ചമ്പക്കുളം മൂലം വള്ളംകളി; രാജപ്രമുഖൻ ട്രോഫി ആയാപറമ്പ്​ വലിയ ദിവാൻജിക്ക്

ആ​ല​പ്പു​ഴ: കേ​ര​ള​ത്തി​​ലെ ജ​ലോ​ത്സ​വ​ത്തി​ന്​ തു​ട​ക്ക​മി​ട്ട്​ പ​മ്പ​യാ​റ്റി​ൽ ന​ട​ന്ന ച​മ്പ​ക്കു​ളം മൂ​ലം​വ​ള്ളി​ക​ളി​യി​ൽ ആ​യാ​പ​റ​മ്പ്​ വ​ലി​യ​ദി​വാ​ൻ​ജി ചു​ണ്ട​ൻ ജേ​താ​ക്ക​ളാ​യി. ആ​ല​പ്പു​ഴ ടൗ​ൺ ബോ​ട്ട്​ ക്ല​ബി​ന്‍റെ ക​രു​ത്തി​ൽ ആ​വേ​ശ​ത്തു​ഴ​യെ​റി​ഞ്ഞാ​ണ്​​ രാ​ജ​പ്ര​മു​ഖ​ൻ ട്രോ​ഫി​യി​ൽ മു​ത്ത​മി​ട്ട​ത്. ​ഫൈ​ന​ലി​ൽ ഇ​ഞ്ചോ​ടി​ഞ്ച്​ പോ​രാ​ട്ട​ത്തി​ൽ നേ​രി​യ വ്യാ​ത്യാ​സ​ത്തി​ൽ കു​മ​ര​കം ടൗ​ൺ​ബോ​ട്ട്​ ക്ല​ബ്​ തു​ഴ​ഞ്ഞ ന​ടു​ഭാ​ഗം ചു​ണ്ട​നെ പി​ന്നി​ലാ​ക്കി​യാ​ണ്​ ഒ​ന്നാ​മ​തെ​ത്തി​യ​ത്. ച​മ്പ​ക്കു​ളം ബോ​ട്ട്​ ക്ല​ബി​ന്‍റെ ച​മ്പ​ക്കു​ളം ചു​ണ്ട​നാ​ണ്​ മൂ​ന്നാം​സ്ഥാ​നം.

ചു​ണ്ട​ൻ​വ​ള്ള​ങ്ങ​ളു​ടെ മൂ​ന്നാം​ഹീ​റ്റ്​​സ്​ മ​ത്സ​ര​ത്തെ​ച്ചൊ​ല്ലി​യു​ണ്ടാ​യ ത​ർ​ക്ക​ത്തി​ൽ ഏ​റെ​വൈ​കി​യാ​ണ് ലൂ​സേ​ഴ്​​സ്​​ ഫൈ​ന​ൽ,​ ഫൈ​ന​ൽ മ​ത്സ​ര​ങ്ങ​ൾ ന​ട​ന്ന​ത്. ലൂ​സേ​ഴ്​​സ്​ ഫൈ​ന​ലി​ൽ സെ​ന്‍റ്​ ജോ​ർ​ജ്​ ചു​ണ്ട​ൻ (സെ​ന്‍റ്​ ജോ​ർ​ജ്​ ചു​ണ്ട​ൻ വ​ള്ള​സ​മി​തി) വി​ജ​യി​ച്ചു. ആ​യാ​പ​റ​മ്പ് പാ​ണ്ടി പു​ത്ത​ൻ ചു​ണ്ട​ൻ (യു.​ബി.​സി കൈ​ന​ക​രി) ര​ണ്ടും ചെ​റു​ത​ന ചു​ണ്ട​ൻ (ജീ​സ​സ്​ ബോ​ട്ട്​​ക്ല​ബ്​ ​​കൊ​ല്ലം) മൂ​ന്നും​സ്ഥാ​നം നേ​ടി. വെ​പ്പ് ബി ​ഗ്രേ​ഡ് മ​ത്സ​ര​ത്തി​ൽ വി.​ബി.​സി വൈ​ശ്യം​ഭാ​ഗം ബോ​ട്ട്​​ക്ല​ബ്​ തു​ഴ​ഞ്ഞ പു​ന്ന​ത്ര പു​ര​യ്ക്ക​ൽ വി​ജ​യി​ച്ചു. ചു​ണ്ട​ൻ വ​ള്ള​ങ്ങ​ളു​ടെ മൂ​ന്നാം​ഹീ​റ്റ്​​സി​ലു​ണ്ടാ​യ ത​ർ​ക്ക​വും വെ​പ്പ് ബി ​ഗ്രേ​ഡ് മ​ത്സ​ര​ത്തി​ൽ വ​ള്ള​ങ്ങ​ൾ മു​ങ്ങി​യ​തും മ​ത്സ​ര​ക്ര​മ​ത്തെ താ​ളം​ തെ​ളി​ച്ചു.

ത​ർ​ക്ക​ത്തി​നൊ​ടു​വി​ൽ ചു​ണ്ട​ൻ​വ​ള്ള​ങ്ങ​ളു​ടെ മൂ​ന്നാം​ഹീ​റ്റ്​​സ്​ മ​ത്സ​രം വീ​ണ്ടും ന​ട​ത്തി. ര​ണ്ടു​ത​വ​ണ​യും ഒ​ന്നാ​മ​തെ​ത്തി​യ​ത്​ ആ​യാ​പ​റ​മ്പ്​ വ​ലി​യ​ദി​വാ​ൻ​ജി ചു​ണ്ട​നാ​യി​രു​ന്നു. മൂ​ന്നാം​ഹീ​റ്റ്​​സി​ൽ സെൻറ്​ ജോ​ർ​ജ്​ ചു​ണ്ട​നാ​യി​രു​ന്നു എ​തി​രാ​ളി. ട്രാ​ക്ക്​ മാ​റി വ​ന്ന​തി​നൊ​പ്പം പാ​ല​ത്തി​ന്‍റെ വ​ള​വ്​ തി​രി​​ഞ്ഞെ​ത്തി​യ​പ്പോ​ൾ ഇ​രു​വ​ള്ള​ങ്ങ​ളും കൂ​ട്ടി​യി​ടി​ച്ചു​വെ​ന്ന പ​രാ​തി​യി​ലാ​ണ്​ വീ​ണ്ടും മ​ത്സ​രം ന​ട​ത്തി​യ​ത്. ര​ണ്ടാം​ത​വ​ണ​യും വി​ജ​യം വ​ലി​യ​ദി​വാ​ൻ​ജി​ക്കൊ​പ്പം നി​ന്നു. ഒ​ന്നാം ഹീ​റ്റ്​​സി​ൽ ആ​യാ​പ​റ​മ്പ്​ പാ​ണ്ടി പു​ത്ത​ൻ​ചു​ണ്ട​നെ പ​രാ​ജ​യ​പ്പെ​ടു​ത്തി ന​ടു​ഭാ​ഗം ചു​ണ്ട​നും ര​ണ്ടാം ഹീ​റ്റ്​​സി​ൽ ചെ​റു​ത​ന ചു​ണ്ട​നെ പി​ന്നി​ലാ​ക്കി ന​ടു​ഭാ​ഗം ചു​ണ്ട​നും വി​ജ​യി​ച്ചു.വെ​പ്പ്​ ബി ​​ഗ്രേ​ഡ്​ ഫൈ​ന​ലി​ൽ മ​ത്സ​രി​ച്ച ര​ണ്ടു​വ​ള്ള​ങ്ങ​ളും മു​ങ്ങി.

വി.​ബി.​സി വൈ​ശ്യം​ഭാ​ഗം ബോ​ട്ട്​​ക്ല​ബ്​ തു​ഴ​ഞ്ഞ പു​ന്ന​ത്ര പു​ര​യ്ക്ക​ലും മ​ഹാ​ത്​​മ മേ​ൽ​പാ​ടം ബോ​ട്ട്​ ക്ല​ബി​ന്‍റെ പി.​ജി. ക​രി​പ്പു​ഴ​യു​മാ​ണ്​ മു​ങ്ങി​യ​ത്. പി.​ജി. ക​രി​പ്പു​ഴ ഫി​നി​ഷി​ങ്​ പോ​യ​ന്‍റ്​ എ​ത്തു​ന്ന​തി​ന്​ മു​മ്പാ​ണ്​ മു​ങ്ങി​യ​ത്. പു​ന്ന​ത്ര പു​ര​യ്ക്ക​ൽ വി​ജ​യി​ച്ച ശേ​ഷ​വും. വൈ​കീ​ട്ട്​ 5.10നാ​യി​രു​ന്നു സം​ഭ​വം. തു​ട​ർ​ന്ന്​ സ​മീ​പ​ത്തെ വ​ള്ള​ത്തി​ലും സ്പീ​ഡ്​ ബോ​ട്ടി​ലു​മു​ണ്ടാ​യി​രു​ന്ന​വ​രും അ​ഗ്നി​ര​ക്ഷാ​സേ​നാം​ഗ​ങ്ങ​ളും ചേ​ർ​ന്നാ​ണ്​​ മ​റി​ഞ്ഞ വ​ള്ള​ത്തി​ലു​ള്ള​വ​രെ ര​ക്ഷി​ച്ച​ത്. ജ​ല​മേ​ള​യു​ടെ ഉ​ദ്​​ഘാ​ട​നം തോ​മ​സ്​ കെ. ​തോ​മ​സ്​ എം.​എ​ൽ.​എ നി​ർ​വ​ഹി​ച്ചു. തി​രു​വി​താം​കൂ​ർ ദേ​വ​സ്വം ബോ​ർ​ഡ് അം​ഗം അ​ജി​കു​മാ​ർ ഫ്ലാ​ഗ് ഓ​ഫ്​ നി​ർ​വ​ഹി​ച്ചു. ജി​ല്ല​ക​ല​ക്ട​ർ അ​ല​ക്സ്​ വ​ർ​ഗീ​സ്​ സ​മ്മാ​ന​ദാ​നം നി​ർ​വ​ഹി​ച്ചു. ച​മ്പ​ക്കു​ളം ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്റ് ജി​ൻ​സി ജോ​ളി, പ​ഞ്ചാ​യ​ത്ത് പ്ര​സി​ഡ​ന്‍റ്​ ടി.​ജി. ജ​ല​ജ​കു​മാ​രി, ജ​ന​റ​ൽ ക​ൺ​വീ​ന​ർ പി.​വി. ജ​യേ​ഷ്, ജോ​സ് കാ​വ​നാ​ട്, എ.​വി. മു​ര​ളി എ​ന്നി​വ​ർ സം​സാ​രി​ച്ചു.