കെ-റെയിൽ കല്ലിടൽ തുടരുന്നു; വേറിട്ട പ്രതിഷേധവുമായി കുട്ടികൾ

ചെങ്ങന്നൂർ: ജനരോഷം മറികടന്ന് പൊലീസ് സംരക്ഷണത്തിൽ കെ-റെയിൽ സിൽവർ ലൈൻ പദ്ധതി സർവേയുടെ ഭാഗമായുള്ള കല്ലുകൾ സ്ഥാപിക്കൽ തുടരുന്നു. വ്യാഴാഴ്ച മുളക്കുഴ പഞ്ചായത്തിലെ പൂപ്പൻകരമോടി തച്ചിലേത്ത് ഭാഗത്ത് മതിൽ ചാടി കടന്നെത്തിയ കുട്ടികളുടെ പ്രതിഷേധം വേറിട്ട കാഴ്ചയായി.

സ്കൂൾ യൂനിഫോമണിഞ്ഞ വിദ്യാർഥിനിയുമുണ്ടായിരുന്നു. ''കെ റെയിൽ കമ്പനി ഗോ ബാക്ക്, വിട്ടുതരില്ല വിട്ടുതരില്ല ഒരിഞ്ചു മണ്ണും വിട്ടുതരില്ല, കെ റെയിൽ കമ്പനി ഗോ ബാക്ക്, കെ റെയിൽ ഞങ്ങൾക്കു വേണ്ടേ വേണ്ടാ, പൊലീസ് നീതി പാലിക്കുക'' തുടങ്ങിയ മുദ്രാവാക്യങ്ങൾ ഉശിരോടെ ഉയർത്തുന്നവരിൽ പിഞ്ചുകുഞ്ഞുങ്ങൾ വരെയുണ്ടായിരുന്നു. രാവിലെ പാറപ്പാട് മേഖലയിൽ സർവേ ആരംഭിച്ചപ്പോഴും വീട്ടമ്മമാർ ഉൾപ്പെടെയുള്ള വനിതകൾ ശക്തമായ എതിർപ്പുമായി രംഗത്തുണ്ടായിരുന്നു. പൂപ്പൻകരമോടി കിഴക്ക്, വലിയ പറമ്പ് കോളനി, പാറപ്പാട് തുടങ്ങിയ പ്രദേശങ്ങളിലും സർവേ നടത്തി.

ബുധനാഴ്ച അവസാനഘട്ടത്തിലെ കല്ലിടലിനിടെ വൈകീട്ട് മുളക്കുഴ തെക്ക് തോട്ടിയാട്ട് ഫാ. മാത്യു വർഗീസിനെയും (29), അമ്മ മേരി വർഗീസിനെയും (65) പൊലീസ് കൈയേറ്റം ചെയ്തതായി സമരക്കാർ ആരോപിച്ചു. വീട് നഷ്ടമാകുന്ന കാഴ്ച കണ്ടു ചെറുത്തപ്പോൾ പൊലീസ് ശക്തമായി പിടിച്ചുവലിച്ചെന്നും ഇതിനിടെ അമ്മ കുഴഞ്ഞുവീണതായും ഫാ. മാത്യു പറഞ്ഞു. ട്രിച്ചി സെന്‍റ് തോമസ് ഓർത്തഡോക്‌സ് പള്ളി വികാരിയാണ്.

കെ-​റെ​യി​ലി​ന്​ അ​നു​മ​തി ന​ൽ​കി​ല്ല -കൊ​ടി​ക്കു​ന്നി​ൽ

ചെ​ങ്ങ​ന്നൂ​ർ: കെ-​റെ​യി​ൽ സി​ൽ​വ​ർ ലൈ​ൻ പ​ദ്ധ​തി​ക്ക് അ​ന്തി​മ അ​നു​മ​തി ന​ൽ​കി​ല്ലെ​ന്ന്​ റെ​യി​ൽ​വേ ബോ​ർ​ഡ് അ​റി​യി​ച്ച​താ​യി കൊ​ടി​ക്കു​ന്നി​ൽ സു​രേ​ഷ് എം.​പി. വി​ഷ​യ​ത്തി​ൽ കേ​ര​ള​ത്തി​ലെ സാ​ഹ​ച​ര്യം വി​ശ​ദീ​ക​രി​ക്കാ​നാ​ണ് ചെ​യ​ർ​മാ​ൻ വി.​കെ. ത്രി​പാ​ഠി​യു​മാ​യി എം.​പി റെ​യി​ൽ​വേ ആ​സ്ഥാ​ന​മാ​യ റെ​യി​ൽ​ഭ​വ​നി​ൽ കൂ​ടി​ക്കാ​ഴ്ച ന​ട​ത്തി​യ​ത്.

കെ-​റെ​യി​ൽ സി​ൽ​വ​ർ ലൈ​നി​ന് ത​ത്ത്വ​ത്തി​ൽ ന​ൽ​കി​യ അ​നു​മ​തി എ​ന്ന​ത് സ​ർ​വേ പോ​ലെ​യു​ള്ള ന​ട​പ​ടി​ക​ൾ​ക്കു വേ​ണ്ടി സ്വാ​ഭാ​വി​ക​മാ​യി ഏ​തു​സം​സ്ഥാ​ന സ​ർ​ക്കാ​ർ അ​ഭ്യ​ർ​ഥി​ച്ചാ​ലും അ​നു​വ​ദി​ക്കു​ന്ന ഒ​ന്ന് മാ​ത്ര​മാ​ണ്. എ​ന്നാ​ൽ, റെ​യി​ൽ​വേ വ​കു​പ്പ് സി​ൽ​വ​ർ ലൈ​ൻ പ​ദ്ധ​തി​ക്ക് അ​ന്തി​മാ​നു​മ​തി ന​ൽ​കി​യി​ട്ടി​ല്ല. റെ​യി​ൽ​വേ​യു​ടെ വ​സ്തു​വി​ൽ കൂ​ടി ഒ​രു കാ​ര​ണ​വ​ശാ​ലും മ​റ്റൊ​രു ലൈ​ൻ ക​ട​ന്നു​പോ​കാ​ൻ അ​നു​വ​ദി​ക്കി​ല്ലെ​ന്ന നി​ല​പാ​ട് റെ​യി​ൽ​വേ ബോ​ർ​ഡ് ചെ​യ​ർ​മാ​ൻ ആ​വ​ർ​ത്തി​ച്ച​താ​യും എം.​പി അ​റി​യി​ച്ചു.

ഭദ്രാസന കൗൺസിൽ പ്രതിഷേധിച്ചു

ചെങ്ങന്നൂർ: വൈദികനെ പൊലീസ് മർദിച്ചതിൽ ചെങ്ങന്നൂർ ഭദ്രാസന കൗൺസിൽ പ്രതിഷേധിച്ചു. ഓർത്തഡോക്‌സ് സഭയുടെ ചെന്നൈ ഭദ്രാസനത്തിലെ വൈദികനും ചെങ്ങന്നൂർ ഭദ്രാസനത്തിലെ മുളക്കുഴ സെന്‍റ് മേരീസ് പള്ളി ഇടവകാംഗവുമായ തോട്ടിയാട്ട് വീട്ടിൽ ഫാ. മാത്യു വർഗീസിനെ പൊലീസ് അകാരണമായി മർദിക്കുകയും വലിച്ചിഴക്കുകയും ചെയ്തതിൽ കൗൺസിൽ പ്രതിഷേധിച്ചു.