ലോറിയിൽ കെ.എസ്.ആർ.ടി.സി ബസിടിച്ച് 20 പേർക്ക് പരിക്ക്

ചേർത്തല: ദേശീയ പാതയിൽ കുത്തിയതോട്ടിൽ യു ടേൺ എടുത്ത ഇൻസുലേറ്റഡ് ലോറിയിൽ കെ.എസ്.ആർ.ടി.സി ബസിടിച്ച് 20 പേർക്ക് പരിക്ക്. ശനിയാഴ്ച വൈകീട്ട് ആറിന് കുത്തിയതോട് കേളംകുളങ്ങര ക്ഷേത്രത്തിനു സമീപത്തായിരുന്നു അപകടം.

ചേർത്തല ഭാഗത്തു നിന്നുവന്ന ലോറി യു ടേൺ തിരിയവെ ചേർത്തലയിലേക്ക് പോകുകയായിരുന്ന ഓർഡിനറി ബസാണ് ഇടിച്ചത്. പരിക്കേറ്റവരെ തുറവൂർ താലൂക്ക് ആശുപത്രിയിൽ പ്രവേശിപ്പിച്ചു.