കുടിവെള്ള സ്രോതസ്സിൽ കക്കൂസ് മാലിന്യം തള്ളിയ ഡ്രൈവർക്കെതിരെ കേസ്

ക​റ്റാ​നം: കു​ടി​വെ​ള്ള േസ്രാ​ത​സ്സു​ക​ളി​ലും പാ​ട​ശേ​ഖ​ര​ത്തും ക​ക്കൂ​സ് മാ​ലി​ന്യം ത​ള്ളി​യ സം​ഭ​വ​ത്തി​ൽ ടാ​ങ്ക​ർ ലോ​റി ഡ്രൈ​വ​ർ​ക്കെ​തി​രെ വ​ള്ളി​കു​ന്നം പൊ​ലീ​സ് കേ​സെ​ടു​ത്തു. ക​ണ്ട​ല്ലൂ​ർ പേ​ട്ടാ​ളി​മാ​ർ​ക്ക​റ്റ് വി​ഷ്ണു ഭ​വ​ന​ത്തി​ൽ വി​ഷ്ണു​വി​ന് (30) എ​തി​രെ​യാ​ണ് കേ​സ്. ക​ട്ട​ച്ചി​റ പാ​ട​ശേ​ഖ​രം, നീ​രൊ​ഴു​ക്ക് തോ​ട്, റോ​ഡ​രി​കി​ലെ കു​ള​ങ്ങ​ൾ എ​ന്നി​വി​ട​ങ്ങ​ളി​ൽ ക​ക്കൂ​സ് മാ​ലി​ന്യം ത​ള്ളി​യ സം​ഭ​വ​ത്തി​ലാ​ണ് ന​ട​പ​ടി.

രാത്രി വാ​ഹ​ന ന​മ്പ​ർ മ​റ​ച്ച വാ​ഹ​ന​ത്തി​ൽ എ​ത്തി​യാ​ണ് മാ​ലി​ന്യം ത​ള്ളി​യി​രു​ന്ന​ത്. പ​രാ​തി​യു​ടെ അ​ടി​സ്ഥാ​ന​ത്തി​ൽ പൊ​ലീ​സ് അ​ന്വേ​ഷി​ച്ചെ​ങ്കി​ലും ക​ണ്ടെ​ത്താ​നാ​യി​രു​ന്നി​ല്ല. ഗ​തി​കെ​ട്ട​തോ​ടെ പ്ര​ദേ​ശ​വാ​സി​ക​ൾ സി.​സി ടി.​വി സ്ഥാ​പി​ച്ച് നി​രീ​ക്ഷ​ണം ശ​ക്ത​മാ​ക്കു​ക​യാ​യി​രു​ന്നു.

ക​ഴി​ഞ്ഞ​യാ​ഴ്ച പാ​റ​ക്ക​ൽ​മു​ക്ക് മ​ങ്ങാ​രം റോ​ഡി​ൽ വ​ടു​ത​ല കു​ള​ത്തി​ൽ മാ​ലി​ന്യം നി​ക്ഷേ​പി​ച്ച വ​ള്ളി​കു​ന്നം കൈ​മൂ​ട്ടി​ൽ കി​ഴ​ക്ക​തി​ൽ വി​ഷ്ണു​രാ​ജി​െൻറ ഉ​ട​മ​സ്ഥ​ത​യി​ലു​ള്ള ലോ​റി ദൃ​ശ്യ​ത്തി​ൽ പ​തി​ഞ്ഞ​തോ​ടെ​യാ​ണ് തെ​ളി​വ് ല​ഭി​ച്ച​ത്.

അ​തി​നി​ടെ കൊ​ട്ടാ​ര​ക്ക​ര പു​ത്തൂ​ർ പ്ര​ദേ​ശ​ത്ത് മാ​ലി​ന്യം ത​ള്ളു​ന്ന​തി​നി​ടെ നാ​ട്ടു​കാ​ർ വാ​ഹ​നം പി​ടി​കൂ​ടി പൊ​ലീ​സി​ന് കൈ​മാ​റി​യി​രു​ന്നു. ഇ​തി​െൻറ ചു​വ​ടു​പി​ടി​ച്ച് ന​ട​ത്തി​യ അ​ന്വേ​ഷ​ണ​ത്തി​ലാ​ണ് ഡ്രൈ​വ​ർ​ക്ക് എ​തി​രെ കേ​സെ​ടു​ത്ത​ത്.