കോഴിഫാമിനെതിരെ പരാതി നൽകിയയാളുടെ വീട്ടുവളപ്പിലെ പ്രാർഥനാലയം അടിച്ചുതകർത്തു

ചേ​ർ​ത്ത​ല: കോ​ഴി​ഫാ​മി​നെ​തി​രെ പ​രാ​തി ന​ൽ​കി​യ​തി​ന്‍റെ വൈ​രാ​ഗ്യം മൂ​ലം പ​രാ​തി ന​ൽ​കി​യ ആ​ളു​ടെ വീ​ട്ടു​വ​ള​പ്പി​ലെ പ്രാ​ർ​ഥ​നാ​ല​യം അ​ടി​ച്ചു ത​ക​ർ​ത്തു. ആ​ക്ര​മ​ണം ത​ട​യാ​നെ​ത്തി​യ വീ​ട്ട​മ്മ​ക്കും മ​രു​മ​ക​ൾ​ക്കും ത​ല​ക്ക് പ​രി​ക്കേ​റ്റു. ഇ​വ​രെ വ​ണ്ടാ​നം മെ​ഡി​ക്ക​ൽ കോ​ള​ജി​ൽ പ്ര​വേ​ശി​പ്പി​ച്ചു.

ചേ​ർ​ത്ത​ല തെ​ക്ക് പ​ഞ്ചാ​യ​ത്ത് എ​ട്ടാം വാ​ർ​ഡി​ൽ പ​റ​പ്പ​ള്ളി വെ​ളി​യി​ൽ സു​ജി​ത്തി​ന്‍റെ ഭാ​ര്യ മ​ഞ്ചു (40), മാ​താ​വ് പ്ര​ശോ​ഭ സു​രേ​ന്ദ്ര​ൻ (64) എ​ന്നി​വ​ർ​ക്കാ​ണ് പ​രി​ക്കേ​റ്റ​ത്. തി​ങ്ക​ളാ​ഴ്ച രാ​ത്രി 9.30നാ​ണ്​ സം​ഭ​വം. പൊ​ലീ​സ് പ​റ​യു​ന്ന​തി​ങ്ങ​നെ: സു​ജി​ത്തി​ന്‍റെ വീ​ട്ട് വ​ള​പ്പി​ലു​ള്ള വി​ഷ്ണു​മാ​യ​യു​ടെ വെ​ച്ചാ​രാ​ധ​ന​യി​ൽ ദു​ർ​മ​ന്ത്ര​വാ​ദം ന​ട​ക്കു​ന്നു​ണ്ടെ​ന്ന് കാ​ട്ടി​യാ​ണ് അ​യ​ൽ​വാ​സി​ക​ളാ​യ അ​ഞ്ച് സ​ഹോ​ദ​ര​ങ്ങ​ൾ ആ​ക്ര​മ​ണം ന​ട​ത്തി​യ​ത്.

എ​ന്നാ​ൽ, 2018 മു​ത​ൽ അ​യ​ൽ​വാ​സി മ​ട്ടു​മ്മേ​ൽ വെ​ളി അ​നു​രു​ദ്ധ​ൻ വ​ലി​യ രീ​തി​യി​ൽ കോ​ഴി​ഫാം ന​ട​ത്തു​ന്ന​തു മൂ​ലം ഇ​വി​ടെ നി​ന്നും വ​ലി​യ രീ​തി​യി​ൽ ദു​ർ​ഗ​ന്ധം വ​രു​ന്ന​തി​ന്‍റെ അ​ടി​സ്ഥാ​ന​ത്തി​ൽ വ​ഴ​ക്ക്​ പ​തി​വാ​ണ്. കു​റ​ച്ച് ദി​വ​സ​ങ്ങ​ൾ​ക്ക് മു​മ്പും കോ​ഴി​ഫാ​മി​നെ​തി​രെ അ​ർ​ത്തു​ങ്ക​ൽ പൊ​ലീ​സി​ൽ സു​ജി​ത്ത് പ​രാ​തി ന​ൽ​കി​യി​രു​ന്നു. ഇ​തി​ന്‍റെ വൈ​രാ​ഗ്യം തീ​ർ​ക്കാ​നാ​ണ് ആ​ക്ര​മ​ണം ന​ട​ത്തി​യ​തെ​ന്ന് സു​ജി​ത്ത് പ​റ​ഞ്ഞു.

വി​ട്ടു​വ​ള​പ്പി​ൽ പ്ര​ത്യേ​കം ക്ര​മീ​ക​രി​ച്ച വി​ഷ്ണു​മാ​യ​യു​ടെ വി​ഗ്ര​ഹം ആ​ക്ര​മി​ക്കു​ന്ന​ത് ത​ട​യാ​നെ​ത്തി​യ​പ്പോ​ഴാ​ണ് ഇ​രു​വ​ർ​ക്കും ത​ല​ക്ക്​ പ​രി​ക്കേ​റ്റ​ത്. മ​ഞ്ജു​വി​ന്‍റെ നെ​റ്റി​യി​ലെ ഞ​ര​മ്പി​ൽ ഉ​ണ്ടാ​യ പ​രി​ക്ക് സാ​ര​മു​ള്ള​താ​ണെ​ന്നും തു​ട​ർ​ചി​കി​ത്സ വേ​ണ്ടി വ​രു​മെ​ന്നും സു​ജി​ത്ത് പ​റ​ഞ്ഞു. സ​ഹോ​ദ​ര​ങ്ങ​ളാ​യ ഒ​ന്നാം​പ്ര​തി അ​നി​രു​ദ്ധ​ൻ, ഗി​രീ​ശ​ൻ, ബി​നീ​ഷ്, അ​ജീ​ഷ്, അ​നീ​ഷ് എ​ന്നി​വ​ർ​ക്കെ​തി​രെ അ​ർ​ത്തു​ങ്ക​ൽ പൊ​ലീ​സ് കേ​സെ​ടു​ത്തു.