പാലമേൽ മറ്റപ്പള്ളി മലയിൽനിന്ന്​ മണ്ണെടുക്കാൻ നീക്കം; പ്രതിരോധം തീർത്ത് ആയിരങ്ങൾ

ചാ​രും​മൂ​ട്: കോ​ട​തി ഉ​ത്ത​ര​വു​മാ​യി മ​ല​യി​ടി​ച്ച് മ​ണ്ണെ​ടു​ക്കാ​നെ​ത്തി​യ​വ​രെ നാ​ട്ടു​കാ​ർ ത​ട​ഞ്ഞു. പാ​ല​മേ​ൽ ഗ്രാ​മ​പ​ഞ്ചാ​യ​ത്ത് മ​റ്റ​പ്പ​ള്ളി കാ​ത്താ​ടേ​ത്ത് കോ​ള​നി​ക്ക്​ സ​മീ​പം മ​ല​യി​ടി​ച്ച് മ​ണ്ണെ​ടു​ക്കാ​നാ​ണ്​ എ​ത്തി​യ​ത്.

മ​ല​യി​ടി​ക്കു​ന്ന​തി​നെ​തി​രെ ഗ്രാ​മ​പ​ഞ്ചാ​യ​ത്തി​ന്റെ​യും മു​ഴു​വ​ൻ രാ​ഷ്ട്രീ​യ പാ​ർ​ട്ടി​ക​ളു​ടെ​യും നേ​തൃ​ത്വ​ത്തി​ൽ മാ​സ​ങ്ങ​ളാ​യി സ​മ​ര​ങ്ങ​ൾ ന​ട​ക്കു​ന്നു​ണ്ടാ​യി​രു​ന്നു. പ​ഞ്ചാ​യ​ത്ത് ഭ​ര​ണ​സ​മി​തി നേ​തൃ​ത്വ​ത്തി​ൽ നൂ​റു​ക​ണ​ക്കി​നാ​ളു​ക​ൾ പ​ങ്കെ​ടു​ത്ത മ​നു​ഷ്യ​ച്ച​ങ്ങ​ല​യും പ്ര​തി​ഷേ​ധ​മാ​ർ​ച്ചും പൊ​തു​യോ​ഗ​വും ന​ട​ത്തി​യി​രു​ന്നു.

ഗ്രാ​മ​പ​ഞ്ചാ​യ​ത്ത്​ അ​ട​ക്കം കോ​ട​തി​യെ സ​മീ​പി​ച്ചെ​ങ്കി​ലും മ​ണ്ണെ​ടു​ക്കാ​ൻ ഹൈ​​കോ​ട​തി ഉ​ത്ത​ര​വ് വ​ന്ന​തി​ന്റെ പ​ശ്ചാ​ത്ത​ല​ത്തി​ലാ​ണ് പൊ​ലീ​സ് സ​ന്നാ​ഹ​വും യ​ന്ത്ര​ങ്ങ​ളു​മാ​യി മ​ണ്ണെ​ടു​ക്കാ​ൻ നീ​ക്കം ന​ട​ന്ന​ത്.

പ​ഞ്ചാ​യ​ത്തി​ലെ മ​റ്റ​പ്പ​ള്ളി, ഞ​വ​ര​ക്കു​ന്ന്, പു​ലി​ക്കു​ന്ന്, ക​ഞ്ചു​കോ​ട് വാ​ർ​ഡു​ക​ളി​ൽ മ​ല​യി​ടി​ച്ച് മ​ണ്ണെ​ടു​ക്കാ​നാ​ണ് നീ​ക്കം. ഭൂ​ച​ല​നം, ചു​ഴ​ലി​ക്കാ​റ്റ്, മ​ണ്ണി​ടി​ച്ചി​ൽ എ​ന്നി​വ മൂ​ലം മ​ര​ണ​വും നാ​ശ​ന​ഷ്ട​ങ്ങ​ളു​മു​ണ്ടാ​യ പ​രി​സ്ഥി​തി​ലോ​ല പ്ര​ദേ​ശ​മാ​ണ് പാ​ല​മേ​ൽ പ​ഞ്ചാ​യ​ത്തി​ലെ മ​ല​ക​ൾ.

ഇ​വി​ടെ മ​ണ്ണ് ഖ​ന​നം ന​ട​ത്തു​ന്ന​ത് പ​രി​സ്ഥി​തി​ക്ക്​ ദോ​ഷ​മു​ണ്ടാ​ക്കു​മെ​ന്ന് സെ​സി​ന്റെ പ​ഠ​ന​ത്തി​ൽ ക​ണ്ടെ​ത്തി​യി​രു​ന്നു.

വ​ർ​ഷ​ങ്ങ​ൾ​ക്ക് മു​മ്പു​ണ്ടാ​യ ഭൂ​ച​ല​ന​ത്തി​ൽ പ​ഞ്ചാ​യ​ത്തി​ലെ 200ഓ​ളം വീ​ടു​ക​ൾ​ക്ക് വി​ള്ള​ലു​ണ്ടാ​യി. രൂ​ക്ഷ​മാ​യ കു​ടി​വെ​ള്ള ക്ഷാ​മ​മു​ണ്ടാ​കു​ന്ന പ്ര​ദേ​ശം കൂ​ടി​യാ​ണ് ഇ​വി​ടം. മ​ണ്ണ് ലോ​ബി എ​ത്തു​ന്ന വി​വ​ര​മ​റി​ഞ്ഞ് വ്യാ​ഴാ​ഴ്ച രാ​വി​ലെ മു​ത​ൽ സ്ത്രീ​ക​ള​ട​ക്കം ആ​യി​ര​ക്ക​ണ​ക്കി​നു​പേ​ർ സ്ഥ​ല​ത്ത് എ​ത്തി​ച്ചേ​ർ​ന്നു. കു​ന്നി​നു​താ​ഴെ​യാ​യു​ള്ള റോ​ഡി​ൽ കു​ത്തി​യി​രു​ന്നു. ഒ​മ്പ​തി​ന്​ വി​വി​ധ സ്റ്റേ​ഷ​നു​ക​ളി​ൽ നി​ന്നും ക്യാ​മ്പു​ക​ളി​ൽ നി​ന്നും വ​നി​ത പൊ​ലീ​സ​ട​ക്കം 500 ല​ധി​കം പൊ​ലീ​സു​കാ​രും സ്ഥ​ല​ത്ത് ക്യാ​മ്പു​ചെ​യ്ത​തോ​ടെ സം​ഘ​ർ​ഷ സാ​ധ്യ​ത​യേ​റി. ഡി​വൈ.​എ​സ്.​പി​മാ​രാ​യ ജി. ​അ​ജ​യ​നാ​ഥ്, എം.​കെ. ബി​നു​കു​മാ​ർ, നൂ​റ​നാ​ട് എ​സ്.​എ​ച്ച്.​ഒ പി. ​ശ്രീ​ജി​ത്, ത​ഹ​സി​ൽ​ദാ​ർ ഡി.​സി. ദി​ലീ​പ് കു​മാ​ർ എ​ന്നി​വ​രു​ടെ നേ​തൃ​ത്വ​ത്തി​ൽ ച​ർ​ച്ച ന​ട​ന്നെ​ങ്കി​ലും പി​ന്മാ​റി​ല്ലെ​ന്ന നി​ല​പാ​ടി​ലാ​യി​രു​ന്നു സ​മ​ര​ക്കാ​ർ. ഉ​ച്ച​ക്ക് ഒ​ന്നി​ന്​ പൊ​ലീ​സ് സ​ഹാ​യ​ത്തി​ൽ ഹി​റ്റാ​ച്ചി കൊ​ണ്ടു​വ​രാ​ൻ ശ്ര​മി​ച്ചെ​ങ്കി​ലും സ​മ​ര​ക്കാ​ർ പ്ര​തി​രോ​ധം തീ​ർ​ത്തു. ഇ​തി​നി​ടെ എം.​എ​സ്. അ​രു​ൺ​കു​മാ​ർ എം.​എ​ൽ.​എ​യും സ്ഥ​ല​ത്തെ​ത്തി.

എം.​എ​ൽ.​എ​യു​ടെ സാ​ന്നി​ധ്യ​ത്തി​ൽ ന​ട​ത്തി​യ ച​ർ​ച്ച​യി​ൽ ഹൈ​കോ​ട​തി ഡി​വി​ഷ​ൻ ബെ​ഞ്ച് അ​പ്പീ​ൽ പ​രി​ഗ​ണി​ക്കും​വ​രെ ത​ൽ​സ്ഥി​തി തു​ട​രാ​മെ​ന്ന ധാ​ര​ണ​യി​ലാ​ണ് പൊ​ലീ​സും സ​മ​ര​ക്കാ​രും പി​രി​ഞ്ഞ​ത്.

സ​മ​ര​സ്ഥ​ല​ത്ത് ത​യാ​റാ​ക്കി​യ ക​ഞ്ഞി​യും ക​ഴി​ച്ചാ​ണ് സ​മ​ര​ക്കാ​ർ മ​ട​ങ്ങി​യ​ത്. ഭ​ര​ണി​ക്കാ​വ് ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റ്​ എ​സ്. ര​ജ​നി, പാ​ല​മേ​ൽ ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ്​ ബി. ​വി​നോ​ദ്, വൈ​സ് പ്ര​സി​ഡ​ന്‍റ്​ ന​ദീ​റ നൗ​ഷാ​ദ്, സ്ഥി​രം​സ​മി​തി അ​ധ്യ​ക്ഷ​ൻ കെ. ​അ​ജ​യ​ഘോ​ഷ്, കെ.​സു​മ, ആ​ർ. സു​ജ, വേ​ണു കാ​വേ​രി, ജ​സ്റ്റി​ൻ ജോ​ർ​ജ്, വി​വി​ധ രാ​ഷ്ട്രീ​യ പാ​ർ​ട്ടി നേ​താ​ക്ക​ളാ​യ എ. ​നൗ​ഷാ​ദ്, സ​ജി. പാ​ല​മേ​ൽ , മ​നോ​ജ്. സി.​ശേ​ഖ​ർ, എം. ​മു​ഹ​മ്മ​ദാ​ലി, ആ​ർ.​ശ​ശി​കു​മാ​ർ, അ​ജ​യ​കു​മാ​ർ, പ്ര​ഭ. വി. ​മ​റ്റ​പ്പ​ള്ളി, നൗ​ഷാ​ദ് എ. ​അ​സീ​സ് തു​ട​ങ്ങി​യ​വ​ർ നേ​തൃ​ത്വം ന​ൽ​കി.