Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightAlappuzhachevron_rightCherthalachevron_rightഡോ. സന്തോഷ് തോമസിന്...

ഡോ. സന്തോഷ് തോമസിന് വായിക്കാൻ പിതാവ് രചിച്ച രാമായണം

text_fields
bookmark_border
Dr. Santosh Thomas
cancel
camera_alt

രാമായണം വാ​യി​ക്കു​ന്ന ഡോ. ​സ​ന്തോ​ഷ് തോ​മ​സ്, തോ​മ​സ് വൈ​ദ്യ​ർ

ചേ​ർ​ത്ത​ല: രാ​മാ​യ​ണ ശീ​ലു​ക​ളു​മാ​യി ഒ​രു ക​ർ​ക്ക​ട​കം​കൂ​ടി​യെ​ത്തു​മ്പോ​ൾ ഡോ. ​സ​ന്തോ​ഷ് തോ​മ​സി​ന് വാ​യി​ക്കാ​ൻ പി​താ​വ് ര​ചി​ച്ച രാ​മാ​യ​ണ​മു​ണ്ട്. അ​ർ​ത്തു​ങ്ക​ൽ വാ​ണി​വി​ലാ​സം കു​രി​ശി​ങ്ക​ൽ വീ​ട്ടി​ൽ ഭി​ഷ​ക്​​ര​ത്നം തോ​മ​സ്കു​ട്ടി വൈ​ദ്യ​ർ എ​ഴു​തി​യ അ​ധ്യാ​ത്മ​ക രാ​മാ​യ​ണ​മാ​ണ്​ (ഒ​രു ല​ളി​ത​ഭാ​ഷാ മ​ഹാ​കാ​വ്യം) മ​ക​ൻ ഡോ. ​സ​ന്തോ​ഷ് തോ​മ​സ് നി​ധി​പോ​ലെ സൂ​ക്ഷി​ക്കു​ന്ന​ത്. 'സീ​ത​യാം ദേ​വി​യെ കാ​ണാ​യ്ക കാ​ര​ണാ​ൽ സു​ഗ്രീ​വ​നോ​ടു​ള്ള കാ​ര്യം പ​റ​ഞ്ഞ് ല​ങ്കാ​പു​രി​ക്ക​ന്ന് പോ​കു​ന്ന​തി​നാ​യി ശ്രീ​രാ​മ​ദേ​വ​നൊ​രു​മ്പെ​ട്ട് നി​ൽ​ക്കെ...' എ​ന്ന​താ​ണ് തോ​മ​സ്കു​ട്ടി വൈ​ദ്യ​ർ ര​ചി​ച്ച അ​ധ്യാ​ത്മ​ക രാ​മാ​യ​ണ​ത്തി​െൻറ തു​ട​ക്കം.

കാ​ണാ​താ​വു​ന്ന സീ​ത​യെ അ​ന്വ​ഷി​ക്കു​ന്ന​തു​മു​ത​ൽ പ​ട്ടാ​ഭി​ഷേ​കം വ​രെ​യു​ള്ള ഭാ​ഗ​ങ്ങ​ൾ 14 സ​ർ​ഗ​ങ്ങ​ളി​ലാ​യാ​ണ് ര​ച​ന. 1970ൽ ​എ​ഴു​തി​ത്തു​ട​ങ്ങി​യ രാ​മാ​യ​ണം 1976ലാ​ണ് പൂ​ർ​ത്തീ​ക​രി​ച്ച​ത്. രാ​മാ​യ​ണ കാ​വ്യ​ത്തി​ന് ആ​മു​ഖം എ​ഴു​തി​യ സം​സ്കൃ​ത അ​ധ്യാ​പ​ക​ൻ ക​ട​നാ​ട് ആ​ർ. ദാ​മോ​ദ​ര​ൻ തോ​മ​സ് വൈ​ദ്യ​രു​ടെ അ​പാ​ര സം​സ്കൃ​ത പാ​ണ്ഡി​ത്യ​ത്തെ​ക്കു​റി​ച്ച് പു​സ്ത​ക​ത്തി​ൽ പ​രാ​മ​ർ​ശി​ച്ചി​ട്ടു​ണ്ട്. പു​രാ​ണേ​തി​ഹാ​സ​ങ്ങ​ളോ​ട് വൈ​ദ്യ​ർ​ക്കു​ണ്ടാ​യി​രു​ന്ന തീ​ക്ഷ്​​ണ​മാ​യ ആ​വേ​ശ​മാ​ണ് രാ​മാ​യ​ണ ര​ച​ന​ക്ക്​ പ്ര​ചോ​ദ​ന​മാ​യ​തെ​ന്ന് മ​ക്ക​ളും സാ​ക്ഷ്യ​പ്പെ​ടു​ത്തു​ന്നു. സാ​ധാ​ര​ണ​ക്കാ​ർ​ക്കു​പോ​ലും മ​ന​സ്സി​ലാ​ക്കാ​വു​ന്ന​വി​ധം ല​ളി​ത ഭാ​ഷ​ശൈ​ലി​യാ​ണ് ഉ​പ​യോ​ഗി​ച്ചി​രി​ക്കു​ന്ന​ത്. 1976ൽ ​പ്ര​സി​ദ്ധീ​ക​രി​ച്ച 161 പേ​ജു​ള്ള അ​ധ്യാ​ത്മ​ക രാ​മാ​യ​ണ​ത്തി​ന്​ അ​ഞ്ചു​രൂ​പ​യാ​യി​രു​ന്നു വി​ല. ബൈ​ബി​ളി​നേ​ക്കാ​ളും പ​ഠി​ച്ച​തും മ​ക്ക​ളെ പ​ഠി​പ്പി​ച്ച​തും രാ​മാ​യ​ണം​പോ​ലു​ള്ള മ​ത​ഗ്ര​ന്ഥ​ങ്ങ​ളാ​യി​രു​ന്നു.

തോ​മ​സ് വൈ​ദ്യ​ർ​ക്കും ഭാ​ര്യ സാ​റാ​മ്മ തോ​മ​സി​നു​മാ​യി ഒ​മ്പ​ത്​ മ​ക്ക​ളാ​ണു​ള്ള​ത്. എ​ല്ലാ​വ​ർ​ക്കും ഹൈ​ന്ദ​വ പേ​രു​ക​ളാ​ണ് ന​ൽ​കി​യ​തെ​ന്ന പ്ര​ത്യ​ക​ത​യു​മു​ണ്ട്. ശാ​ന്ത​മ്മ, സ​തി​യ​മ്മ, സ​ര​ള​മ്മ, സ​ര​സ​മ്മ, രാ​ജ​മ്മ, ത​ങ്ക​മ​ണി, ജ​സി​യ​മ്മ, കു​ട്ടി​തോ​മ​സ്, സ​ന്തോ​ഷ് തോ​മ​സ് എ​ന്നി​ങ്ങ​നെ​യാ​ണ് പേ​രു​ക​ൾ. അ​ധ്യാ​ത്മ​ക രാ​മാ​യ​ണം കൂ​ടാ​തെ നീ​റു​ന്ന നി​മി​ഷ​ങ്ങ​ൾ, തോ​ബി​യാ​സ്, ജോ​സ​ഫ് ഈ​ജി​പ്തി​ൽ എ​ന്നി​ങ്ങ​നെ മ​റ്റ് കൃ​തി​ക​ളും തോ​മ​സ് വൈ​ദ്യ​രു​ടെ ര​ച​ന​വൈ​ഭ​വ​ങ്ങ​ളി​ലെ വേ​റി​ട്ട കൃ​തി​ക​ളാ​ണ്.

1978ൽ ​തോ​മ​സ്കു​ട്ടി വൈ​ദ്യ​ർ മ​രി​ച്ചു. ഏ​റ്റ​വും ഇ​ള​യ മ​ക​നും ആ​യു​ർ​വേ​ദ ഡോ​ക്ട​റും പ്ര​ഭാ​ഷ​ക​നും എ​ഴു​ത്തു​കാ​ര​നു​മാ​യ ഡോ. ​സ​ന്തോ​ഷ് തോ​മ​സ് 24 വ​ർ​ഷ​ങ്ങ​ൾ​ക്കു​ശേ​ഷം 2010ൽ ​അ​ധ്യാ​ത്മ​ക രാ​മാ​യ​ണ​ത്തി​െൻറ പു​തി​യ പ​തി​പ്പ് പു​റ​ത്തി​റ​ക്കി. പു​സ്ത​ക​ത്തി​െൻറ പു​റം​ച​ട്ട​വ​രെ അ​ദ്ദേ​ഹ​മാ​ണ് രൂ​പ​ക​ൽ​പ​ന ചെ​യ്ത​ത്. ആ​യു​ർ​വേ​ദ​ത്തി​ലെ നേ​ര​റി​വു​ക​ൾ എ​ന്ന കൃ​തി​യും അ​ദ്ദേ​ഹം ര​ചി​ച്ചി​ട്ടു​ണ്ട്. ഭാ​ര്യ മേ​രി​ക്കു​ട്ടി ലൂ​ക്കോ​സ്, മ​ക​ൾ നീ​ലി​മ തോ​മ​സ്, മ​രു​മ​ക​ൻ ജെ​യിം​സ് മാ​ത്യു, പേ​ര​ക്കു​ട്ടി എ​ഡ്വി​ൻ എ​ന്നി​വ​രോ​ടൊ​പ്പം വാ​ണി​വി​ലാ​സ​ത്തി​ലാ​ണ്​ ഡോ. ​സ​ന്തോ​ഷ്​ തോ​മ​സി​െൻറ താ​മ​സം.

Show Full Article
TAGS:Ramayana Dr. Santosh Thomas 
News Summary - Ramayana written by his father for Dr. Santosh Thomas to read
Next Story