ഓൺലൈനിലൂടെ ശ്രദ്ധിച്ചുനടക്കാം; പതിയിരിക്കുന്നുണ്ട് 'പണക്കുഴികൾ'

ആ​ല​പ്പു​ഴ: ന​ഗ​ര​ത്തി​ൽ ഒ​രു സ്വ​കാ​ര്യ​സ്ഥാ​പ​ന ഉ​ട​മ​യാ​യി​രു​ന്ന​യാ​ൾ ഓ​ൺ​ലൈ​ൻ 'പ​ണ​ക്കു​ഴി'​യി​ൽ വീ​ഴു​ന്ന​ത് വ​ർ​ഷ​ങ്ങ​ളു​ടെ ഫേ​സ്ബു​ക്ക്​ സൗ​ഹൃ​ദ​ത്തി​ലൂ​ടെ​യാ​ണ്. യു​വ​തി​യു​ടെ പേ​രി​ലു​ള്ള ഫേ​സ്ബു​ക്ക് പ്രൊ​ഫൈ​ലു​മാ​യി തു​ട​ങ്ങി​യ ചാ​റ്റ് പി​ന്നീ​ട് സൗ​ഹൃ​ദ​മാ​യി മാ​റു​ക​യാ​യി​രു​ന്നു.

ജ​ർ​മ​നി​യി​ൽ ഇ​ൻ​വെ​സ്​​റ്റ്​​മെൻറ്​ തു​ട​ങ്ങാ​ൻ ആ '​യു​വ​തി' പ​ങ്കാ​ളി​യാ​യി ക്ഷ​ണി​ക്കു​ക​യും ഇ​തി​നു​ള്ള ഗ​വ. ന​ട​പ​ടി​ക​ൾ​ക്കെ​ന്ന പേ​രി​ൽ എ​ട്ടു​ല​ക്ഷ​ത്തോ​ളം രൂ​പ ത​ട്ടി​യെ​ടു​ക്കു​ക​യു​മാ​യി​രു​ന്നു. നേ​ര​ത്തേ​ത​ന്നെ ഫോ​ൺ ഹാ​ക്ക് ചെ​യ്ത് എ​ളു​പ്പം പ​ണ​ക്കാ​ര​നാ​കാ​നു​ള്ള ഇ​യാ​ളു​ടെ ചോ​ദ​ന​യെ ഇ​വ​ർ ദു​രു​പ​യോ​ഗം ചെ​യ്​​തു.

സ​മാ​ന രീ​തി​യി​ലു​ള്ള മ​റ്റൊ​രു സം​ഭ​വം ജ​ർ​മ​നി​യി​ൽ​നി​ന്നാ​ണ്.​ കേ​ര​ള​ത്തി​ൽ വ​ന്ന്​ ഇ​ൻ​വെ​സ്​​റ്റ്​ താ​ൽ​പ​ര്യം പ്ര​ക​ടി​പ്പി​ച്ച്​ ഒ​രു യൂ​റോ​പ്യ​ൻ വ്യാ​ജ പ്രൊ​ഫൈ​ൽ നി​ർ​മി​ച്ച്​ ക​ബ​ളി​പ്പി​ച്ചു. പ​ണം പോ​യി മാ​ന​സി​ക​പ്ര​ശ്ന​ങ്ങ​ളി​ലേ​ക്ക് വ​ഴു​തി​വീ​ഴു​ന്ന​വ​ർ ധാ​രാ​ള​മാ​െ​ണ​ന്ന് സൈ​കോ​ള​ജി​സ്​​റ്റ്​ അ​ഞ്​​ജു ല​ക്ഷ്മി പ​റ​യു​ന്നു.

പ​ല​പ്പോ​ഴും ത​ട്ടി​പ്പി​നി​ര​യാ​കു​ന്ന​ത് ഉ​യ​ർ​ന്ന വി​ദ്യാ​ഭ്യാ​സ​മു​ള്ള സ​മൂ​ഹ​ത്തി​ൽ ഉ​ന്ന​ത നി​ല​വാ​ര​ത്തി​ൽ ജീ​വി​ക്കു​ന്ന​വ​രാ​ണ്. നി​യ​മ​ങ്ങ​ളെ​ക്കു​റി​ച്ചു​ള്ള അ​ജ്ഞ​ത​യും ഏ​തു​ത​രം സ​ർ​ട്ടി​ഫി​ക്ക​റ്റും ഒ​റി​ജി​ന​ൽ​പോ​ലെ നി​ർ​മി​ക്കാ​നു​ള്ള ത​ട്ടി​പ്പ് സം​ഘ​ത്തി​െൻറ ക​ഴി​വും വേ​ഗ​ത്തി​ൽ പ​ണം സ​മ്പാ​ദി​ക്ക​ണ​മെ​ന്നു​ള്ള ഇ​ര​യു​ടെ വ്യാ​ഗ്ര​ത​യും സം​ഘ​ത്തി​ന്​ ഓ​ൺ​ലൈ​നി​ൽ പ​ണം ത​ട്ടി​യെ​ടു​ക്കാ​ൻ വ​ഴി​യൊ​രു​ക്കു​ന്നു.

കു​ട്ടി​ക​ളെ ശ്ര​ദ്ധി​ക്കാം

മൊ​ബൈ​ൽ ഗെ​യി​മി​ന് ആ​സ​ക്തി ഉ​ണ്ടാ​യി​രു​ന്ന കു​ട്ടി മാ​താ​പി​താ​ക്ക​ളു​ടെ ബാ​ങ്ക് അ​ക്കൗ​ണ്ടി​ൽ​നി​ന്ന്​ ക​ളി​ച്ച്​ ക​ള​ഞ്ഞ​ത് 50,000ത്തോ​ളം രൂ​പ​യാ​ണ്. ഓ​ൺ​ലൈ​നി​ൽ ചെ​റി​യ സാ​ധ​ന​ങ്ങ​ൾ വാ​ങ്ങാ​ൻ ര​ക്ഷി​താ​ക്ക​ൾ ബാ​ങ്ക് വി​വ​ര​ങ്ങ​ൾ കു​ട്ടി​യെ അ​റി​യി​ച്ചി​രു​ന്നു. എ​ന്നാ​ൽ, ഇ​തു​വെ​ച്ച് പ​ണം മു​ട​ക്കി ഗെ​യിം ക​ളി​ക്കു​ക​യും കൂ​ട്ടു​കാ​ർ​ക്ക്‌ ഗെ​യിം ഉ​പ​കാ​ര​ങ്ങ​ൾ വാ​ങ്ങി​ന​ൽ​കി​യു​മാ​ണ് ഈ ​പ​ണം ര​ക്ഷി​താ​ക്ക​ൾ അ​റി​യാ​തെ കു​ട്ടി ചെ​ല​വ​ഴി​ച്ച​ത്.

ഇ​ത്ത​രം കേ​സു​ക​ളി​ൽ സ്വ​ന്തം കു​ട്ടി ആ​യ​തി​നാ​ൽ ര​ക്ഷി​താ​ക്ക​ൾ പ​രാ​തി​പ്പെ​ടാ​റി​ല്ല​ന്ന് സൈ​ബ​ർ​സെ​ൽ അ​ധി​കൃ​ത​ർ പ​റ​യു​ന്നു. ബാ​ങ്ക് വി​വ​ര​ങ്ങ​ൾ കു​ട്ടി​ക​ളെ അ​റി​യി​ക്കാ​തി​രി​ക്ക​ണ​മെ​ന്നും ഓ​ൺ​ലൈ​ൻ പ​ർ​ച്ചേ​സി​ങ്ങി​നു​ൾ​െ​പ്പ​ടെ കു​ട്ടി​യു​ടെ മൊ​ബൈ​ൽ ഉ​പ​യോ​ഗ​ത്തി​ൽ ശ്ര​ദ്ധ​ചെ​ലു​ത്ത​ണ​മെ​ന്നും അ​വ​ർ കൂ​ട്ടി​ച്ചേ​ർ​ക്കു​ന്നു.

വി​ഡി​യോ കാ​ൾ ത​ട്ടി​പ്പ്

സോ​ഷ്യ​ൽ മീ​ഡി​യ​യി​ലെ ഗ്രൂ​പ്പു​ക​ളി​ലൊ​ന്നി​ൽ​നി​ന്നാ​ണ് യു​വ​തി ഒ​രു യു​വാ​വു​മാ​യി പ​രി​ച​യ​പ്പെ​ടു​ന്ന​ത്. പി​ന്നീ​ട് സൗ​ഹൃ​ദ​ത്തി​ലാ​വു​ക​യും ഇ​രു​വ​രും നി​ര​ന്ത​രം വി​ഡി​യോ കാ​ൾ ചെ​യ്യു​ക​യും ചെ​യ്തി​രു​ന്നു. ശേ​ഷം ഈ ​വി​ഡി​യോ കാ​ളി​െൻറ സ്ക്രീ​ൻ ഷോ​ർ​ട്ടു​ക​ൾ വി​ദേ​ശ​ത്തു​ള്ള ഭ​ർ​ത്താ​വി​നെ​യ​ട​ക്കം കാ​ണി​ക്കു​മെ​ന്ന് ഭീ​ഷ​ണി​പ്പെ​ടു​ത്തി 80,000 രൂ​പ​യോ​ളം ത​ട്ടി​യെ​ടു​ക്കു​ക​യാ​യി​രു​ന്നു. ഇ​ത്ത​രം പ​ല​ത​രം കേ​സു​ക​ൾ ഇ​പ്പോ​ൾ കൂ​ടു​ക​യാ​ണ്. ന​മ്മു​ടെ വി​വ​ര​ങ്ങ​ൾ സോ​ഷ്യ​ൽ മീ​ഡി​യ​യി​ലൂ​ടെ പു​റ​ത്തു​വി​ടു​ന്ന​തി​ലൂ​ടെ​യാ​ണ് കൂ​ടു​ത​ൽ ത​ട്ടി​പ്പി​നും ചൂ​ഷ​ണ​ത്തി​നും ക​ള​മൊ​രു​ങ്ങു​ന്ന​തെ​ന്നും അ​ധി​കൃ​ത​ർ പ​റ​യു​ന്നു.

ച​തി​ക്കു​ഴി​ക​ൾ കരുതിയിരിക്കുക

'ഓ​ൺ​ലൈ​ൻ ത​ട്ടി​പ്പ് കേ​സു​ക​ൾ കൂ​ടി​വ​രു​ക​യാ​ണ്. സോ​ഷ്യ​ൽ മീ​ഡി​യ​യി​ലൂ​ടെ ന​മ്മ​ളോ​ട് ഇ​ട​പെ​ടു​ന്ന​യാ​ളെ ന​മ്മ​ൾ അ​റി​യു​ന്നി​ല്ല. ഇ​ത​റി​യാ​തെ വ്യ​ക്തി​പ​ര​മാ​യ കാ​ര്യ​ങ്ങ​ൾ അ​ട​ക്കം പ​ങ്കു​വെ​ക്കു​മ്പോ​ൾ പ​ല​ത​രം ച​തി​ക്കു​ഴി​ക​ൾ പ​തി​യി​രി​ക്കു​ന്നു​ണ്ട്. കൂ​ടു​ത​ൽ ബോ​ധ​മു​ള്ള​വ​രാ​യി സോ​ഷ്യ​ൽ മീ​ഡി​യ ഉ​പ​യോ​ഗി​ക്കേ​ണ്ട​ത് അ​നി​വാ​ര്യ​മാ​ണ്'.

എം.​കെ. രാ​ജേ​ഷ് (സൈ​ബ​ർ​സെ​ൽ സി.​ഐ)