പ്രധാന ജങ്​ഷൻ; ഗതാഗത കുരുക്ക്​ രൂക്ഷം, ചാരുംമൂട്ടിൽ ബസ് സ്റ്റാൻഡില്ല

ചാ​രും​മൂ​ട്: രൂ​ക്ഷ​മാ​യ ഗ​താ​ഗ​ത​ക്കു​രു​ക്ക്​ അ​നു​ഭ​വ​പ്പെ​ടു​ന്ന ചാ​രും​മൂ​ട്ടി​ൽ ബ​സ് സ്റ്റാ​ൻ​ഡ് തു​ട​ങ്ങ​ണ​മെ​ന്ന ആ​വ​ശ്യ​ത്തി​ന് വ​ർ​ഷ​ങ്ങ​ളു​ടെ പ​ഴ​ക്കം. അ​ടി​യ​ന്ത​ര​മാ​യി ന​ട​പ​ടി​യു​ണ്ടാ​ക​ണ​മെ​ന്ന ആ​വ​ശ്യം ശ​ക്ത​മാ​കു​ന്നു.

കെ.​പി റോ​ഡി​ൽ കാ​യം​കു​ള​ത്തി​നും അ​ടൂ​രി​നും മ​ധ്യേ​യു​ള്ള ജി​ല്ല​യി​ലെ പ്ര​ധാ​ന പ​ട്ട​ണ​ങ്ങ​ളി​ൽ ഒ​ന്നാ​യ ചാ​രും​മൂ​ട് നൂ​റ​നാ​ട്, ചു​ന​ക്ക​ര, താ​മ​ര​ക്കു​ളം ഗ്രാ​മ​പ​ഞ്ചാ​യ​ത്തു​ക​ളു​ടെ സം​ഗ​മ​സ്ഥ​ലം കൂ​ടി​യാ​ണ്. കാ​യം​കു​ളം-​പു​ന​ലൂ​ർ സം​സ്ഥാ​ന​പാ​ത​യും കൊ​ല്ലം-​തേ​നി ദേ​ശീ​യ​പാ​ത​യും ചേ​രു​ന്ന പ്ര​ധാ​ന ജ​ങ്ഷ​നാ​ണ് ചാ​രും​മൂ​ട്. ഈ ​ര​ണ്ടു​റോ​ഡി​ലും കൂ​ടി നൂ​റി​ല​ധി​കം കെ.​എ​സ്.​ആ​ർ.​ടി.​സി, സ്വ​കാ​ര്യ ബ​സു​ക​ളാ​ണ് ദി​നം​പ്ര​തി സ​ർ​വി​സ് ന​ട​ത്തു​ന്ന​ത്. നു​റു​ക​ണ​ക്കി​ന് ആ​ളു​ക​ളാ​ണ് വി​വി​ധ സ്ഥ​ല​ങ്ങ​ളി​ലേ​ക്ക് യാ​ത്ര ചെ​യ്യാ​ൻ ചാ​രും​മൂ​ട്ടി​ൽ എ​ത്തു​ന്ന​ത്. ബ​സ് സ്റ്റോ​പ്പു​ക​ളി​ലേ​ക്കു​ള്ള ദൂ​ര​ക്കൂ​ടു​ത​ലാ​ണ് യാ​ത്ര​ക്കാ​രെ ഏ​റെ ബു​ദ്ധി​മു​ട്ടി​ലാ​ക്കു​ന്ന​ത്. ജ​ങ്ഷ​ന്‍റെ നാ​ല് ഭാ​ഗ​ത്താ​യു​ള്ള ബ​സ് സ്റ്റോ​പ്പു​ക​ളി​ലേ​ക്ക് ബ​സി​ൽ ക​യ​റാ​ൻ യാ​ത്ര​ക്കാ​ർ നെ​ട്ടോ​ട്ട​മാ​ണ്. മാ​ത്ര​മ​ല്ല ഗ​താ​ഗ​ത​ക്കു​രു​ക്കും സ്ഥി​ര​മാ​യി ഉ​ണ്ടാ​കു​ന്നു. ഇ​തി​നു ശാ​ശ്വ​ത പ​രി​ഹാ​ര​മാ​യാ​ണ് ചാ​രും​മൂ​ട്ടി​ൽ ബ​സ് സ്റ്റാ​ൻ​ഡ് വേ​ണ​മെ​ന്ന ആ​വ​ശ്യം വ​ർ​ഷ​ങ്ങ​ളാ​യി ഉ​യ​രു​ന്ന​ത്.

ജ​ങ്ഷ​നി​ൽ​നി​ന്ന് 200 മീ​റ്റ​ർ കി​ഴ​ക്കു​മാ​റി​യാ​ണ് അ​ടൂ​ർ, പ​ന്ത​ളം ഭാ​ഗ​ങ്ങ​ളി​ലേ​ക്കു​ള്ള ബ​സു​ക​ളു​ടെ സ്റ്റോ​പ്. ജ​ങ്ഷ​നി​ൽ​നി​ന്ന് 100 മീ​റ്റ​റി​ലേ​റെ അ​ക​ലെ​യാ​ണ് കാ​യം​കു​ളം, ചെ​ങ്ങ​ന്നൂ​ർ, ഭ​ര​ണി​ക്കാ​വ് ഭാ​ഗ​ങ്ങ​ളി​ലേ​ക്കു​ള്ള ബ​സ് സ്റ്റോ​പ്. കാ​യം​കു​ള​ത്തു​നി​ന്നും താ​മ​ര​ക്കു​ള​ത്തേ​ക്ക് പോ​കേ​ണ്ട യാ​ത്ര​ക്കാ​ര​ൻ കി​ഴ​ക്കു​ഭാ​ഗ​ത്തു​ള്ള സ്റ്റോ​പ്പി​ൽ ഇ​റ​ങ്ങി 300 മീ​റ്റ​ർ ന​ട​ന്നെ​ങ്കി​ലേ താ​മ​ര​ക്കു​ള​ത്തി​നു​ള്ള ബ​സി​ൽ ക​യ​റാ​ൻ ക​ഴി​യൂ.

പ​ല യാ​ത്ര​ക്കാ​രും സി​ഗ്ന​ലി​ൽ വാ​ഹ​നം നി​ർ​ത്തു​മ്പോ​ൾ ഡോ​ർ തു​റ​ന്ന് ചാ​ടി​യി​റ​ങ്ങു​ന്ന​ത് അ​പ​ക​ട​ത്തി​ന് കാ​ര​ണ​മാ​കു​ന്നു. മ​ഴ​ക്കാ​ല​മാ​യാ​ൽ ഒ​രു സ്റ്റോ​പ്പി​ൽ​നി​ന്ന് മ​റ്റൊ​ന്നി​ലേ​ക്ക് എ​ത്താ​ൻ ഓ​ട്ടോ​റി​ക്ഷ​യെ ആ​ശ്ര​യി​ക്കേ​ണ്ടി​വ​രും. സ്വ​കാ​ര്യ ബ​സി​ലെ ജീ​വ​ന​ക്കാ​ർ ത​മ്മി​ൽ പാ​ർ​ക്ക് ചെ​യ്യു​ന്ന​തു​മാ​യി ബ​ന്ധ​പ്പെ​ട്ട് വാ​ക്കേ​റ്റ​മു​ണ്ടാ​കു​ന്ന​തും സ്ഥി​ര​മാ​ണ്. വ​ർ​ഷ​ങ്ങ​ൾ​ക്ക് മു​മ്പ് ഭ​ര​ണി​ക്കാ​വ് ബ്ലോ​ക്ക് പ​ഞ്ചാ​യ​ത്തി​ന് സ​മീ​പം ബ​സ് സ്റ്റാ​ൻ​ഡ്​ സ്ഥാ​പി​ക്കാ​ൻ താ​മ​ര​ക്കു​ളം ഗ്രാ​മ​പ​ഞ്ചാ​യ​ത്ത് തീ​രു​മാ​നം എ​ടു​ത്തി​രു​ന്നു. പി​ന്നീ​ട് ഇ​വി​ടെ കു​ട്ടി​ക​ളു​ടെ പാ​ർ​ക്ക് സ്ഥാ​പി​ച്ചു. നി​ല​വി​ൽ ജ​ങ്ഷ​ന് സ​മീ​പ​ത്ത്​ സ​ർ​ക്കാ​ർ സ്ഥ​ലം ക​ണ്ടെ​ത്തി സ്റ്റാ​ൻ​ഡ്​ സ്ഥാ​പി​ക്കാ​ൻ ന​ട​പ​ടി ഉ​ണ്ടാ​ക​ണ​മെ​ന്നാ​ണ് യാ​ത്ര​ക്കാ​രു​ടെ ആ​വ​ശ്യം.