ക്രിസ്മസ് തലേന്ന് കരോൾ സംഘങ്ങൾ ഏറ്റുമുട്ടി; നിരവധി പേർക്ക് പരിക്ക്

ചാ​രും​മൂ​ട്: ക​രി​മു​ള​യ്ക്ക​ലി​ൽ ക​രോ​ൾ സം​ഘ​ത്തി​ന്​ നേ​രെ അ​ക്ര​മം. സ്ത്രീ​ക​ളും കു​ട്ടി​ക​ളു​മ​ട​ക്കം പ​ത്തോ​ളം പേ​ർ ആ​ശു​പ​ത്രി​യി​ൽ. സം​ഭ​വ​ത്തി​ൽ അ​റ​സ്റ്റി​ലാ​യ 18 പേ​രെ കോ​ട​തി റി​മാ​ൻ​ഡ് ചെ​യ്തു. ബു​ധ​നാ​ഴ്ച രാ​ത്രി 11ഓ​ടെ ക​രി​മു​ള​യ്ക്ക​ൽ ത​ട​ത്തി​വി​ള ജ​ങ്ഷ​നി​ലാ​യി​രു​ന്നു സം​ഭ​വം. ക​രി​മു​ള​യ്ക്ക​ൽ യു​വ ക്ല​ബി​ന്‍റെ നേ​തൃ​ത്വ​ത്തി​ൽ കു​ട്ടി​ക​ളും സ്ത്രീ​ക​ളു​മ​ട​ക്കം 50ഓ​ളം പേ​രാ​ണ് ക​രോ​ൾ സം​ഘ​ത്തി​ലു​ണ്ടാ​യി​രു​ന്ന​ത്. യു​വ ക്ല​ബ് പി​ള​ർ​ന്ന് രൂ​പ​വ​ത്​​ക​രി​ച്ച ലി​ബ​ർ​ട്ടി ക്ല​ബ് പ്ര​വ​ർ​ത്ത​ക​രും ക​രോ​ളി​ന് ഇ​റ​ങ്ങു​ന്നു​ണ്ടാ​യി​രു​ന്നു. യു​വ ക്ല​ബ് ക​രോ​ൾ സം​ഘ​ത്തെ അ​സ​ഭ്യം പ​റ​ഞ്ഞ​തി​നെ ചോ​ദ്യം ചെ​യ്ത​താ​ണ് സം​ഘ​ർ​ഷ​ത്തി​ന​ട​യാ​ക്കി​യ​തെ​ന്നാ​ണ് എ​ഫ്.​ഐ.​ആ​റി​ൽ പ​റ​യു​ന്ന​ത്. ഇ​രു​വി​ഭാ​ഗ​വും ത​മ്മി​ൽ സം​ഘ​ർ​ഷ​മു​ണ്ടാ​യ​താ​യും പൊ​ലീ​സ് പ​റ​ഞ്ഞു.

യു​വ​ക്ല​ബി​ലു​ള്ള ക​രി​മു​ള​യ്ക്ക​ൽ എ​സ്.​എ മ​ൻ​സി​ലി​ൽ അ​ബ്ദു​ൽ സ​ലാം (47), ശ്രീ​ഗ​ണ​പ​തി​യി​ൽ വി​നേ​ഷ് (41), ഭാ​ര്യ കീ​ർ​ത്തി (33), മ​ക്ക​ളാ​യ ശ്രീ​ഗ​ണേ​ഷ് (13), ശ്ര​വ​ൺ (അ​ഞ്ച്), ചി​ത്ര​ദ​ർ​ശി​ൽ ന​യ​ന (28) / മ​ക​ൾ താ​മ​ര (ആ​റ്), രാ​ജു ഷാ​ല​യം മോ​നി​ഷ (31), ക്ല​ബ് അം​ഗം സി​യാ​ദ് (25) എ​ന്നി​വ​രാ​ണ് നൂ​റ​നാ​ട്ടെ സ്വ​കാ​ര്യ ആ​ശു​പ​ത്രി​യി​ൽ ക​ഴി​യു​ന്ന​ത്. നി​സ്സാ​ര പ​രി​ക്കേ​റ്റ അ​ഞ്ച് പേ​ർ​ക്ക് പ്ര​ഥ​മി​ക ചി​കി​ത്സ ന​ൽ​കി.

ക​മ്പി​വ​ടി, ക​ല്ല്, ത​ടി​ക്ക​ഷ​ണം മു​ത​ലാ​യ​വ ഉ​പ​യോ​ഗി​ച്ചാ​യി​രു​ന്നു അ​ക്ര​മ​മെ​ന്ന് ആ​ശു​പ​ത്രി​യി​ൽ ക​ഴി​യു​ന്ന സ്ത്രീ​ക​ൾ പ​റ​ഞ്ഞു. ഇ​തേ​സ​മ​യം ക​റ്റാ​ന​ത്തു​ള്ള ആ​ശു​പ​ത്രി​യി​ലെ​ത്തി​യ​വ​രും മ​റ്റു​മാ​യി ലി​ബ​ർ​ട്ടി ക്ല​ബി​ലെ 18 പേ​രെ രാ​ത്രി ത​ന്നെ നൂ​റ​നാ​ട് പൊ​ലീ​സ് പി​ടി​കൂ​ടി​യി​രു​ന്നു. ലി​ബ​ർ​ട്ടി ക്ല​ബ് അം​ഗ​ങ്ങ​ളാ​യ ശ്യാം​ലാ​ൽ (33), ജി. ​അ​ഖി​ൽ (29), ഷാ​ബു (44), ഹ​രി​കൃ​ഷ്ണ​ൻ (27), സ​നു (25), അ​ഭി​നാ​ഥ് (19), ഷം​നാ​സ്(19), ധീ​ര​ജ് (20), അ​ന​ന്തു (25), ഋ​ഷി മാ​ധ​വ് (28), എ​സ്. ജി​ത്തു (24), ശ്രീ​മോ​ൻ (18), എ. ​അ​മ​ൽ (24), അ​മി​ത്ത് (19), ആ​രോ​മ​ൽ (20), സി​ദ്ദീ​ഖ് (21), അ​ശ്വി​ൻ (25) അ​ഖി​ലേ​ഷ് (22) എ​ന്നി​വ​രാ​ണ് റി​മാ​ൻ​ഡി​ലാ​യ​ത്.

പ്ര​തി​ഷേ​ധം വ്യാ​പ​കം

ക​രി​മു​ള​യ്ക്ക​ലി​ൽ ക​രോ​ൾ സം​ഘ​ത്തി​ന്​ നേ​രെ​യു​ണ്ടാ​യ അ​ക്ര​മ സം​ഭ​വ​ത്തി​ൽ വ്യാ​പ​ക പ്ര​തി​ഷേ​ധ​മു​യ​ർ​ന്നു. യു.​ഡി.​എ​ഫി​ന്‍റെ​യും ബി.​ജെ.​പി​യു​ടെ​യും നേ​തൃ​ത്വ​ത്തി​ൽ ക​രി​മു​ള​യ്ക്ക​ൽ ജ​ങ്ഷ​നി​ൽ പ്ര​തി​ഷേ​ധ​പ്ര​ക​ട​ന​ങ്ങ​ളും യോ​ഗ​വും ന​ട​ന്നു. കോ​ൺ​ഗ്ര​സ് പ്ര​തി​ഷേ​ധം കൊ​ടി​ക്കു​ന്നി​ൽ സു​രേ​ഷ് എം.​പി ഉ​ദ്ഘാ​ട​നം ചെ​യ്തു.

ബ്ലോ​ക്ക് ക​മ്മി​റ്റി പ്ര​സി​ഡ​ന്‍റ്​ ജി. ​ഹ​രി​പ്ര​കാ​ശ് അ​ധ്യ​ക്ഷ​ത വ​ഹി​ച്ചു. കെ.​പി. ശ്രീ​കു​മാ​ർ, അ​ഡ്വ. ഷാ​ജി നൂ​റ​നാ​ട്,അ​ഡ്വ. കെ. ​സ​ണ്ണി​ക്കു​ട്ടി, ബി. ​രാ​ജ​ല​ക്ഷ്മി തു​ട​ങ്ങി​യ​വ​ർ സം​സാ​രി​ച്ചു. ബി.​ജെ.​പി​യു​ടെ നേ​തൃ​ത്വ​ത്തി​ലും ക​രി​മു​ള​യ്ക്ക​ൽ ജ​ങ്ഷ​നി​ൽ പ്ര​തി​ഷേ​ധ​പ്ര​ക​ട​ന​വും യോ​ഗ​വും ന​ട​ന്നു. സം​സ്ഥാ​ന ജ​ന​റ​ൽ സെ​ക്ര​ട്ട​റി ശോ​ഭ സു​രേ​ന്ദ്ര​ൻ ഉ​ദ്ഘാ​ട​നം ചെ​യ്തു. ചാ​രു​മൂ​ട് മ​ണ്ഡ​ലം പ്ര​സി​ഡ​ന്‍റ്​ കെ. ​സ​ഞ്ചു അ​ധ്യ​ക്ഷ​ത വ​ഹി​ച്ചു.

ബ​ന്ധ​മി​ല്ലെ​ന്ന് സി.​പി.​എം

ക​രി​മു​ള​യ്ക്ക​ൽ ര​ണ്ട് ക്ല​ബു​ക​ളു​ടെ ക​രോ​ൾ സം​ഘ​ങ്ങ​ൾ ത​മ്മി​ലു​ണ്ടാ​യ സം​ഘ​ർ​ഷ​ത്തെ സി.​പി.​എ​മ്മി​നും ഡി.​വൈ.​എ​ഫ്.​ഐ​ക്കും എ​തി​രാ​യി തി​രി​ച്ചു​വി​ടാ​നു​ള്ള ബി.​ജെ.​പി -കോ​ൺ​ഗ്ര​സ് ശ്ര​മം ദു​രു​ദ്ദേ​ശ​പ​ര​വും പ്ര​തി​ഷേ​ധാ​ർ​ഹ​വു​മാ​ണെ​ന്ന് ഏ​രി​യ സെ​ക്ര​ട്ട​റി ബി. ​ബി​നു പ്ര​സ്താ​വ​ന​യി​ൽ അ​റി​യി​ച്ചു.

കരോൾസംഘത്തെ ആക്രമിച്ച കേസിലെ പ്രതി അറസ്റ്റിൽ

മാ​രാ​രി​ക്കു​ളം: ക​രോ​ൾ സം​ഘ​ത്തെ ആ​ക്ര​മി​ച്ച കേ​സി​ലെ പ്ര​തി​യെ മാ​രാ​രി​ക്കു​ളം പൊ​ലീ​സ് അ​റ​സ്റ്റ് ചെ​യ്തു. മാ​രാ​രി​ക്കു​ളം വ​ട​ക്ക് ഗ്രാ​മ പ​ഞ്ചാ​യ​ത്ത് ഏ​ഴാം വാ​ർ​ഡ് ക​ണി​ച്ചു​കു​ള​ങ്ങ​ര പ​ടി​ഞ്ഞാ​റേ​വെ​ളി​യി​ൽ അ​നീ​ഷി​നെ​യാ​ണ്​ (43) മാ​രാ​രി​ക്കു​ളം പൊ​ലീ​സ് അ​റ​സ്റ്റ് ചെ​യ്ത​ത്. ചെ​ടി​ച്ച​ട്ടി​ക​ൾ പൊ​ട്ടി​ച്ച​ത് ക​രോ​ളു​മാ​യി ചെ​ന്ന​വ​രാ​ണെ​ന്ന് തെ​റ്റി​ദ്ധ​രി​ച്ച് തി​രു​വി​ഴ ക്ഷേ​ത്ര​ത്തി​ന് സ​മീ​പം ക​രോ​ൾ സം​ഘ​ത്തെ ഭീ​ഷ​ണി​പ്പെ​ടു​ത്തു​ക​യും ക​രോ​ൾ സം​ഘ​ത്തി​ന്റെ സൗ​ണ്ട് സി​സ്റ്റ​വും ലൈ​റ്റും മ​റ്റും പൊ​ട്ടി​ച്ചെ​ന്നു​മാ​ണ് കേ​സ്.