എം.ഡി.എം.എയുമായി രണ്ട് യുവാക്കൾ പിടിയിൽ

ചേർത്തല: ദേശീയപാതയിൽ വാഹന പരിശോധനക്കിടെ 15 ഗ്രാം എം.ഡി.എം.എയുമായി മലപ്പുറം സ്വദേശികളായ രണ്ട് യുവാക്കളെ പിടികൂടി.

മലപ്പുറം പൊന്നാനി കുന്നുമ്മൽ വീട്ടിൽ വൈഷ്ണവ് ( 24 ), പൊന്നാനി കാഞ്ഞിരമുക്ക് അരിയെല്ലി വീട്ടിൽ നിഖിൽ (37) എന്നിവരെയാണ് ജില്ല പൊലീസ് മേധാവിയുടെ ലഹരി വിരുദ്ധ സ്ക്വാഡും ചേർത്തല ഡിവൈ.എസ്.പിയുടെ സ്പെഷൽ സ്ക്വാഡും ചേർന്ന് പിടികൂടിയത്. ഞായറാഴ്ച വൈകീട്ട് അഞ്ചോടെ ദേശീയപാതയിൽ എക്സ്റേ ബൈപാസിന് തെക്കുവശം സംശയാസ്പദമായ സാഹചര്യത്തിൽ കണ്ട വാഹനം പരിശോധിച്ചപ്പോഴാണ് മയക്കുമരുന്നുമായി യുവാക്കൾ പിടിയിലായത്.