എൽ.പി.ജിയെക്കാൾ വിലക്കുറവ്; ഓണത്തിന്​ സിറ്റി ഗ്യാസ്​ വീടുകളിലേക്ക്

ചേ​ർ​ത്ത​ല: വീ​ടു​ക​ളി​ൽ പൈ​പ്പു​ക​ളി​ലൂ​ടെ പാ​ച​ക​വാ​ത​കം എ​ത്തി​ക്കു​ന്ന 'സി​റ്റി ഗ്യാ​സ്' പ​ദ്ധ​തി​യു​ടെ ആ​ദ്യ​ഘ​ട്ട വി​ത​ര​ണം ഓ​ണ​ത്തോ​ട​നു​ബ​ന്ധി​ച്ച് തു​ട​ങ്ങാ​ൻ നീ​ക്കം ത​കൃ​തി.

മ​ഴ സൃ​ഷ്ടി​ച്ച പ്ര​തി​സ​ന്ധി​ക്കി​ട​യി​ലും പൈ​പ്പ് സ്ഥാ​പി​ക്ക​ൽ ഉ​ൾ​പ്പെ​ടെ പ്ര​വ​ർ​ത്ത​ന​ങ്ങ​ൾ ഊ​ർ​ജി​ത​മാ​ണ്. പൈ​പ്ഡ് നാ​ച്വ​റ​ൽ ഗ്യാ​സ് (പി.​എ​ൻ.​ജി) ആ​ണ് വീ​ടു​ക​ളി​ൽ ല​ഭി​ക്കു​ക.

പെ​ട്രോ​ളി​യം ആ​ൻ​ഡ് നാ​ച്വ​റ​ൽ ഗ്യാ​സ് റെ​ഗു​ലേ​റ്റ​റി ബോ​ർ​ഡി​ന്റെ (പി.​എ​ൻ.​ജി.​ആ​ർ.​ബി) നേ​തൃ​ത്വ​ത്തി​ൽ അ​റ്റ്ലാ​ന്റി​ക് ഗ​ൾ​ഫ് ആ​ൻ​ഡ് പ​സ​ഫി​ക് ലി​മി​റ്റ​ഡി​നാ​ണ് (എ.​ജി ആ​ൻ​ഡ് പി) ​പ​ദ്ധ​തി​യു​ടെ നി​ർ​വ​ഹ​ണ​ച്ചു​മ​ത​ല.

ജി​ല്ല​യി​ൽ ആ​ദ്യം ചേ​ർ​ത്ത​ല​യി​ലാ​ണ് സി​റ്റി ഗ്യാ​സ് ക​ണ​ക്ഷ​ൻ വ​രു​ന്ന​ത്. വ​യ​ലാ​ർ പ​ഞ്ചാ​യ​ത്തി​ൽ 2000 ക​ണ​ക്ഷ​ൻ പൂ​ർ​ത്തി​യാ​യി വ​രു​ന്ന​താ​യി അ​ധി​കൃ​ത​ർ പ​റ​ഞ്ഞു. ചേ​ർ​ത്ത​ല ന​ഗ​ര​സ​ഭ പ​രി​ധി​യി​ൽ പൈ​പ്പ് സ്ഥാ​പി​ക്ക​ൽ ജോ​ലി​ക​ൾ ന​ട​ക്കു​ക​യാ​ണ്. വ​യ​ലാ​റി​ൽ 500 ക​ണ​ക്ഷ​നെ​ങ്കി​ലും ന​ൽ​കി ആ​ദ്യ​ഘ​ട്ട വി​ത​ര​ണം ഓ​ണ​ത്തോ​ട​നു​ബ​ന്ധി​ച്ചു ന​ട​ത്താ​നാ​ണ് ഉ​ദ്ദേ​ശി​ക്കു​ന്ന​ത്.

പു​തി​യ സം​വി​ധാ​ന​മാ​യ​തി​നാ​ൽ ഘ​ട്ടം ഘ​ട്ട​മാ​യി ഓ​രോ നീ​ക്ക​വും പ​രി​ശോ​ധി​ച്ച ശേ​ഷ​മാ​കും ക​ണ​ക്ഷ​നു​ക​ൾ ന​ൽ​കു​ക. വാ​ത​ക​ത്തി​ന്റെ ശേ​ഖ​ര​ണ -വി​ത​ര​ണ​ശാ​ല ത​ങ്കി ക​വ​ല​യി​ൽ സ്ഥാ​പി​ക്കു​ന്ന ജോ​ലി​ക​ളും പൂ​ർ​ത്തി​യാ​യി വ​രു​ക​യാ​ണ്. ഇ​വി​ടെ 65 സെ​ന്റി​ൽ ര​ണ്ട്​ യൂ​നി​റ്റ് ഉ​പ​ക​ര​ണ​ങ്ങ​ളാ​ണ്​ സ്ഥാ​പി​ച്ചി​രി​ക്കു​ന്ന​ത്. ദേ​ശീ​യ​പാ​ത വി​ക​സ​ന ന​ട​പ​ടി​ക​ൾ ന​ട​ക്കു​ന്ന​തി​നാ​ൽ ത​ൽ​ക്കാ​ലം ക​ള​മ​ശ്ശേ​രി​യി​ലെ പ്ലാ​ന്റി​ൽ​നി​ന്ന്​ ക​ണ്ടെ​യ്ന​റി​ൽ ദ്രാ​വ​ക​മാ​യി കം​പ്ര​സ്ഡ് നാ​ച്വ​റ​ൽ ഗ്യാ​സ് (സി.​എ​ൻ.​ജി) ത​ങ്കി​യി​ൽ എ​ത്തി​ച്ച് പി.​എ​ൻ.​ജി ആ​ക്കി മാ​റ്റി സം​ഭ​രി​ക്കു​ക​യും പൈ​പ്പി​ലൂ​ടെ വി​ത​ര​ണം ചെ​യ്യു​ക​യു​മാ​ണു​ണ്ടാ​കു​ക. 12 ഇ​ഞ്ചി​ന്റെ സ്റ്റീ​ൽ പൈ​പ്പാ​ണ് പ്ര​ധാ​ന റോ​ഡ​രി​കി​ൽ ഭൂ​മി​ക്ക​ടി​യി​ലൂ​ടെ സ്ഥാ​പി​ക്കു​ന്ന​ത്.

ദേ​ശീ​യ​പാ​ത വി​ക​സ​നം ക​ഴി​ഞ്ഞാ​ൽ ത​ങ്കി​ക്ക​വ​ല​യി​ലെ പ്ലാ​ന്റ് ഉ​പ​യോ​ഗി​ക്കാ​തെ ക​ള​മ​ശ്ശേ​രി​യി​ലെ പ്ലാ​ന്റി​ൽ​നി​ന്ന്​ റോ​ഡി​ന​ടി​യി​ലെ പൈ​പ്പി​ലൂ​ടെ നേ​രി​ട്ട്​ വാ​ത​ക​മെ​ത്തും. വ​യ​ലാ​ർ, ചേ​ർ​ത്ത​ല ന​ഗ​ര​സ​ഭ എ​ന്നി​വി​ട​ങ്ങ​ളി​ൽ ന​ൽ​കി​ത്തു​ട​ങ്ങി​യ ശേ​ഷം സ​മീ​പ പ​ഞ്ചാ​യ​ത്തു​ക​ളി​ലേ​ക്കും ആ​ല​പ്പു​ഴ ഭാ​ഗ​ത്തേ​ക്കും പൈ​പ്പ് സ്ഥാ​പി​ക്കും. വീ​ടു​ക​ളി​ലേ​ക്ക്​ പൈ​പ്പ്​ സ്ഥാ​പി​ക്കു​ന്ന​തി​നൊ​പ്പം മീ​റ്റ​റും ഉ​ണ്ടാ​കും. ഇ​ത്​ പ​രി​ശോ​ധി​ച്ച് ഉ​പ​യോ​ഗി​ച്ച വാ​ത​ക​ത്തി​നു മാ​ത്രം പ​ണം ന​ൽ​കി​യാ​ൽ മ​തി​യാ​കും. സി​ലി​ണ്ട​ർ വേ​ണ്ട. സാ​ധാ​ര​ണ സ്റ്റൗ ​ത​ന്നെ ഉ​പ​യോ​ഗി​ക്കാ​മെ​ങ്കി​ലും അ​തി​ൽ ചെ​റി​യ മാ​റ്റ​ങ്ങ​ൾ നി​ർ​വ​ഹ​ണ ഏ​ജ​ൻ​സി വ​രു​ത്തും. എ​ൽ.​പി.​ജി​യെ​ക്കാ​ൾ വി​ല​ക്കു​റ​വ്, സി​ലി​ണ്ട​ർ സൂ​ക്ഷി​ക്കേ​ണ്ട, അ​പ​ക​ട​സാ​ധ്യ​ത​യി​ല്ല, മ​ലി​നീ​ക​ര​ണ പ്ര​ശ്ന​ങ്ങ​ളി​ല്ല തു​ട​ങ്ങി​യ​വ​യാ​ണ് സി​റ്റി ഗ്യാ​സി​ന്റെ പ്ര​ത്യേ​ക​ത​യാ​യി ക​മ്പ​നി പ​റ​യു​ന്ന​ത്.