കൊല്ലം-തേനി ദേശീയപാത സ്ഥലം ഏറ്റെടുക്കാൻ പ്രാരംഭ നടപടി തുടങ്ങി

ചാ​രും​മൂ​ട്: കൊ​ല്ലം-​തേ​നി ദേ​ശീ​യ​പാ​ത 183ന്‍റെ വി​ക​സ​ന​ത്തി​ന് സ്ഥ​ലം ഏ​റ്റെ​ടു​ക്കാ​നു​ള്ള വി​ജ്ഞാ​പ​നം പു​റ​പ്പെ​ടു​വി​ക്കു​ന്ന​തി​നു​ള്ള പ്രാ​രം​ഭ ന​ട​പ​ടി തു​ട​ങ്ങി. ഏ​റ്റെ​ടു​ക്കു​ന്ന ഭൂ​മി​യു​ടെ വി​ശ​ദാം​ശ​ങ്ങ​ൾ ശേ​ഖ​രി​ച്ച് വി​ജ്ഞാ​പ​നം ത​യാ​റാ​ക്കാ​ൻ വെ​ബ്‌​സൈ​റ്റി​ൽ അ​പ്‌​ലോ​ഡ് ചെ​യ്യാ​നു​ള്ള ഒ​ന്നാം​ഘ​ട്ട ന​ട​പ​ടി​യാ​ണ് തു​ട​ങ്ങി​യ​ത്. ഇ​തി​നു​ശേ​ഷം അ​ന്തി​മ സ​ർ​വേ ആ​രം​ഭി​ക്കും. ദേ​ശീ​യ ഉ​പ​രി​ത​ല ഗ​താ​ഗ​ത മ​ന്ത്രാ​ല​യം പാ​ത​യു​ടെ അ​ന്തി​മ അ​ലൈ​ൻ​മെ​ന്റ് ഔ​ദ്യോ​ഗി​ക​മാ​യി ന​ൽ​കി​യി​ട്ടി​ല്ല.

ക​ര​ട് അ​ലൈ​ൻ​മെ​ന്റി​ന്റെ അ​ടി​സ്ഥാ​ന​ത്തി​ലാ​ണ് സ്ഥ​ല​മേ​റ്റെ​ടു​ക്ക​ൽ ആ​രം​ഭി​ക്കു​ന്ന​ത്. ദേ​ശീ​യ​പാ​ത ആ​രം​ഭി​ക്കു​ന്ന ക​ട​വൂ​ർ മു​ത​ൽ ചെ​ങ്ങ​ന്നൂ​ർ ആ​ഞ്ഞി​ലി​മൂ​ട് വ​രെ​യു​ള്ള ഭാ​ഗം 16 മീ​റ്റ​ർ വീ​തി​യി​ലാ​ണ് വി​ക​സി​പ്പി​ക്കു​ന്ന​ത്. നി​ല​വി​ലെ ര​ണ്ടു​വ​രി​പ്പാ​ത​യു​ടെ മ​ധ്യ​ത്തി​ൽ​നി​ന്ന്​ ഇ​രു​വ​ശ​ത്തും എ​ട്ട് മീ​റ്റ​ർ വീ​തി​യി​ൽ വീ​തി​കൂ​ട്ടി 12 മീ​റ്റ​ർ വീ​തി​യി​ൽ ടാ​ർ ചെ​യ്യു​ന്ന പാ​ത​യാ​ണ് ല​ക്ഷ്യ​മി​ടു​ന്ന​ത്. ഒ​ന്ന​ര മീ​റ്റ​ർ വീ​തി​യി​ൽ ന​ട​പ്പാ​ത​യും തൊ​ട്ടു​ചേ​ർ​ന്ന് ഓ​ട​യു​മു​ണ്ടാ​കും. ദേ​ശീ​യ​പാ​ത പൊ​തു​മ​രാ​മ​ത്ത് വി​ഭാ​ഗ​വും സ്ഥ​ല​മേ​റ്റെ​ടു​ക്ക​ൽ സം​ഘ​വും നേ​ര​ത്തേ പാ​ത ക​ട​ന്നു​പോ​കു​ന്ന സ്ഥ​ല​ങ്ങ​ളി​ൽ പ​രി​ശോ​ധ​ന ന​ട​ത്തി​യി​രു​ന്നു.

ജി​ല്ല​യി​ൽ 11 ഹെ​ക്ട​ർ ഭൂ​മി ഏ​റ്റെ​ടു​ക്കേ​ണ്ടി വ​രു​മെ​ന്നാ​ണ് ഏ​ക​ദേ​ശ ക​ണ​ക്ക്. കൊ​ല്ലം ക​ട​വൂ​ർ മു​ത​ൽ ആ​ഞ്ഞി​ലി​മൂ​ടു​വ​രെ ഏ​ക​ദേ​ശം 54 കി​ലോ​മീ​റ്റ​ർ നീ​ള​ത്തി​ലാ​ണ് വി​ക​സ​നം. നി​ല​വി​ലെ റോ​ഡി​ന്‍റെ മ​ധ്യ​ത്തി​ൽ​നി​ന്ന് ഇ​രു​വ​ശ​ത്തേ​ക്കും ഒ​രേ വീ​തി​യി​ലാ​ണ് റോ​ഡ് വി​ക​സി​പ്പി​ക്കു​ക. 16 മീ​റ്റ​ർ വി​ക​സി​പ്പി​ക്കു​മ്പോ​ൾ ഇ​തി​ൽ 12 മീ​റ്റ​ർ വീ​തി​യി​ൽ ടാ​റി​ങ് വ​രു​ന്ന രീ​തി​യി​ലാ​ണ് അ​ലൈ​ൻ​മെ​ന്‍റ്.

കൊ​ല്ലം, ഭ​ര​ണി​ക്കാ​വ്, ചാ​രും​മൂ​ട്, വ​ണ്ടി​പ്പെ​രി​യാ​ർ, കു​മ​ളി, തേ​നി തു​ട​ങ്ങി​യ ജ​ങ്ഷ​നു​ക​ളി​ലൂ​ടെ​യാ​ണ് പാ​ത ക​ട​ന്നു​പോ​കു​ക. ദേ​ശീ​യ​പാ​ത 83ലെ ​തേ​നി​യും ദേ​ശീ​യ​പാ​ത 66ഉം ​ത​മ്മി​ൽ ബ​ന്ധി​പ്പി​ക്കു​ന്ന​താ​ണ് റോ​ഡ്. ഹൈ​സ്‌​കൂ​ൾ ജ​ങ്ഷ​ൻ, പെ​രി​നാ​ട്, ഭ​ര​ണി​ക്കാ​വ്, ചാ​രും​മൂ​ട്‌, ചെ​ങ്ങ​ന്നൂ​ർ, പൊ​ൻ​കു​ന്നം, വ​ണ്ടി​പ്പെ​രി​യാ​ർ, കു​മ​ളി വ​ഴി​യാ​ണ് റോ​ഡ് ത​മി​ഴ്നാ​ട്ടി​ലേ​ക്ക് പ്ര​വേ​ശി​ക്കു​ക. തു​ട​ർ​ന്ന് ക​മ്പം, ഉ​ത്ത​മ​പാ​ള​യം വ​ഴി തേ​നി​യി​ൽ എ​ത്തി​ച്ചേ​രും.