കാറ്റും മഴയും; കെ.എസ്.ഇ.ബിക്ക്​ നഷ്ടം 5.42 ലക്ഷം

അ​രൂ​ർ: അ​ഞ്ചു ദി​വ​സ​മാ​യി തു​ട​ർ​ച്ച​യാ​യി പെ​യ്ത മ​ഴ​യി​ലും കാ​റ്റി​ലും കെ.​എ​സ്.​ഇ.​ബി​ക്ക് ന​ഷ്ടം 5,42,000 രൂ​പ. അ​രൂ​ർ, കു​ത്തി​യ​തോ​ട് വൈ​ദ്യു​തി സെ​ക്ഷ​നു​ക​ളി​ലെ മാ​ത്രം ന​ഷ്ട​മാ​ണി​ത്.

ഇ​തി​ൽ 5,20,000 രൂ​പ​യു​ടെ ന​ഷ്ടം അ​രൂ​ർ സെ​ക്ഷ​നി​ൽ മാ​ത്ര​മാ​ണ് സം​ഭ​വി​ച്ച​ത്. പ​ട്ട​ണ​ക്കാ​ട് സെ​ക്ഷ​നി​ലെ ന​ഷ്ടം ക​ണ​ക്കാ​ക്കി​യി​ട്ടി​ല്ലെ​ന്ന് അ​സി. എ​ൻ​ജി​നീ​യ​ർ പ​റ​ഞ്ഞു. മ​ര​ങ്ങ​ൾ ക​ട​പു​ഴ​കി​യും ചി​ല്ല​ക​ളൊ​ടി​ഞ്ഞും പോ​സ്റ്റ് ഒ​ടി​യ​ൽ, ക​മ്പി പൊ​ട്ട​ൽ, ഫീ​ഡ​ർ, ട്രാ​ൻ​സ്ഫോ​ർ​മ​ർ ത​ക​രാ​റു​ക​ൾ ഉ​ൾ​പ്പെ​ടെ​യാ​ണ് ഇ​ത്ര​യും തു​ക​യു​ടെ ന​ഷ്ട​മു​ണ്ടാ​യ​ത്. വ്യാ​ഴാ​ഴ്ച തു​ട​ങ്ങി​യ മ​ഴ​ക്ക്​ ചൊ​വ്വാ​ഴ്ച ന​ല്ല ശ​മ​ന​മു​ണ്ടാ​യെ​ങ്കി​ലും അ​രൂ​ർ മ​ണ്ഡ​ല​ത്തി​ലെ മി​ക്ക സ്ഥ​ല​ങ്ങ​ളി​ലും വെ​ള്ളം കെ​ട്ടി​ക്കി​ട​ക്കു​ക​യാ​ണ്. മാ​ലി​ന്യ​വും എ​ക്ക​ലും മൂ​ലം തോ​ടു​ക​ൾ അ​ധി​ക​വും ഒ​ഴു​ക്ക് നി​ല​ച്ചി​രു​ന്നു. നാ​ട്ടു​കാ​രു​ടെ ശ്ര​മ​ഫ​ല​മാ​യി പ​ല​യി​ട​ത്തും ഒ​ഴു​ക്ക് പു​നഃ​സ്ഥാ​പി​ക്കാ​ൻ ക​ഴി​ഞ്ഞ​ത് ആ​ശ്വാ​സം പ​ക​രു​ന്നു​ണ്ട്.

അ​ന്ധ​കാ​ര​ന​ഴി​യി​ൽ യ​ന്ത്ര​സ​ഹാ​യ​ത്താ​ൽ പൊ​ഴി​മു​റി​ച്ച​തി​നാ​ൽ പൊ​ഴി​ച്ചാ​ലി​ലൂ​ടെ പെ​യ്ത്തു​വെ​ള്ളം ഒ​ഴു​കി ക​ട​ലി​ലേ​ക്ക് പോ​കു​ന്നു​ണ്ട്. ര​ണ്ടു ദി​വ​സം പൂ​ർ​ണ​മാ​യി മ​ഴ മാ​റി​നി​ന്നെ​ങ്കി​ൽ മാ​ത്ര​മേ താ​ഴ്ന്ന പ്ര​ദേ​ശ​ങ്ങ​ളി​ലെ വെ​ള്ളം വ​റ്റൂ. എ​ന്നാ​ൽ, വേ​മ്പ​നാ​ട്ടു​കാ​യ​ലി​ൽ വേ​ലി​യേ​റ്റം തു​ട​രു​ന്ന​തി​നാ​ൽ കാ​യ​ലോ​ര വാ​സി​ക​ൾ​ക്ക് ദു​രി​ത​മാ​ണ്.