കുളിക്കടവിൽ നിന്നും യുവതിയുടെ മൊബൈൽ മോഷ്ടിച്ച കേസിൽ ഒരാൾ പിടിയിൽ

ചെങ്ങന്നൂർ: പമ്പാനദിയിലെ ചെങ്ങന്നൂർ ആറാട്ടുകടവിൽ, കുളിക്കടവിൽ കുളിക്കാനെത്തിയ യുവതിയുടെ മൊബൈൽ മോഷ്​ടിച്ച ​കേസിൽ പ്രതി അറസ്റ്റിൽ. മാന്നാർ കുരട്ടിശ്ശേരി കോലത്ത് പടിഞ്ഞാറേതിൽ വീട്ടിൽ നിസാം (37) നെയാണ്​ അറസ്റ്റ്​ ചെയ്​തത്​. ചെങ്ങന്നൂർ ആറാട്ട് കടവിൽ ഞായറാഴ്ച വൈകിട്ട് 5.30നാണ് സംഭവം.

ബൈക്കിൽ സഞ്ചരിച്ചു,മീൻ വിൽപ്പന നടത്തുന്ന, നിസാം മോഷണം നടത്തിയ ശേഷം ഇവിടെനിന്നുംരക്ഷപെടുകയായിരുന്നു. തുടർന്ന് ചെങ്ങന്നൂർ എസ്.ഐ.ആർ. പ്രതിഭാ നായരുടെ നേതൃത്വത്തിൽ പ്രതിയുടെ ചിത്രങ്ങൾ സമീപത്തെ സി.സി ക്യാമറയിൽ നിന്നും കണ്ടെത്തി. ഈ ചിത്രങ്ങൾ വ്യാപകമായി പ്രചരിപ്പിച്ചു. കഴിഞ്ഞ ദിവസം പ്രതിയെ സംശയാസ്പദമായ സാഹചര്യത്തിൽ അരിപ്പയിൽ നിന്നും കുളത്തൂപ്പുഴ പോലിസ് പിടികൂടി. മാഹിയിൽ എക്സെസ് കേസിൽ പ്രതിയാണ് ഇയാളെന്ന് എസ് ഐ.പറഞ്ഞു. മൊബൈൽ ഫോൺ കണ്ടെടുത്തു. തെളിവെടുപ്പിനു ശേഷം കോടതിയിൽ ഹാജരാക്കി റിമാൻഡ്​ ചെയ്​തു.