കായൽ വേലിയേറ്റം: ദുരിതം ഒഴിയാതെ തീര​മേഖല

അ​രൂ​ർ: അ​സാ​ധാ​ര​ണ കാ​യ​ൽ വേ​ലി​യേ​റ്റ​ത്തി​ൽ തീ​ര​മേ​ഖ​ല മു​ങ്ങി. ദു​രി​താ​ശ്വാ​സ ക്യാ​മ്പു​ക​ൾ തു​റ​ക്ക​ണ​മെ​ന്ന ആ​വ​ശ്യം ശ​ക്തം. അ​രൂ​ർ, അ​രൂ​ക്കു​റ്റി, പെ​രു​മ്പ​ളം, പാ​ണാ​വ​ള്ളി, തൈ​ക്കാ​ട്ടു​ശ്ശേ​രി, പ​ള്ളി​പ്പു​റം, തു​റ​വൂ​ർ, കു​ത്തി​യ​തോ​ട്, കോ​ടം​തു​രു​ത്ത്, എ​ഴു​പു​ന്ന പ​ഞ്ചാ​യ​ത്തു​ക​ളി​ലെ തീ​ര​മേ​ഖ​ല​ക​ളി​ൽ നൂ​റു​ക​ണ​ക്കി​ന് വീ​ടു​ക​ൾ വെ​ള്ള​ത്തി​ലാ​ണ്.

ഒ​ന്ന​ര മാ​സ​മാ​യി തു​ട​രു​ന്ന വേ​ലി​യേ​റ്റ​ത്തി​ൽ അ​ടു​ക്ക​ള​യി​ൽ വ​രെ വെ​ള്ളം ക​യ​റി​യ​തി​നാ​ൽ പ​ല​ർ​ക്കും ഭ​ക്ഷ​ണം​പോ​ലും പാ​കം​ചെ​യ്യാ​ൻ ക​ഴി​യു​ന്നി​ല്ല. ക​ക്കൂ​സ്​ അ​ട​ക്ക​മു​ള്ള​വ വെ​ള്ള​ത്തി​ലാ​യ​തി​നാ​ൽ ദി​ന​ച​ര്യ​യ​ട​ക്കം മു​ട​ങ്ങി. ഈ ​സാ​ഹ​ച​ര്യ​ത്തി​ലാ​ണ് ദു​രി​താ​ശ്വാ​സ ക്യാ​മ്പു​ക​ൾ തു​റ​ക്ക​ണ​മെ​ന്ന ആ​വ​ശ്യം ശ​ക്ത​മാ​യ​ത്.

കാ​യ​ൽ​ത്തീ​ര​ങ്ങ​ളി​ൽ വേ​ലി​യി​റ​ക്കം ആ​കു​മ്പോ​ൾ വെ​ള്ളം ഇ​റ​ങ്ങി​പ്പോ​കു​ന്ന​ത് പ​തി​വാ​ണ്. എ​ന്നാ​ൽ, ചെ​മ്മീ​ൻ​കെ​ട്ട് ഉ​ള്ള സ്ഥ​ല​ങ്ങ​ളി​ൽ വെ​ള്ളം കെ​ട്ടി​നി​ർ​ത്തു​ന്ന​തി​നാ​ൽ മു​ഴു​സ​മ​യ​വും വെ​ള്ള​ക്കെ​ട്ട് രൂ​പ​പ്പെ​ടു​ന്ന​ത് ജ​ന​ങ്ങ​ളെ ദു​രി​ത​ത്തി​ലാ​ക്കു​ന്നു. ചെ​മ്മീ​ൻ​കെ​ട്ടു​ക​ര​യി​ലെ നൂ​റു​ക​ണ​ക്കി​ന് വീ​ടു​ക​ളാ​ണ് ഉ​പ്പു​ക​യ​റി ദ്ര​വി​ക്കു​ന്ന​ത്.

ത്രി​ത​ല പ​ഞ്ചാ​യ​ത്ത് പ്ര​തി​നി​ധി​ക​ൾ തീ​ര​വാ​സി​ക​ളു​ടെ ദു​രി​ത​ക്കാ​ഴ്ച കാ​ണാ​ൻ എ​ത്തി​യെ​ന്ന​ല്ലാ​തെ മ​റ്റു ന​ട​പ​ടി​യു​ണ്ടാ​യി​ല്ല. അ​ടി​യ​ന്ത​ര സ​ഹാ​യം പ്ര​ഖ്യാ​പി​ക്കു​ന്ന​ത​ട​ക്ക​മു​ള്ള കാ​ര്യ​ങ്ങ​ളി​ൽ സ​ർ​ക്കാ​റി​നെ ഇ​ട​പെ​ടു​ത്താ​ൻ ഇ​വ​ർ​ക്കാ​യി​ട്ടി​ല്ല. വെ​ള്ള​പ്പൊ​ക്ക​മു​ണ്ടാ​യ ദു​രി​ത​ദൃ​ശ്യ​ങ്ങ​ൾ പ​ക​ർ​ത്തി​യ ഫോ​ട്ടോ പ്ര​ദ​ർ​ശ​നം അ​രൂ​ർ ഗ്രാ​മ​പ​ഞ്ചാ​യ​ത്തി​ന് മു​ന്നി​ൽ അ​ടു​ത്ത​ദി​വ​സ​ങ്ങ​ളി​ൽ ന​ട​ത്തു​മെ​ന്ന് തീ​ര​സം​ര​ക്ഷ​ണ​സ​മി​തി നേ​താ​ക്ക​ളാ​യ വി.​കെ. ഗൗ​രീ​ശ​ൻ, പി.​കെ. ബാ​ല​ൻ എ​ന്നി​വ​ർ പ​റ​ഞ്ഞു.

അന്ധകാരനഴി പൊഴി വീണ്ടും മുറിക്കുന്നു

തു​റ​വൂ​ർ: മ​ഴ ശ​ക്തി​പ്രാ​പി​ച്ച​തോ​ടെ വെ​ള്ള​പ്പൊ​ക്ക​ത്തി​ന് അ​റു​തി​വ​രു​ത്താ​ൻ അ​ന്ധ​കാ​ര​ന​ഴി പൊ​ഴി മു​റി​ക്കും. ശ​നി​യാ​ഴ്​​ച മ​ണ്ണു​മാ​ന്തി​യ​ന്ത്രം ഉ​പ​യോ​ഗി​ച്ച്​ തു​ട​ങ്ങി​യ പ്ര​വ​ർ​ത്ത​നം ഞാ​യ​റാ​ഴ്​​ച പൂ​ർ​ത്തീ​ക​രി​ക്കാ​ൻ സാ​ധി​ക്കു​മെ​ന്നാ​ണ് അ​ധി​കൃ​ത​രു​ടെ പ്ര​തീ​ക്ഷ. ഇ​റി​ഗേ​ഷ​ൻ, റ​വ​ന്യൂ, പൊ​ലീ​സ് തു​ട​ങ്ങി​യ​വ​രു​ടെ നേ​തൃ​ത്വ​ത്തി​ലാ​ണ് പൊ​ഴി​മു​റി​ക്ക​ൽ പ്ര​വ​ർ​ത്ത​നം ന​ട​ക്കു​ന്ന​ത്.

മേ​ഖ​ല​യി​ലെ വെ​ള്ള​ക്കെ​ട്ട് ഓ​രോ ദി​വ​സ​വും വ​ർ​ധി​ക്കു​ക​യാ​ണ്.വ​യ​ലാ​ർ, ക​ട​ക്ക​ര​പ്പ​ള്ളി, പ​ട്ട​ണ​ക്കാ​ട്, തു​റ​വൂ​ർ, കു​ത്തി​യ​തോ​ട്, എ​ഴു​പു​ന്ന, കോ​ടം​തു​രു​ത്ത്, അ​രൂ​ർ പ​ഞ്ചാ​യ​ത്തു​ക​ളി​ലെ ഒ​ട്ടു​മി​ക്ക പ്ര​ദേ​ശ​ങ്ങ​ളും വെ​ള്ള​ത്തി​ലാ​ണ്.