തലവടിയിലെ രഘുവിന്‍റെ മരണം കോളറയല്ല; കുട്ടനാട്ടിൽ ആരോഗ്യവകുപ്പ്​ ജാഗ്രതനിർദേശം തുടരും

ആ​ല​പ്പു​ഴ: സ്വ​കാ​ര്യ​ആ​ശു​പ​ത്രി​യി​ൽ ഏ​ഴു​ദി​വ​സ​മാ​യി ചി​കി​ത്സ​യി​ൽ ക​ഴി​ഞ്ഞ 48കാ​ര​ൻ ര​ഘു​വി​ന്​ ​കോ​ള​റ​യ​ല്ലെ​ന്ന്​ ആ​രോ​ഗ്യ​വ​കു​പ്പ്. നേ​ര​ത്തെ ന​ട​ത്തി​യ ര​ക്ത​സാ​മ്പി​ൾ പ​രി​ശോ​ധ​ന​യി​ൽ വി​ബ്രി​യോ കോ​ള​റ​യു​ടെ സാ​ന്നി​ധ്യം ക​ണ്ടെ​ത്തി​യി​രു​ന്നു. വെ​ള്ളി​യാ​ഴ്ച പു​ല​ർ​ച്ച​യാ​ണ്​ ഇ​യാ​ൾ മ​ര​ണ​ത്തി​ന്​ കീ​ഴ​ട​ങ്ങി​യ​ത്. ഇ​തി​ന്​ പി​ന്നാ​ലെ വ​ന്ന മ​ല​ത്തി​ന്റെ പ​രി​ശോ​ധ​നാ​ഫ​ലം നെ​ഗ​റ്റി​വാ​യി​രു​ന്നു. അ​തേ​സ​മ​യം, നേ​ര​ത്തെ കു​ട്ട​നാ​ട്ടി​ലെ മു​ൻ​കാ​ല സാ​ഹ​ച​ര്യ​ങ്ങ​ളും വ​രു​ന്ന മ​ഴ​ക്കാ​ല​വും ക​ണ​ക്കി​ലെ​ടു​ത്ത് ജാ​ഗ്ര​ത​നി​ർ​ദേ​ശം തു​ട​രാ​നാ​ണ്​ ആ​രോ​ഗ്യ​വ​കു​പ്പി​ന്‍റെ നി​ർ​ദേ​ശം. ലി​വ​ർ സി​റോ​സി​സ​ട​ക്കം മ​റ്റ്​ രോ​ഗ​ങ്ങ​ളാ​ണ്​ പി.​ജി. ര​ഘു​വി​ന്‍റെ മ​ര​ണ​കാ​ര​ണ​മെ​ന്നാ​ണ്​ വി​ല​യി​രു​ത്ത​ൽ.

അ​തീ​വ ഗു​രു​ത​രാ​വ​സ്ഥി​യി​ൽ ഏ​താ​നും ദി​വ​സ​മാ​യി വെ​ന്റി​ലേ​റ്റ​റി​ലാ​യി​രു​ന്നു. ര​ണ്ടു​ദി​വ​സം​മു​മ്പ്​ ന​ട​ത്തി​യ ര​ക്തം ക​ൾ​ച്ച​ർ പ​രി​ശോ​ധ​ന​യി​ലാ​ണ് വി​ബ്രി​യോ കോ​ള​റ സാ​ന്നി​ധ്യം ആ​ദ്യം ക​ണ്ടെ​ത്തി​യ​ത്. അ​ത് നൂ​റു​ശ​ത​മാ​നം ഉ​റ​പ്പി​ക്കാ​നാ​ണ്​ മ​ലം പ​രി​ശോ​ധി​ച്ച​ത്. ചി​കി​ത്സ​ക്കി​ടെ ര​ണ്ടു​ത​വ​ണ മ​ല​പ​രി​ശോ​ധ​ന​യി​ൽ രോ​ഗാ​ണു​വി​നെ ക​ണ്ടെ​ത്താ​നാ​യി​ല്ല. മ​ല​ത്തി​ൽ കോ​ള​റ അ​ണു​വി​ന്റെ സാ​ന്നി​ധ്യം ക​ണ്ടെ​ത്തി​യാ​ൽ മാ​ത്ര​മേ കോ​ള​റ സ്ഥി​രീ​ക​രി​ക്കാ​ൻ ക​ഴി​യൂ. ലോ​റി ഡ്രൈ​വ​റാ​യി ജോ​ലി​നോ​ക്കി​യി​രു​ന്ന ര​ഘു ക​ഴി​ഞ്ഞ ര​ണ്ടാ​ഴ്ച​ക്കി​ടെ നി​ര​വ​ധി സ്ഥ​ല​ങ്ങ​ളി​ലേ​ക്ക്​ യാ​ത്ര​ക​ൾ ന​ട​ത്തി​യി​രു​ന്നു. ഇ​തി​നി​​ടെ പു​റ​ത്തു​നി​ന്നും വെ​ള്ള​വും ഭ​ക്ഷ​ണ​വും ക​ഴി​ച്ച​തി​ൽ​നി​ന്നാ​ണ്​ രോ​ഗ​ബാ​ധ​യു​ണ്ടാ​യ​യെ​ന്നാ​ണ്​ സം​ശ​യം.

ഏ​റെ​ക്കു​റേ കോ​ള​റ​യാ​ണെ​ന്ന് ഉ​റ​പ്പി​ച്ചാ​യി​രു​ന്നു പ്ര​ദേ​ശ​ത്ത്​ ആ​രോ​ഗ്യ​വ​കു​പ്പി​ന്‍റെ പ്ര​തി​രോ​ധ പ്ര​വ​ർ​ത്ത​ന​ങ്ങ​ൾ ഊ​ർ​ജി​ത​മാ​ക്കി​യ​ത്. ഇ​തി​ന്​ മു​മ്പ്​ പ​ല​ത​വ​ണ കോ​ള​റ സ്ഥി​രീ​ക​രി​ച്ച​തും മ​ര​ണ​മു​ണ്ടാ​യ​തും കു​ട്ട​നാ​ടാ​ണ്. അ​തി​നാ​ൽ ഇ​ക്കാ​ര്യ​ത്തി​ൽ കൂ​ടു​ത​ൽ ക​രു​ത​ലും ശ്ര​ദ്ധ​യു​മു​ണ്ടാ​യി​രു​ന്നു. ശു​ദ്ധ​ജ​ലം കി​ട്ടാ​ത്ത​താ​ണ് കു​ട്ട​നാ​ട്ടി​ലെ രോ​ഗ​ബാ​ധ​ക്ക്​ പ്ര​ധാ​ന​കാ​ര​ണം. 2013ലാ​ണ് ഒ​ടു​വി​ൽ കോ​ള​റ പി​ടി​പെ​ട്ട​ത്. അ​ന്ന് 10 പേ​ർ​ക്ക്​ രോ​ഗ​ബാ​ധ​യു​ണ്ടാ​യി. അ​തി​നു​മു​മ്പ്​ ഒ​ട്ടേ​റെ മ​ര​ണ​വു​മു​ണ്ടാ​യി.

2002ൽ ​കു​ട്ട​നാ​ട്ടി​ൽ കോ​ള​റ പ​ട​ർ​ന്ന​പ്പോ​ൾ ഒ​ട്ടേ​റേ​പേ​ർ​ക്ക്​ ജീ​വ​​ൻ​പോ​ലും ന​ഷ്ട​മാ​യി. 2009-ൽ ​കൈ​ന​ക​രി​യി​ൽ ര​ണ്ടു​പേ​ർ മ​രി​ച്ചു. 20 പേ​ർ​ക്ക് രോ​ഗം പി​ടി​പെ​ട്ടു. 2012ലും 2013​ലും കോ​ള​റ കു​ട്ട​നാ​ടി​നെ വി​ടാ​തെ പി​ന്തു​ട​ർ​ന്നു. പാ​ച​ക​ത്തി​ന് ആ​റ്റി​ലെ​യും കാ​യ​ലി​ലെ​യും വെ​ള്ളം ഉ​പ​യോ​ഗി​ക്കു​ന്ന​താ​യി​രു​ന്നു കോ​ള​റ ഉ​ൾ​പ്പെ​ടെ​യു​ള്ള വ​യ​റി​ള​ക്ക​രോ​ഗ​ങ്ങ​ൾ വ്യാ​പ​ക​മാ​കാ​ൻ കാ​ര​ണ​മാ​യ​ത്.