ചെങ്ങന്നൂർ റെയിൽവേ സ്റ്റേഷൻ ലോക നിലവാരത്തിലേക്ക്​

ചെ​ങ്ങ​ന്നൂ​ര്‍: ചെ​ങ്ങ​ന്നൂ​ര്‍ റെ​യി​ല്‍വേ സ്‌​റ്റേ​ഷ​ൻ ലോ​ക​നി​ല​വാ​ര​ത്തി​ലേ​ക്കു​യ​ർ​ത്തു​ന്നു. 250 കോ​ടി വി​നി​യോ​ഗി​ച്ചാ​ണ്​ മു​ഖം​മി​നു​ക്കു​ക. സ്റ്റേ​ഷ​ന്‍ പു​ന​ര്‍നി​ര്‍മി​ക്കു​ന്ന​തി​നു​ള്ള വി​ശ​ദ​മാ​യ രൂ​പ​രേ​ഖ ചീ​ഫ് അ​ഡ്മി​നി​സ്ട്രേ​റ്റി​വ് ഓ​ഫി​സ​ർ ഷാ​ജി സ​ക്ക​റി​യ സ​മ​ർ​പ്പി​ച്ചു.

38,972 ച​തു​ര​ശ്ര അ​ടി​യി​ൽ നി​ർ​മി​ക്കു​ന്ന പു​തി​യ കെ​ട്ടി​ട സ​മു​ച്ച​യ​ത്തി​ൽ 20 ക്വാ​ർ​ട്ടേ​ഴ്‌​സ് യൂ​നി​റ്റ്, മ​ൾ​ട്ടി​ലെ​വ​ൽ കാ​ർ പാ​ർ​ക്കി​ങ്, പി​ൽ​ഗ്രിം ഷെ​ൽ​ട്ട​ർ, ആ​ർ.​പി.​എ​ഫ് ഓ​ഫി​സ്, സ്റ്റേ​ഷ​ൻ മാ​നേ​ജ​ർ, ക​മേ​ഴ്സ്യ​ൽ എ​ന്നീ വി​ഭാ​ഗം ബ്ലോ​ക്കു​ക​ളും 10 ലി​ഫ്റ്റ്, 10 എ​സ്ക​ലേ​റ്റ​ർ എ​ന്നീ സൗ​ക​ര്യ​ങ്ങ​ളു​മു​ണ്ടാ​കും. പ​ര​മ്പ​രാ​ഗ​ത​മാ​യ കേ​ര​ളീ​യ വാ​സ്തു ശി​ൽ​പ മാ​തൃ​ക​യും ആ​ധു​നി​ക സൗ​ക​ര്യ​ങ്ങ​ളും ഒ​ത്തി​ണ​ങ്ങു​ന്ന​താ​വും പു​തി​യ സ്റ്റേ​ഷ​ന്‍ കെ​ട്ടി​ടം.

36 മീ​റ്റ​ര്‍ വീ​തി​യി​ല്‍ പു​തി​യ ഫു​ട്ഓ​വ​ര്‍ ബ്രി​ഡ്​​ജു​ക​ള്‍ നി​ര്‍മി​ക്കും. ആ​കാ​ശ​പ്പാ​ത​യും വി​ഭാ​വ​നം ചെ​യ്യു​ന്നു. ശ​ബ​രി​മ​ല തീ​ര്‍ഥാ​ട​ക​ര്‍ക്കാ​യി നാ​ലു​നി​ല​ക​ളി​ലാ​ണ് പി​ല്‍ഗ്രിം സെ​ന്റ​ര്‍ നി​ര്‍മി​ക്കു​ന്ന​ത്. ര​ണ്ട് നി​ല​ക​ള്‍ പൂ​ര്‍ണ​മാ​യും തീ​ർ​ഥാ​ട​ക​ര്‍ക്ക് വി​ശ്ര​മ​ത്തി​നാ​യി മാ​റ്റി​വെ​ക്കും.

അ​ടു​ത്ത വ​ർ​ഷം ഫെ​ബ്രു​വ​രി​യോ​ടെ നി​ർ​മാ​ണ പ്ര​വ​ർ​ത്ത​ന​ങ്ങ​ളാ​രം​ഭി​ക്കു​ന്ന​തി​നാ​ണ് ല​ക്ഷ്യ​മി​ടു​ന്ന​ത്. റെ​യി​ൽ​വേ ചു​മ​ത​ല​പ്പെ​ടു​ത്തി​യ ക​ണ്‍സ​ള്‍ട്ട​ന്‍സി​യാ​ണ് രൂ​പ​രേ​ഖ ത​യാ​റാ​ക്കി​യ​ത്. ത​റ​നി​ര​പ്പി​ല്‍നി​ന്ന്​ സ്റ്റേ​ഷ​ൻ കെ​ട്ടി​ടം ഉ​യ​ര്‍ത്തി നി​ര്‍മി​ക്കു​ന്ന​തോ​ടെ വെ​ള്ള​ക്കെ​ട്ട് സാ​ധ്യ​ത​ക​ള്‍ പ​ര​മാ​വ​ധി ഒ​ഴി​വാ​ക്കാ​ന്‍ ക​ഴി​യും. നാ​ലു തൂ​ണു​ക​ളി​ലാ​യി ഉ​യ​രു​ന്ന പു​തി​യ സ്റ്റേ​ഷ​ന്‍ ആ​കെ അ​ഞ്ചു​നി​ല​ക​ളു​ള്ള​താ​യി​രി​ക്കും.

ടി​ക്ക​റ്റ് കൗ​ണ്ട​ര്‍ ഒ​ന്നാം​ന​മ്പ​ര്‍ പ്ലാ​റ്റ്‌​ഫോ​മി​ലാ​യി​രി​ക്കും. യാ​ത്ര​ക്കാ​ര്‍ എ​സ്‌​ക​ലേ​റ്റ​റി​ല്‍ മു​ക​ളി​ലെ​ത്തി ടി​ക്ക​റ്റെ​ടു​ത്തു​വേ​ണം പ്ലാ​റ്റ്‌​ഫോ​മി​ലേ​ക്ക് പ്ര​വേ​ശി​ക്കാ​ന്‍. നി​ര്‍മാ​ണ പ്ര​വ​ര്‍ത്ത​ന​ങ്ങ​ളു​ടെ ഭാ​ഗ​മാ​യി നി​ല​വി​ലെ റെ​യി​ല്‍വേ ക്വാ​ര്‍ട്ടേ​ഴ്‌​സ് കെ​ട്ടി​ട​ങ്ങ​ള്‍ പൊ​ളി​ച്ചു​നീ​ക്കും. ശ​ബ​രി​മ​ല സീ​സ​ണ്‍ ക​ഴി​ഞ്ഞാ​ലു​ട​ന്‍ നി​ര്‍മാ​ണ​പ്ര​വൃ​ത്തി​ക​ളി​ലേ​ക്ക് നീ​ങ്ങാ​നാ​ണ് റെ​യി​ല്‍വേ​യു​ടെ തീ​രു​മാ​നം.

കൊ​ടി​ക്കു​ന്നി​ൽ സു​രേ​ഷ് എം.​പി, ന​ഗ​ര​സ​ഭ ചെ​യ​ർ​പേ​ഴ്സ​ൻ സൂ​സ​മ്മ എ​ബ്ര​ഹാം, വൈ​സ് ചെ​യ​ർ​മാ​ൻ മ​നീ​ഷ് കീ​ഴാ​മ​ഠ​ത്തി​ൽ, കൗ​ൺ​സി​ല​ർ കെ. ​ഷി​ബു രാ​ജ​ൻ തു​ട​ങ്ങി​യ​വ​ർ ച​ർ​ച്ച​യി​ൽ പ​ങ്കെ​ടു​ത്തു.