കൃഷിയിടത്തില്‍ മോഷണം; രണ്ടര ലക്ഷം രൂപയുടെ നഷ്ടം

ചേ​ര്‍ത്ത​ല: ജോ​ലി​യു​പേ​ക്ഷി​ച്ച് കാ​ര്‍ഷി​ക​വൃ​ത്തി​യി​ലേ​ക്ക് തി​രി​ഞ്ഞ യു​വാ​വി​ന്‍റെ സ്ഥ​ല​ത്തെ വി​ള​ക​ള്‍ സാ​മൂ​ഹി​ക വി​രു​ദ്ധ​ര്‍ മോ​ഷ്ടി​ച്ചു.വ​യ​ലാ​ര്‍ പ​ഞ്ചാ​യ​ത്ത് ആ​റാം വാ​ര്‍ഡി​ല്‍ വേ​ലി​ക്ക​ക​ത്ത് വി.​എ​സ്. ന​ന്ദ​കു​മാ​റി​ന്റെ തോ​ട്ട​ത്തി​ലാ​ണ് ശ​നി​യാ​ഴ്ച രാ​ത്രി മോ​ഷ​ണം ന​ട​ന്ന​ത്. ര​ണ്ട​ര ല​ക്ഷ​ത്തോ​ളം രൂ​പ​യു​ടെ ന​ഷ്ടം സം​ഭ​വി​ച്ച​താ​യി പ​രാ​തി​യി​ല്‍ പ​റ​യു​ന്നു.വ​യ​ലാ​ര്‍ പ​ഞ്ചാ​യ​ത്ത് പ​തി​ന​ഞ്ചാം വാ​ര്‍ഡി​ലെ മു​ക്ക​ണ്ണ​ന്‍ ക​വ​ല​ക്ക്​ സ​മീ​പം ഒ​ന്ന​ര​യേ​ക്ക​ര്‍ സ്ഥ​ലം പാ​ട്ട​ത്തി​നെ​ടു​ത്താ​യി​രു​ന്നു കൃ​ഷി​യി​റ​ക്കി​യ​ത്.

ത​ണ്ണി​മ​ത്ത​നും കു​ക്കു​മ്പ​റു​മാ​ണ് കൃ​ഷി​ചെ​യ്തി​രു​ന്ന​ത്. വി​ള​വെ​ടു​ക്കാ​ന്‍ പാ​ക​മാ​യ​വ​യാ​ണ് മോ​ഷ്ടി​ക്ക​പ്പെ​ട്ട​ത്. പാ​തി​വ​ള​ര്‍ച്ച എ​ത്തി​യ ത​ണ്ണി​മ​ത്ത​നും കു​ക്കു​മ്പ​റും പ​റി​ച്ച് ന​ശി​പ്പി​ച്ചു.

ഒ​ന്ന​ര ല​ക്ഷം രൂ​പ വാ​യ്പ​യെ​ടു​ത്താ​ണ് കൃ​ഷി ന​ട​ത്തി​യ​തെ​ന്ന് ന​ന്ദ​കു​മാ​ര്‍ പ​റ​ഞ്ഞു. ഓ​ട്ടോ​മൊ​ബൈ​ല്‍ എ​ന്‍ജി​നീ​യ​റി​ങ്ങി​ല്‍ ഡി​പ്ലോ​മ നേ​ടി​യ ശേ​ഷം എ​റ​ണാ​കു​ള​ത്തെ സ്വ​കാ​ര്യ സ്ഥാ​പ​ന​ത്തി​ല്‍ ജോ​ലി ചെ​യ്തി​രു​ന്ന ന​ന്ദ​കു​മാ​ര്‍, ഒ​ന്ന​ര​വ​ര്‍ഷം മു​മ്പാ​ണ് ജോ​ലി ഉ​പേ​ക്ഷി​ച്ച് കൃ​ഷി​യി​ലേ​ക്കി​റ​ങ്ങി​യ​ത്. വ​യ​ലാ​ര്‍ പ​ഞ്ചാ​യ​ത്തി​ലെ വി​വി​ധ ഭാ​ഗ​ങ്ങ​ളി​ലാ​യി മൂ​ന്ന​ര​യേ​ക്ക​ര്‍ സ്ഥ​ലം പാ​ട്ട​ത്തി​നെ​ടു​ത്ത് കൃ​ഷി ന​ട​ത്തു​ന്നു​ണ്ട്. സം​ഭ​വ​ത്തെ​ക്കു​റി​ച്ച് ചേ​ര്‍ത്ത​ല പൊ​ലീ​സ് അ​ന്വേ​ഷ​ണം ആ​രം​ഭി​ച്ചു.