ഫ​ല​പ്ര​ദ​മാ​യ അ​ന്വേ​ഷ​ണ​മി​ല്ല മാന്നാറിൽ സാമ്പത്തിക തട്ടിപ്പ്​; പിന്നിൽ വൻ റാക്കറ്റ്

ചെ​ങ്ങ​ന്നൂ​ർ: മാ​ന്നാ​റി​ൽ നി​യ​മ​വി​രു​ദ്ധ​മാ​യ സ​മാ​ന്ത​ര സ​മ്പ​ദ്​​വ്യ​വ​സ്ഥ​ക​ൾ വ്യാ​പ​ക​മാ​യ​തോ​ടെ ആ​ത്മ​ഹ​ത്യ​ക​ൾ തു​ട​ർ​ക്ക​ഥ​യാ​വു​ന്നു. സാ​മ്പ​ത്തി​ക ത​ട്ടി​പ്പി​നി​ര​യാ​യി മാ​ന്നാ​ർ ഗ്രാ​മ​പ​ഞ്ചാ​യ​ത്ത് മു​ൻ പ്ര​സി​ഡ​ന്റ് കു​ര​ട്ടി​ക്കാ​ട് ഓം​കാ​റി​ൽ വി.​കെ. ശ്രീ​ദേ​വി​യ​മ്മ (71) ആ​ത്മ​ഹ​ത്യ ചെ​യ്​​ത​താ​ണ്​ ഒ​ടു​വി​ല​ത്തെ സം​ഭ​വം.

ബ്ലേ​ഡ്​ മാ​ഫി​യ​ക്ക്​ പു​റ​മെ മീ​റ്റ​ർ​പ്പ​ലി​ശ, പൊ​ക്ക​പ്പ​ലി​ശ, ആ​ഴ്ച​പ്പ​ലി​ശ, പ​ണ​മി​ര​ട്ടി​പ്പ് തു​ട​ങ്ങി​യ പ​ല പേ​രു​ക​ളി​ലാ​ണി​വ അ​റി​യ​പ്പെ​ടു​ന്ന​ത്. വീ​ട്ട​മ്മ​മാ​രാ​ണ്​ ഏ​റെ​യും ക​ബ​ളി​പ്പി​ക്ക​പ്പെ​ടു​ന്ന​ത്. ക​ണ്ണി​ക​ൾ പു​രു​ഷ​ന്മാ​രും. ര​മേ​ശ് ചെ​ന്നി​ത്ത​ല ആ​ഭ്യ​ന്ത​ര മ​ന്ത്രി​യാ​യി​രി​ക്കു​മ്പോ​ൾ കൊ​ണ്ടു​വ​ന്ന ഓ​പ​റേ​ഷ​ൻ കു​ബേ​ര ഇ​പ്പോ​ൾ ഫ്രീ​സ​റി​ലാ​ണ്. പ​ണ​മി​ട​പാ​ടു​മാ​യി ബ​ന്ധ​പ്പെ​ട്ട പ​രാ​തി​ക​ൾ ​പൊ​ലീ​സ്​ സ്റ്റേ​ഷ​നി​ലെ​ത്തി​യാ​ൽ ഒ​തു​ക്കി​ത്തീ​ർ​ക്കാ​ൻ പ്ര​ത്യേ​ക റാ​ക്ക​റ്റു​ക​ൾ​ത​ന്നെ പ്ര​വ​ർ​ത്തി​ക്കു​ന്നു​ണ്ട്. അ​മി​ത സാ​മ്പ​ത്തി​ക പ്ര​ലോ​ഭ​ന​ങ്ങ​ൾ ന​ട​ത്തി പ​ണ​വും സ്വ​ർ​ണ​വും ന​ഷ്ട​പ്പെ​ടു​ന്ന​വ​രി​ൽ ഭൂ​രി​ഭാ​ഗ​വും അ​പ​മാ​ന​ഭ​യ​ത്താ​ൽ പു​റ​ത്ത് പ​റ​യാ​റി​ല്ല. 57, 10, അ​ഞ്ചു ല​ക്ഷം, 17 പ​വ​ൻ എ​ന്നി​ങ്ങ​നെ ന​ഷ്ട​ട​മാ​യ​വ​രു​ണ്ട്. മാ​ന്നാ​ർ, കു​ര​ട്ടി​ക്കാ​ട്, കു​ട്ട​മ്പേ​രൂ​ർ, ചെ​ന്നി​ത്ത​ല എ​ന്നി​വ​ട​ങ്ങ​ളി​ലാ​ണ്​ ക​ണ്ണി​ക​ൾ പ്ര​വ​ർ​ത്തി​ക്കു​ന്ന​ത്.

മ​ണി​ചെ​യി​ൻ മാ​തൃ​ക​യി​ലാ​ണ്​ ത​ട്ടി​പ്പ്. പ്ര​ദേ​ശ​ത്ത്​ മൂ​ന്ന്​ ആ​ത്മ​ഹ​ത്യ​യാ​ണു​ണ്ടാ​യ​ത്. പ​ല​രും കൊ​ടു​ത്ത പ​ണ​ത്തി​നും സ്വ​ർ​ണ​ത്തി​നും രേ​ഖ​ക​ളി​ല്ല. ബാ​ങ്ക് അ​ക്കൗ​ണ്ടി​ലേ​ക്ക്​ മാ​റ്റി​യ ഒ​ന്നേ​മു​ക്കാ​ൽ ല​ക്ഷ​ത്തി​ന്റെ​യും നോ​ട്ട് എ​ണ്ണി​യെ​ടു​ക്കു​ന്ന വി​ഡി​യോ​യും മാ​ത്ര​മേ തെ​ളി​വാ​യി​ട്ടു​ള്ളൂ എ​ന്നാ​ണ​റി​യു​ന്ന​ത്. ത​ട്ടി​പ്പി​നി​ര​യാ​യ പ​ല​രും അ​പ​മാ​ന​ഭാ​രം ഭ​യ​ന്ന് നി​യ​മ സ​ഹാ​യം തേ​ടാ​റി​ല്ല. മു​ൻ പ​ഞ്ചാ​യ​ത്ത്​ അം​ഗ​ത്തി​ന്റെ നേ​തൃ​ത്വ​ത്തി​ൽ ര​ണ്ട് സ്ത്രീ​ക​ളും ര​ണ്ട് യു​വാ​ക്ക​ളു​മ​ട​ങ്ങു​ന്ന സം​ഘ​മാ​ണ് പ്രാ​ദേ​ശി​ക​മാ​യി പി​ന്നി​ൽ പ്ര​വ​ർ​ത്തി​ക്കു​ന്ന​തെ​ന്നാ​ണ്​ വി​വ​രം. പ്ര​ധാ​ന​മ​ന്ത്രി​യു​ടെ പ​ദ്ധ​തി​യി​ല്‍ തൊ​ഴി​ല്‍ സം​രം​ഭം തു​ട​ങ്ങാ​നാ​ണെ​ന്നും നി​ഷേ​പി​ക്കു​ന്ന തു​ക​ക്ക്​ ഉ​യ​ർ​ന്ന പ​ലി​ശ ഉ​ള്‍പ്പെ​ടെ തി​രി​കെ ന​ല്‍കു​മെ​ന്നും തെ​റ്റി​ദ്ധ​രി​പ്പി​ച്ച് ബാ​ങ്ക് മാ​നേ​ജ​ര്‍ എ​ന്നു​പ​റ​ഞ്ഞ് വി​ശ്വാ​സ​മാ​ര്‍ജി​ക്കാ​ന്‍ സം​ഘ​ത്തി​ലെ ഒ​രു​യു​വാ​വി​നെ പ​രി​ച​യ​പ്പെ​ടു​ത്തി​യാ​ണ് ത​ട്ടി​പ്പ് ന​ട​ത്തു​ന്ന​ത്. ശ്രീ​ദേ​വി​യ​മ്മ​യി​ൽ​നി​ന്ന്​ പ​ല​പ്പോ​ഴാ​യി സം​ഘം പ​ണ​വും സ്വ​ർ​ണ​വും ത​ട്ടി​യി​രു​ന്നു. ഇ​തു​മാ​യി ബ​ന്ധ​പ്പെ​ട്ട പ​രാ​തി​യി​ൽ ഫ​ല​പ്ര​ദ​മാ​യ അ​ന്വേ​ഷ​ണം ന​ട​ന്നി​ല്ലെ​ന്നും ആ​ക്ഷേ​പ​മു​ണ്ട്.