സിലിണ്ടർ വേണ്ട; സിറ്റിഗ്യാസ് പദ്ധതിക്ക് വേഗമേറി, ഇനി ആലപ്പുഴ നഗരത്തിലേക്ക്

ആ​ല​പ്പു​ഴ: വീ​ടു​ക​ളി​ൽ പൈ​പ്പു​ക​ളി​ലൂ​ടെ പാ​ച​ക​വാ​ത​കം എ​ത്തി​ക്കു​ന്ന ‘സി​റ്റി ഗ്യാ​സ്’ പ​ദ്ധ​തി അ​ടു​ത്ത​ഘ​ട്ട​മാ​യി ആ​ല​പ്പു​ഴ ന​ഗ​ര​ത്തി​ൽ എ​ത്തും. വ​യ​ലാ​ർ പ​ഞ്ചാ​യ​ത്തി​ൽ 5000 വീ​ടു​ക​ളി​ൽ പ്ര​കൃ​തി​വാ​ത​ക വി​ത​ര​ണം പൂ​ർ​ത്തി​യാ​യി​ട്ടു​ണ്ട്. വ​യ​ലാ​റി​ലും ചേ​ർ​ത്ത​ല ന​ഗ​ര​സ​ഭ​യി​ലു​മാ​യി 10,000 വീ​ടു​ക​ളി​ലേ​ക്ക്​ ​പൈ​പ്പ്​ ലൈ​ൻ ക​ണ​ക്ഷ​ൻ എ​ത്തി​ച്ചു.

ആ​ല​പ്പു​ഴ​യി​ൽ സ്ഥാ​പി​ക്കാ​നു​ള്ള സി​റ്റി​ഗ്യാ​സ് പൈ​പ്പു​ക​ൾ ദേ​ശീ​യ​പാ​ത​യി​ൽ കൊ​മ്മാ​ടി​യി​ൽ എ​ത്തി​ച്ചു. തു​രു​മ്പെ​ടു​ക്ക​ലും ചോ​ർ​ച്ച​യും അ​തി​ജീ​വി​ക്കാ​ൻ ക​ഴി​യു​ന്ന കാ​ർ​ബ​ൺ സ്റ്റീ​ൽ പോ​ളി എ​ത്തി​ലി​ൻ പൈ​പ്പാ​ണ്​ ഉ​പ​യോ​ഗി​ക്കു​ന്ന​ത്. അ​ടു​ത്ത ഏ​പ്രി​ലി​ന​കം പ​ദ്ധ​തി ആ​ല​പ്പു​ഴ ന​ഗ​ര​ത്തി​ൽ പൂ​ർ​ത്തി​യാ​ക്കു​ക​യാ​ണ്​ ല​ക്ഷ്യം. വ​യ​ലാ​ർ, ചേ​ർ​ത്ത​ല തെ​ക്ക്, ത​ണ്ണീ​ർ​മു​ക്കം, ക​ണി​ച്ചു​കു​ള​ങ്ങ​ര, മ​ണ്ണ​ഞ്ചേ​രി പ​ഞ്ചാ​യ​ത്തു​ക​ളി​ൽ പ്ര​ധാ​ന പൈ​പ്പ്‌ ലൈ​ൻ വ​ലി​ച്ചി​ട്ടു​ണ്ട്‌. ഇ​തി​ൽ​നി​ന്നാ​ണ്‌ വീ​ടു​ക​ളി​ലേ​ക്ക്‌ ക​ണ​ക്ഷ​ൻ ന​ൽ​കു​ന്ന​ത്‌. നി​ല​വി​ൽ ചേ​ർ​ത്ത​ല തെ​ക്കു​മു​ത​ൽ ക​ല​വൂ​ർ വ​രെ പൈ​പ്പ്​ ലൈ​ൻ വ​ലി​ച്ചി​ട്ടു​ണ്ട്. ചേ​ർ​ത്ത​ല ന​ഗ​ര​ത്തി​ൽ മൂ​ന്നു​കി​ലോ​മീ​റ്റ​ർ പൈ​പ്പ്​ ലൈ​ൻ​കൂ​ടി പൂ​ർ​ത്തി​യാ​ക്കാ​നു​ണ്ട്. വാ​ണി​ജ്യ-​വ്യ​വ​സാ​യ സ്ഥാ​പ​ന​ങ്ങ​ൾ​ക്കും പ്ര​കൃ​തി​വാ​ത​കം ന​ൽ​കും. വ്യ​വ​സാ​യി​ക മേ​ഖ​ല​യി​ൽ കെ.​എ​സ്‌.​ഡി.​പി മാ​ത്ര​മാ​ണ്‌ ക​രാ​റി​ലാ​യ​ത്‌.

സി​റ്റി​ഗ്യാ​സ്‌ പ​ദ്ധ​തി​യി​ൽ ജി​ല്ല​യി​ൽ 14 കേ​ന്ദ്ര​ത്തി​ൽ സി.​എ​ൻ.​ജി പ​മ്പു​ക​ൾ ഒ​രു​ക്കി​യി​ട്ടു​ണ്ട്. എ​ര​മ​ല്ലൂ​ർ, അ​രൂ​ർ-​ഫോ​ർ​ട്ട്‌​കൊ​ച്ചി റോ​ഡ്‌, ചേ​ർ​ത്ത​ല ത​ങ്കം ഫ്യു​വ​ൽ​സ്‌, പ​ട്ട​ണ​ക്കാ​ട്‌, ക​ല​വൂ​ർ, മു​ഹ​മ്മ, ആ​റാ​ട്ടു​വ​ഴി, വ​ഴി​ച്ചേ​രി, അ​മ്പ​ല​പ്പു​ഴ, ത​ല​വ​ടി, ത​ട്ടാ​ര​മ്പ​ലം, എം.​സി റോ​ഡ്‌, കാ​ര​യ്‌​ക്കാ​ട്‌, ന​ങ്ങ്യാ​ർ​കു​ള​ങ്ങ​ര എ​ന്നി​വി​ട​ങ്ങ​ളി​ലാ​ണ്‌ പ്ര​കൃ​തി​വാ​ത​ക​പ​മ്പു​ള്ള​ത്.

പൈ​പ്പ് സ്ഥാ​പി​ക്ക​ൽ ഉ​ൾ​പ്പെ​ടെ​യു​ള്ള പ്ര​വ​ർ​ത്ത​ന​ങ്ങ​ൾ ഊ​ർ​ജി​ത​മാ​യി തു​ട​രു​ക​യാ​ണ്. പൈ​പ്ഡ് നാ​ച്വ​റ​ൽ ഗ്യാ​സ് (പി.​എ​ൻ.​ജി) ആ​ണ് വീ​ടു​ക​ളി​ൽ ല​ഭി​ക്കു​ക. പെ​ട്രോ​ളി​യം ആ​ൻ​ഡ് നാ​ച്വ​റ​ൽ ഗ്യാ​സ് റെ​ഗു​ലേ​റ്റ​റി ബോ​ർ​ഡി​ന്‍റെ (പി.​എ​ൻ.​ജി.​ആ​ർ.​ബി) നേ​തൃ​ത്വ​ത്തി​ൽ അ​റ്റ്ലാ​ന്‍റി​ക് ഗ​ൾ​ഫ് ആ​ൻ​ഡ് പ​സി​ഫി​ക് ലി​മി​റ്റ​ഡി​നാ​ണ് (എ.​ജി ആ​ൻ​ഡ് പി) ​പ​ദ്ധ​തി​യു​ടെ നി​ർ​വ​ഹ​ണ​ച്ചു​മ​ത​ല.

പു​തി​യ സം​വി​ധാ​ന​മാ​യ​തി​നാ​ൽ ഘ​ട്ടം​ഘ​ട്ട​മാ​യി ഓ​രോ നീ​ക്ക​വും പ​രി​ശോ​ധി​ച്ചാ​ണ്​ ക​ണ​ക്‌​ഷ​ൻ ന​ൽ​കു​ക. ദേ​ശീ​യ​പാ​ത വി​ക​സ​ന​ത്തി​നൊ​പ്പം 12 ഇ​ഞ്ച്​ സ്റ്റീ​ൽ പൈ​പ്പാ​ണ് പ്ര​ധാ​ന റോ​ഡ​രി​കി​ൽ ഭൂ​മി​ക്ക​ടി​യി​ലൂ​ടെ സ്ഥാ​പി​ക്കു​ന്ന​ത്. ഉ​പ​റോ​ഡി​ലേ​ക്കും വീ​ടു​ക​ളി​ലേ​ക്കും ക​ട​ക്കു​മ്പോ​ൾ അ​ഞ്ചു​മു​ത​ൽ ഒ​രു ഇ​ഞ്ച് വ​രെ​യു​ള്ള പൈ​പ്പി​ലൂ​ടെ​യാ​ണ് എ​ത്തു​ക. ശു​ദ്ധ​ജ​ല ക​ണ​ക്‌​ഷ​ൻ മാ​തൃ​ക​യി​ൽ പ്ലാ​ന്‍റി​ൽ​നി​ന്ന്​ ഭൂ​മി​ക്ക​ടി​യി​ൽ സ്ഥാ​പി​ക്കു​ന്ന കു​ഴ​ലു​ക​ളി​ലൂ​ടെ വീ​ട്ടി​ലെ സ്റ്റൗ​വി​ലേ​ക്ക് ക​ണ​ക്‌​ഷ​ൻ എ​ത്തി​ക്കും. സി​ലി​ണ്ട​ർ വേ​ണ്ട​​യെ​ന്ന​താ​ണ്​ പ്ര​ത്യേ​ക​ത. സാ​ധാ​ര​ണ സ്റ്റൗ ​ഉ​പ​യോ​ഗി​ക്കാ​മെ​ങ്കി​ലും അ​തി​ൽ ചെ​റി​യ മാ​റ്റ​ങ്ങ​ൾ നി​ർ​വ​ഹ​ണ ഏ​ജ​ൻ​സി വ​രു​ത്തും. വി​ല​ക്കു​റ​വി​നൊ​പ്പം അ​പ​ക​ട​സാ​ധ്യ​ത​യും മ​ലി​നീ​ക​ര​ണ പ്ര​ശ്ന​ങ്ങ​ളും ഇ​ല്ലെ​ന്ന​താ​ണ്​ പ്ര​ത്യേ​ക​ത.