി​വ​യ​ട​ക്ക​മു​ള്ള കു​റ്റ​ങ്ങ​ൾ ചു​മ​ത്തി​യാ​ണ്​ കേ​സ്.

നിയമനടപടി സ്വീകരിക്കും-ചെന്നിത്തല

ആ​ല​പ്പു​ഴ: ആ​ല​പ്പു​ഴ​യി​ൽ യൂ​ത്ത് കോ​ൺ​ഗ്ര​സ് മാ​ർ​ച്ചി​ന് നേ​രെ പൊ​ലീ​സ് ന​ട​ത്തി​യ​ത് ന​ര​നാ​യാ​ട്ടെ​ന്ന് ര​മേ​ശ് ചെ​ന്നി​ത്ത​ല എം.​എ​ൽ.​എ. വ​ണ്ടാ​നം മെ​ഡി​ക്ക​ൽ​കോ​ള​ജി​ൽ പ​രി​ക്കേ​റ്റ്​ ചി​കി​ത്സ​യി​ൽ ക​​ഴി​യു​ന്ന യൂ​ത്ത്​ കോ​ൺ​ഗ്ര​സ്​ പ്ര​വ​ർ​ത്ത​ക​രെ സ​ന്ദ​ർ​ശി​ച്ച​ശേ​ഷം മാ​ധ്യ​മ​പ്ര​വ​ർ​ത്ത​ക​രോ​ട്​ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

സംഭവത്തിൽ ഡി.ജി.പിക്ക്​ കത്തും നൽകിയിട്ടുണ്ട്​. പൊ​ലീ​സു​കാ​ർ​ക്കെ​തി​രെ നി​യ​മ​ന​ട​പ​ടി സ്വീ​ക​രി​ക്കും. എ​ന്തി​നാ​ണ്​ ചെ​റു​പ്പ​ക്കാ​രെ അ​ടി​ച്ചു​കൊ​ല്ലാ​ൻ ശ്ര​മി​ക്കു​ന്ന​ത്. വ​നി​ത​പ്ര​വ​ർ​ത്ത​ക​രു​ടെ വ​സ്​​ത്രം വ​ലി​ച്ചു​കീ​റു​ക, നാ​ഭി​ക്ക്​ തൊ​ഴി​ക്കു​ക, ഭീ​ക​ര​മാ​യി മ​ർ​ദി​ച്ച്​ വ​ലി​ച്ചി​ഴ​ച്ച്​ കൊ​ണ്ടു​പോ​വു​ക തു​ട​ങ്ങി​യ കാ​ട​ത്ത​മാ​ണ്​ പൊ​ലീ​സ്​ കാ​ണി​ച്ച​തെ​ന്നും അ​ദ്ദേ​ഹം പ​റ​ഞ്ഞു.

ചി​കി​ത്സ​യി​ല്‍ ക​ഴി​യു​ന്നവരെ മു​ന്‍ എം.​പി വി.​എം.​സു​ധീ​ര​ന്‍, കൊ​ടി​ക്കു​ന്നി​ല്‍ സു​രേ​ഷ് എം.​പി, മു​ന്‍ മ​ന്ത്രി കെ.​സി. ജോ​സ​ഫ്, ഡോ.​സെ​റി​ന്‍, ഡി.​സി.​സി പ്ര​സി​ഡ​ന്‍റ് അ​ഡ്വ.​ബാ​ബു​പ്ര​സാ​ദ് എ​ന്നി​വ​ര്‍ സ​ന്ദ​ര്‍ശി​ച്ചു.

യൂത്ത് കോൺഗ്രസ് നേതാവിനെ മർദിച്ചയാൾ അറസ്റ്റിൽ

കാ​യം​കു​ളം: ന​വ​കേ​ര​ള വാ​ഹ​ന വ്യൂ​ഹ​ത്തി​ന് നേ​രെ ക​രി​ങ്കൊ​ടി കാ​ണി​ച്ച ഭി​ന്ന​ശേ​ഷി​ക്കാ​ര​നാ​യ യൂ​ത്ത് കോ​ൺ​ഗ്ര​സ് നേ​താ​വി​നെ മ​ർ​ദി​ച്ച കേ​സി​ൽ സി.​പി.​എം പ്ര​വ​ർ​ത്ത​ക​ൻ ഭ​ര​ണി​ക്കാ​വ് തെ​ക്കേ മ​ങ്കു​ഴി പാ​പ്പാ​ടി​യി​ൽ അ​നൂ​പ് വി​ശ്വ​നാ​ഥ​ൻ (30) അ​റ​സ്റ്റി​ൽ.

ഇ​രു​കാ​ലു​ക​ൾ​ക്കും വൈ​ക​ല്യ​മു​ള്ള യൂ​ത്ത് കോ​ൺ​ഗ്ര​സ് സം​സ്ഥാ​ന സെ​ക്ര​ട്ട​റി അ​ജി​മോ​ൻ ക​ണ്ട​ല്ലൂ​രി​നെ​യാ​ണ് ആ​ക്ര​മി​ച്ച​ത്. പൊ​ലീ​സ് ക​സ്റ്റ​ഡി​യി​ലെ​ടു​ത്ത് മാ​റ്റി​യ അ​ജി​മോ​നെ ച​വി​ട്ടി വീ​ഴ്ത്തു​ക​യാ​യി​രു​ന്നു. കാ​യം​കു​ളം ഒ​ന്നാം ക്ലാ​സ് മ​ജി​സ്ട്രേ​റ്റ് കോ​ട​തി​ ജാ​മ്യ​ത്തി​ൽ വി​ട്ടു.