മദ്യം കുറഞ്ഞതിന്​ ആക്രമണം: പ്രതികൾ അറസ്റ്റിൽ

ആ​ല​പ്പു​ഴ: മ​ദ്യം കൊ​ടു​ത്ത​ത് കു​റ​ഞ്ഞു​പോ​യ​തി​ന്‍റെ പേ​രി​ൽ ടു​റി​സ്റ്റ് കാ​ർ ഡ്രൈ​വ​റെ അ​സ​ഭ്യം പ​റ​ഞ്ഞ് വെ​ട്ടി പ​രി​ക്കേ​ൽ​പ്പി​ച്ച സം​ഭ​വ​ത്തി​ൽ നാ​ലു പേ​ർ അ​റ​സ്റ്റി​ൽ. കോ​ട്ട​യം കാ​ഞ്ഞി​ര​പ്പ​ള്ളി കൂ​വ​പ്പ​ള്ളി കാ​ര​പ്ലാ​ക്ക​ൽ വി​ചി​ൻ, ക​ല​വൂ​ർ മ​ണ്ണ​ഞ്ചേ​രി ക​ണ്ണ​ന്ത​റ​വെ​ളി​യി​ൽ സോ​നു (അ​ല​ക്സ്), നോ​ർ​ത്ത് ആ​ര്യാ​ട് മ​ണ്ണാ​പ​റ​മ്പ് വീ​ട്ടി​ൽ ദീ​പ​ക്, ചേ​ർ​ത്ത​ല സി.​എം.​സി അ​ര​യ​ശേ​രി വീ​ട്ടി​ൽ സു​ജി​ത്ത് എ​ന്നി​വ​രാ​ണ് പി​ടി​യി​ലാ​യ​ത്.

ടാ​ക്സി ഡ്രൈ​വ​ർ കോ​ഴി​ക്കോ​ട് സ്വ​ദേ​ശി ജം​ഷീ​റി​നാ​ണ് പ​രി​ക്കേ​റ്റ​ത്. 31ന് ​രാ​ത്രി 10.30 നാ​യി​രു​ന്നു സ​ഭം​വം. കൊ​ച്ചി​യി​ൽ​നി​ന്ന്​ ടൂ​റി​സ്റ്റു​ക​ളു​മാ​യി ആ​ല​പ്പു​ഴ​യി​ലെ​റി​സോ​ർ​ട്ടി​ൽ വ​ന്ന ജം​ഷീ​ർ യാ​ത്ര​ക്കാ​രെ ഇ​റ​ക്കി​യ ശേ​ഷം കാ​ർ പാ​ർ​ക്കി​ങ്​ ഏ​രി​യ​യി​ൽ ടാ​ക്സി ഡ്രൈ​വ​ർ കൂ​ടി​യാ​യ വി​ചി​നൊ​പ്പം മ​ദ്യ​പി​ച്ചു. വി​ചി​ന് ന​ൽ​കി​യ മ​ദ്യ​ത്തി​ന്‍റെ അ​ള​വ് കു​റ​ഞ്ഞ​തി​നെ ചൊ​ല്ലി വാ​ക്കേ​റ്റ​വും അ​ടി​പി​ടി​യും ഉ​ണ്ടാ​യി. ഇ​തി​ൽ വി​ചി​ന് പ​രി​ക്കേ​റ്റു.

ഈ ​ദേ​ഷ്യ​ത്തി​ൽ വി​ചി​ൻ ബ​ന്ധു ദീ​പ​ക്കി​നെ​യും കൂ​ട്ടു​കാ​രെ​യും വി​ളി​ച്ചു​വ​രു​ത്തി ജം​ഷീ​റി​നെ കു​ത്തി പ​രി​ക്കേ​ൽ​പ്പി​ക്കു​ക​യും കാ​ർ അ​ടി​ച്ചു ത​ക​ർ​ക്കു​ക​യു​മാ​യി​രു​ന്നു. കൈ​ക്കും മു​തു​കി​നും പ​രി​ക്കേ​റ്റ ജം​ഷീ​റി​നെ ആ​ല​പ്പു​ഴ ജ​ന​റ​ൽ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. എ​സ്.​എ​ച്ച്.​ഒ വി.​ഡി. റ​ജി​രാ​ജി​നൊ​പ്പം പ്രി​ൻ​സി​പ്പ​ൽ എ​സ്.​ഐ പി.​ആ​ർ. രാ​ജീ​വ്, എ​സ്.​ഐ സി.​സി. സാ​ലി, എ.​എ​സ്.​ഐ​മാ​രാ​യ ര​തീ​ഷ് ബാ​ബു, എ. ​അ​ൻ​സ്, സീ​നി​യ​ർ സി.​പി.​ഒ​മാ​രാ​യ സ​ജു സ​ത്യ​ൻ, എ​സ്. സ​ജീ​ഷ്, ടി.​എ​സ്. ബി​നു, ഡാ​രി​ൽ നെ​ൽ​സ​ൺ എ​ന്നി​വ​രും ഉ​ണ്ടാ​യി​രു​ന്നു.