എസ്‌.ഡി.പി.ഐ പ്രവർത്തകരുടെ വീടുകൾ പൊലീസ്​ തല്ലിതകർത്തു എന്ന് പരാതി

മണ്ണഞ്ചേരി: ആലപ്പുഴയിലെ കൊലപാതകം അന്വേഷണത്തിന്റെ മറവിൽ പ്രവർത്തകരുടെ വീടുകൾക്ക് നേരെ പൊലീസ് അതിക്രമം കാട്ടുന്നുവെന്ന് എസ്‌.ഡി.പി.ഐ. വ്യാഴാഴ്ച പുലർച്ചെ മണ്ണഞ്ചേരി അടിവാരം പനക്കൽ ഹാരിസിന്റെയും ആര്യാട് പള്ളിമുക്ക് അസ്‌ലമിന്‍റേയും വീടുമാണ് പൊലീസ് തല്ലിതകർത്തുവെന്നാണ്​ ആരോപണം.

കതകുകൾ, ജനലുകൾ, ഗൃഹോപകരണങ്ങൾ, ടാപ്പുകൾ, ചെടിച്ചട്ടികൾ, കുടിവെള്ള കണക്ഷൻ തുടങ്ങി നിരവധി നാശനഷ്ടങ്ങളാണ് പൊലീസ് ഉണ്ടാക്കിയതെന്ന് ഇവർ പറയുന്നു. പൊലീസ് അഴിഞ്ഞാട്ടത്തിനെതിരെ ശക്തമായ പ്രതിഷേധം സംഘടിപ്പിക്കുമെന്ന് ഭാരവാഹികൾ പറഞ്ഞു. ജില്ലാ പ്രസിഡന്റ് കെ.റിയാസ് ശക്തമായ പ്രതിഷേധം രേഖപ്പെടുത്തി.