വ​ര​ട്ടാ​റി​ന്​ കു​റു​കെ മൂ​ന്ന്​ പാ​ലം ഉ​ദ്ഘാ​ട​ന​സ​ജ്ജം

ചെ​ങ്ങ​ന്നൂ​ർ: വ​ര​ട്ടാ​റി​നു കു​റു​കെ ചെ​ങ്ങ​ന്നൂ​ർ, തി​രു​വ​ല്ല, ആ​റ​ന്മു​ള നി​യോ​ജ​ക മ​ണ്ഡ​ല​ങ്ങ​ളെ ബ​ന്ധി​പ്പി​ക്കു​ന്ന പു​തു​ക്കു​ള​ങ്ങ​ര, ആ​ന​യാ​ർ, തൃ​ക്കൈ​യി​ൽ പാ​ല​ങ്ങ​ൾ 14.16 കോ​ടി വി​നി​യോ​ഗി​ച്ച് പൂ​ർ​ത്തീ​ക​രി​ച്ചു. ഉ​ദ്ഘാ​ട​ന​വു​മാ​യി ബ​ന്ധ​പ്പെ​ട്ട സം​ഘാ​ട​ക സ​മി​തി വ്യാ​ഴാ​ഴ്ച വൈ​കീ​ട്ട് അ​ഞ്ചി​നു മ​ന്ത്രി സ​ജി ചെ​റി​യാ​ന്റെ അ​ധ്യ​ക്ഷ​ത​യി​ൽ ചേ​രു​മെ​ന്ന്​ ചെ​ങ്ങ​ന്നൂ​ർ ന​ഗ​ര​സ​ഭ കൗ​ൺ​സി​ല​ർ ല​തി​ക ര​ഘു, എ​ക്സി​ക്യൂ​ട്ടി​വ് എ​ൻ​ജി​നീ​യ​ർ ജെ. ​ബേ​സി​ൽ എ​ന്നി​വ​ർ അ​റി​യി​ച്ചു.

പ​ത്ത​നം​തി​ട്ട, ആ​ല​പ്പു​ഴ ജി​ല്ല​ക​ളി​ലൂ​ടെ ക​ട​ന്നു​പോ​കു​ന്ന മ​ധ്യ​തി​രു​വി​താം​കൂ​റി​ലെ പ്ര​ധാ​ന​പ്പെ​ട്ട ന​ദി​യാ​യി​രു​ന്നു വ​ര​ട്ടാ​ർ. കാ​ല​ക്ര​മേ​ണ കൈ​യേ​റ്റ​ങ്ങ​ളാ​ലും പ്ര​കൃ​തി​യു​ടെ സ്വാ​ഭാ​വി​ക വ്യ​തി​യാ​ന​ങ്ങ​ളാ​ലും മ​ൺ​മ​റ​ഞ്ഞു. വ​ര​ട്ടാ​റി​ന്റെ പു​ന​രു​ജ്ജീ​വ​ന പ്ര​വ​ർ​ത്ത​നം ഘ​ട്ടം​ഘ​ട്ട​മാ​യി പൂ​ർ​ത്തീ​ക​രി​ക്കു​ക​യാ​ണ്. 27 വൈ​കീ​ട്ട് നാ​ലി​നു മം​ഗ​ലം, ത​ട​ത്തി​ൽ പൊ​ടി​യി​ൽ (ച​പ്പാ​ത്ത് ക​വ​ല) മ​ന്ത്രി റോ​ഷി അ​ഗ​സ്റ്റി​ൻ ഉ​ദ്ഘാ​ട​നം നി​ർ​വ​ഹി​ക്കും. മ​ന്ത്രി സ​ജി ചെ​റി​യ​ൻ അ​ധ്യ​ക്ഷ​ത വ​ഹി​ക്കും. മ​ന്ത്രി വീ​ണ ജോ​ർ​ജ് മു​ഖ്യാ​തി​ഥി​യാ​കും.