അരൂർ പഞ്ചായത്തിലെ ഗ്രാമീണ റോഡുകൾ തകർന്നു

അ​രൂ​ർ: അ​രൂ​ർ പ​ഞ്ചാ​യ​ത്തി​ലെ ഗ്രാ​മീ​ണ റോ​ഡു​ക​ൾ പ​ല​തും ത​ക​ർ​ന്നു. ആ​സൂ​ത്ര​ണ​പ്പി​ഴ​വും സാ​ങ്കേ​തി​ക ഉ​ദ്യോ​ഗ​സ്ഥ​രു​ടെ ഇ​ല്ലാ​യ്മ​യും നി​ർ​മാ​ണ സാ​മ​ഗ്രി​ക​ളു​ടെ ല​ഭ്യ​ത​ക്കു​റ​വും ക​രാ​റു​കാ​ർ റോ​ഡ് പ​ണി ഏ​റ്റെ​ടു​ക്കാ​തി​രി​ക്കു​ന്ന​തു​മാ​ണ്​ റോ​ഡ്​ ത​ക​ർ​ച്ച​ക്ക്​ കാ​ര​ണ​മാ​യി ചൂ​ണ്ടി​ക്കാ​ണി​ക്ക​പ്പെ​ടു​ന്ന​ത്. ഇ​ട​തു​ഭ​ര​ണം ന​ട​ക്കു​ന്ന പ​ഞ്ചാ​യ​ത്താ​ണ് അ​രൂ​ർ പ​ഞ്ചാ​യ​ത്ത്.

സ​ർ​ക്കാ​റി​ന്‍റെ പ​ല ഫ​ണ്ടും റോ​ഡ് പ​ണി​ക്ക് പ​ഴ​യ കാ​ല​ങ്ങ​ളി​ൽ വ്യാ​പ​ക​മാ​യി ഉ​പ​യോ​ഗി​ച്ചി​രു​ന്നു. എ​ന്നാ​ൽ, ഇ​പ്പോ​ൾ നേ​താ​ക്ക​ന്മാ​രു​ടെ വാ​ർ​ഡു​ക​ളി​ൽ​പോ​ലും സ​ർ​ക്കാ​ർ ഫ​ണ്ടി​ൽ​നി​ന്ന് റോ​ഡ് പ​ണി​ക്ക് പ​ണം ല​ഭി​ക്കു​ന്നി​ല്ല.

ആ​സൂ​ത്ര​ണ പി​ഴ​വാ​ണ് അ​രൂ​രി​ലെ ഗ്രാ​മീ​ണ റോ​ഡു​ക​ൾ നാ​ളു​ക​ളാ​യി അ​റ്റ​കു​റ്റ​പ്പ​ണി​പോ​ലും ന​ട​ത്താ​ൻ ക​ഴി​യാ​ത്ത​തെ​ന്ന് പ്ര​തി​പ​ക്ഷം പ​റ​യു​ന്നു.

പു​തി​യ റോ​ഡു​ക​ൾ നി​ർ​മി​ക്കു​ന്ന​ത് ക​ഴി​ഞ്ഞ ര​ണ്ട് വ​ർ​ഷ​മാ​യി ഏ​റ്റെ​ടു​ത്തി​ട്ടി​ല്ല. പ്ര​ധാ​ന റോ​ഡു​ക​ൾ പ​ല​തി​ന്റെ​യും അ​റ്റ​കു​റ്റ​പ്പ​ണി​പോ​ലും ന​ട​ക്കു​ന്നി​ല്ല. 10 ല​ക്ഷം രൂ​പ വീ​തം ഓ​രോ വാ​ർ​ഡി​ലേ​ക്കും ന​ൽ​കു​ന്ന അ​ശാ​സ്ത്രീ​യ​മാ​യ പ​ങ്കു​വെ​ക്ക​ലാ​ണ് ഇ​പ്പോ​ഴും ന​ട​ക്കു​ന്ന​ത്.

കോ​വി​ഡ് വ്യാ​പ​ന കാ​ല​ത്ത് റോ​ഡ് പ​ണി ന​ട​ന്നി​ല്ല. പ​ക​രം ജ​ന​ങ്ങ​ളു​ടെ അ​തി​ജീ​വ​ന പ​ദ്ധ​തി​ക​ൾ​ക്കാ​യി​രു​ന്നു മു​ൻ​തൂ​ക്കം.

പ​ഴ​യ ജീ​വി​താ​വ​സ്ഥ​യി​ലേ​ക്ക് തി​രി​ച്ചു​വ​ന്നി​ട്ടും പ​ഞ്ചാ​യ​ത്ത് ഭ​ര​ണ​സ​മി​തി പ​ശ്ചാ​ത്ത​ല മേ​ഖ​ല കാ​ര്യ​ക്ഷ​മ​മാ​ക്കു​ന്ന​തി​ൽ ശ്ര​ദ്ധി​ക്കു​ന്നി​ല്ലെ​ന്നാ​ണ് നാ​ട്ടു​കാ​രു​ടെ പ​രാ​തി.

വ്യ​വ​സാ​യ കേ​ന്ദ്ര​വും ജ​ന​സം​ഖ്യ​യി​ലു​ള്ള അ​പൂ​ർ​വ​മാ​യ വ​ർ​ധ​ന​യും ആ​ളു​ക​ളു​ടെ എ​ണ്ണ​ത്തി​ലു​ള്ള കൂ​ടു​ത​ലും വ​ക​വെ​ക്കാ​തെ​യാ​ണ് സ​ർ​ക്കാ​ർ പ​ഞ്ചാ​യ​ത്തി​ലേ​ക്ക് സാ​ങ്കേ​തി​ക ഉ​ദ്യോ​ഗ​സ്ഥ​രെ നി​യ​മി​ക്കു​ന്ന​ത്.

തി​ര​ക്കി​ല്ലാ​ത്ത മ​റ്റു പ​ഞ്ചാ​യ​ത്തു​ക​ളി​ലെ അ​തേ സ്റ്റാ​ഫ് പാ​റ്റേ​ൺ ആ​ണ് അ​രൂ​ർ പ​ഞ്ചാ​യ​ത്തി​ലേ​തും. ഇ​ക്കാ​ര്യം ഭ​ര​ണ​സ​മി​തി പ​ല​ത​വ​ണ സ​ർ​ക്കാ​റി​ന്‍റെ ശ്ര​ദ്ധ​യി​ൽ​പെ​ടു​ത്തി​യെ​ങ്കി​ലും മാ​റ്റം വ​രു​ത്താ​ൻ സ​ർ​ക്കാ​ർ ശ്ര​മി​ച്ചി​ട്ടി​ല്ല. വ​ർ​ഷ​ങ്ങ​ളാ​യി അ​റ്റ​കു​റ്റ​പ്പ​ണി ന​ട​ത്താ​തെ റോ​ഡ് സാ​മ​ഗ്രി​ക​ൾ​ത​ന്നെ ഇ​ല്ലാ​താ​യ പ​ല റോ​ഡു​ക​ളും അ​രൂ​രി​ലു​ണ്ട്.