ഗാർഹിക പീഡനം: അമ്മയുടെ പരാതിയിൽ ബി.എം.എസ് നേതാവ്​ അറസ്റ്റിൽ

ചെങ്ങന്നൂർ: അമ്മ നൽകിയ ഗാർഹിക പീഡന പരാതിയെ തുടർന്ന്​ ബി.എം.എസ് നേതാവായ മകൻ അറസ്റ്റിൽ. ബി.എം.എസ് ചെങ്ങന്നൂർ മുനിസിപ്പൽ കമ്മിറ്റി പ്രസിഡന്‍റ്​ ളാകശ്ശേരി ശാന്ത ഭവനത്തിൽ സുരേഷ്‌കുമാറി (50) നെയാണ് ചെങ്ങന്നൂർ പൊലീസ് അറസ്റ്റ് ചെയ്തത്.

അമ്മ ശാന്തകുമാരിയമ്മ (76) നൽകിയ പരാതിയിൽ കോടതി ഉത്തരവ് നിലനിൽക്കെ കഴിഞ്ഞ ദിവസം വീണ്ടും സംഘർഷമുണ്ടാക്കി. തുടർന്ന്​ ചെങ്ങന്നൂർ പൊലീസ് ഇൻസ്‌പെക്ടർ ജോസ് മാത്യുവാണ്​​ സുരേഷിനെ അറസ്റ്റ് ചെയ്തത്​. പ്രതിയെ റിമാൻഡ്​ ചെയ്തു.