താമരക്കുളത്തി​െൻറ എസ്.ഐമാർ ഒരേദിവസം പടിയിറങ്ങി

ചാരുംമൂട് (ആലപ്പുഴ): താമരക്കുളത്തി​െൻറ എസ്​.​െഎമാർ അഭിമാനത്തോടെ പടിയിറങ്ങി. കുറത്തികാട് എസ്.ഐ ഉണ്ണികൃഷ്ണൻ നായർ, നൂറനാട് എസ്.ഐ റഹ്​മാബീവി എന്നിവരാണ് തിങ്കളാഴ്​ച സർവിസിൽനിന്ന്​ വിരമിച്ചത്. താമരക്കുളം മേക്കുംമുറി പ്രദേശത്തെ താമസക്കാരും സുഹൃത്തുക്കളുമായ ഇവർ പൊലീസ് കോൺസ്​റ്റബിൾമാരായാണ് ജോലിയിൽ പ്രവേശിച്ചത്.

1988ൽ തിരുവനന്തപുരം സിറ്റി എ.ആർ കോൺസ്​റ്റബിളായി ഔദ്യോഗിക ജീവിതം ആരംഭിച്ച ഉണ്ണികൃഷ്ണൻ നായർ 33 വർഷത്തെ സേവനത്തിനുശേഷമാണ് സേനയിൽനിന്ന്​ വിരമിച്ചത്. നിരവധി കേസുകളുടെ അന്വേഷണഭാഗമായി ഉയർന്ന പൊലീസ്​ ഉദ്യോഗസ്ഥരുടെ പ്രശംസ നേടി.

ആറുമാസം മുമ്പ് രാത്രി കെ.പി റോഡിലൂടെ കാറിൽ കടത്തുകയായിരുന്ന അരക്കോടി വിലവരുന്ന കഞ്ചാവ് അതിസാഹസികമായി പിടികൂടിയത് ഉണ്ണികൃഷ്ണൻ നായരുടെ പൊലീസ് ജീവിതത്തിലെ പ്രധാനപ്പെട്ട സംഭവമായിരുന്നു.

കേരള പൊലീസ് വനിത ബാച്ചിൽ കോൺസ്​റ്റബിളായിട്ടായിരുന്നു എസ്.ഐ. റഹ്​മാബീവിയുടെ ഔദ്യോഗിക ജീവിതം തുടങ്ങിയത്. 31 വർഷത്തെ സർവിസിൽ സുപ്രധാനമായ നിരവധി കേസുകളുടെ അനേഷണഭാഗമായി പ്രവർത്തിക്കാനും പ്രശംസ നേടാനും കഴിഞ്ഞു.