സ്കേറ്റിങ്​ റോളറിൽ സ്വർണം വാരിക്കൂട്ടി ഒമ്പതുകാരൻ ആർവിഷ് വിശോഭ്

ചേ​ർ​ത്ത​ല: കു​ട്ടി​ക്കാ​ല​ത്ത് ക​ളി​ക്കാ​ൻ വാ​ങ്ങി​കൊ​ടു​ത്ത സ്കേ​റ്റി​ങ്​ റോ​ള​ർ പി​ന്നീ​ട് ജീ​വി​ത​ത്തി​ന്റെ ഭാ​ഗ​മാ​ക്കി കേ​ര​ള​ത്തി​ന​ക​ത്തും പു​റ​ത്തും മ​ത്സ​രി​ച്ച് സ്വ​ർ​ണ മെ​ഡ​ലു​ക​ൾ വാ​രി​ക്കൂ​ട്ടു​ക​യാ​ണ് ഒ​മ്പ​ത് വ​യ​സ്സു​കാ​ര​നാ​യ ആ​ർ​വി​ഷ് വി​ശോ​ഭ്.

ചേ​ർ​ത്ത​ല ന​ഗ​ര​സ​ഭ 15ാം വാ​ർ​ഡ് മ​ര​ത്തോ​ർ​വ​ട്ടം സോ​പാ​ന​ത്തി​ൽ ഡോ. ​വി​ശോ​ഭ് വി. ​നാ​യ​ർ-​ഡോ. ആ​ര്യ വി​ശോ​ഭ് ദ​മ്പ​തി​ക​ളു​ടെ മ​ക​നും പ​ട്ട​ണ​ക്കാ​ട് പ​ബ്ലി​ക് സ്കൂ​ളി​ൽ നാ​ലാം ക്ലാ​സ് വി​ദ്യാ​ർ​ഥി​യു​മാ​യ ആ​ർ​വി​ഷ് വി​ശോ​ഭ് ആ​ദ്യ​കാ​ല​ങ്ങ​ളി​ൽ ചെ​റി​യ സ​മ്മാ​ന​ങ്ങ​ൾ നേ​ടി​യ​തോ​ടെ​യാ​ണ് മ​ത്സ​ര​ങ്ങ​ളി​ൽ കൂ​ടു​ത​ൽ ശ്ര​ദ്ധ കേ​ന്ദ്രീ​ക​രി​ച്ച​ത്.

തു​ട​ർ​ന്ന് എ​റ​ണാ​കു​ളം സ്വ​ദേ​ശി​ക​ളാ​യ ഇ.​എ​ക്സ്. ഷാ​ജി, ഷീ​ബ മ​ണി എ​ന്നി​വ​രു​ടെ കീ​ഴി​ൽ വി​ദ​ഗ്​​ധ പ​രി​ശീ​ല​നം നേ​ടി. ജ​മ്മു-​ക​ശ്മീ​രി​ൽ ന​ട​ന്ന നാ​ഷ​ന​ൽ റോ​ള​ർ ബാ​സ്ക​റ്റ്​​ബാ​ൾ മ​ത്സ​ര​ത്തി​ൽ കേ​ര​ള​ത്തി​ൽ​നി​ന്നു പ്ര​തി​നി​ധാ​നം ചെ​യ്ത് മെ​ഡ​ൽ ക​ര​സ്ഥ​മാ​ക്കി. 2023 മേ​യി​ൽ ബെ​ൽ​ഗാ​മി​ൽ ന​ട​ന്ന നോ​ൺ-​സ്റ്റോ​പ്​ സ്​​കേ​റ്റി​ങ്​ റോ​ൾ ബോ​ൾ മാ​ര​ത്ത​ണി​ൽ 51 മ​ണി​ക്കൂ​റി​നു​ള്ളി​ൽ ഒ​മ്പ​ത്​ ലോ​ക റെ​ക്കോ​ർ​ഡു​ക​ൾ. 2023ൽ ​ഗി​ന്ന​സ് വേ​ൾ​ഡ് റെ​ക്കാ​ർ​ഡും ആ​ർ​വി​ഷി​നെ തേ​ടി​യെ​ത്തി.

മാ​ർ​ച്ച് 29 മു​ത​ൽ 31 വ​രെ ഗോ​വ​യി​ൽ ന​ട​ന്ന നാ​ഷ​ന​ൽ അ​ർ​ബ​ൻ ഗെ​യിം​സി​ൽ ഫെ​ഡ​റേ​ഷ​ൻ ക​പ്പ് 2024 ഇ​ൻ​ലൈ​ൻ സ്കേ​റ്റി​ങ്ങി​ൽ 300, 500 മീ​റ്റ​ർ സ​ബ്ജൂ​നി​യ​ർ വി​ഭാ​ഗ​ത്തി​ൽ കേ​ര​ള​ത്തി​ൽ​നി​ന്നും പ​ങ്കെ​ടു​ത്ത് ഇ​ര​ട്ട​സ്വ​ർ​ണം നേ​ടി താ​രം നാ​ടി​ന് അ​ഭി​മാ​ന​മാ​യി. ജൂ​ലൈ​യി​ൽ തി​രു​വ​ന​ന്ത​പു​രം സെ​ൻ​ട്ര​ൽ സ്റ്റേ​ഡി​യ​ത്തി​ൽ സ്പോ​ർ​ട്സ് കൗ​ൺ​സി​ൽ നേ​തൃ​ത്വ​ത്തി​ൽ ന​ട​ക്കു​ന്ന മ​ത്സ​ര​ത്തി​നു​ള്ള പ​രി​ശീ​ല​ന​ത്തി​ലാ​ണ് ആ​ർ​വി​ഷ്.