പ​ള്ളി​ത്തോ​ട് തീ​ര​ത്തെ ക​ട​ലേ​റ്റം; ആശങ്ക ഒഴിയാതെ കടലോര ജനത

അ​രൂ​ർ: പ​ള്ളി​ത്തോ​ട് തീ​ര​ത്തെ ക​ട​ലേ​റ്റ​ത്തി​ന് തെ​ല്ലു​ശ​മ​നം വ​ന്നെ​ങ്കി​ലും തി​ര​മാ​ല​ക​ളു​ടെ വ​ര​വി​ന്റെ മു​ന്ന​റി​യി​പ്പ് തീ​ര​വാ​സി​ക​ളി​ൽ ആ​ശ​ങ്ക ഉ​യ​ർ​ത്തു​ന്നു. പ​ള്ളി​ത്തോ​ട് ക​ട​ലോ​ര മേ​ഖ​ല​യി​ലാ​ണ് ക​ഴി​ഞ്ഞ​ദി​വ​സം രൂ​ക്ഷ​മാ​യ ക​ട​ലേ​റ്റം ഉ​ണ്ടാ​യ​ത്. നി​ന​ച്ചി​രി​ക്കാ​തെ​യാ​ണ് ക​ട​ൽ​വെ​ള്ളം വീ​ടു​ക​ളി​ലേ​ക്ക് ഇ​ര​ച്ചു ക​യ​റി​യ​ത്. കാ​ല​വ​ർ​ഷ​ത്തി​നി​ടെ ക​ട​ലേ​റ്റ​മു​ണ്ടാ​കു​മ്പോ​ൾ മു​ന്ന​റി​യി​പ്പ് ല​ഭി​ച്ചി​രു​ന്നു. എ​ന്നാ​ൽ, ഒ​രു മു​ന്ന​റി​യി​പ്പു​മി​ല്ലാ​തെ​യാ​ണ് ക​ഴി​ഞ്ഞ​ദി​വ​സം ക​ട​ൽ ക​യ​റി​യ​ത്. ദി​വ​സ​ങ്ങ​ൾ ക​ഴി​ഞ്ഞി​ട്ടും വീ​ടു​ക​ളി​ലെ അ​ഴു​ക്കും ച​ളി​യും വൃ​ത്തി​യാ​ക്കു​ന്ന തി​ര​ക്കി​ലാ​ണ് തീ​ര​വാ​സി​ക​ൾ.

ഇ​തി​നു പു​റ​മെ ക​ട​ലേ​റ്റ​ത്തി​ന്​ സാ​ധ്യ​ത​യു​ണ്ടെ​ന്ന മു​ന്ന​റി​യി​പ്പ് ആ​ശ​ങ്ക​യും വ​ള​ർ​ത്തു​ന്നു. അ​ധി​കൃ​ത​ർ തീ​ര​മേ​ഖ​ല​യി​ലെ​ത്തി ര​ക്ഷാ​പ്ര​വ​ർ​ത്ത​ന​ങ്ങ​ൾ​ക്ക് നേ​തൃ​ത്വം കൊ​ടു​ക്കു​ന്നു​ണ്ട്. അ​രൂ​ർ എം.​എ​ൽ.​എ ദ​ലീ​മ ജോ​ജോ ഉ​ൾ​പ്പെ​ടെ​യു​ള്ള സം​ഘം ദു​രി​ത​ബാ​ധി​ത പ്ര​ദേ​ശം സ​ന്ദ​ർ​ശി​ച്ചു. പൊ​ലീ​സ്, അ​ഗ്​​നി​ര​ക്ഷാ സേ​ന, റ​വ​ന്യൂ, പ​ഞ്ചാ​യ​ത്ത് വ​കു​പ്പു​ക​ളി​ലെ ഉ​ദ്യോ​ഗ​സ്ഥ​രെ​യും ജ​ന​പ്ര​തി​നി​ധി​ക​ളെ​യും യോ​ജി​പ്പി​ച്ച് പ്ര​വ​ര്‍ത്ത​നം ന​ട​ത്തി​വ​രു​ക​യാ​ണ്. ദു​രി​തം മ​ന്ത്രി​മാ​രാ​യ സ​ജി ചെ​റി​യാ​ന്റെ​യും റോ​ഷി അ​ഗ​സ്റ്റി​ന്റെ​യും ക​ല​ക്ട​റു​ടെ​യും ശ്ര​ദ്ധ​യി​ൽ​പെ​ടു​ത്തി​യി​ട്ടു​ണ്ട്. മ​ണ്ണു​മാ​ന്തി ഉ​പ​യോ​ഗി​ച്ച് ഒ​ഴു​ക്ക് ത​ട​സ്സ​പ്പെ​ട്ട കാ​ന ശു​ചി​യാ​ക്കാ​നും മ​ണ​ൽ ത​ട​യ​ണ നി​ര്‍മി​ക്കാ​നും തീ​രു​മാ​നി​ച്ചു. ശാ​ശ്വ​ത​പ​രി​ഹാ​രം ക​ട​ല്‍ഭി​ത്തി നി​ര്‍മാ​ണ​മാ​ണ്.

അ​ത്​ സ​ർ​ക്കാ​ർ പ​ദ്ധ​തി​യി​ലു​ണ്ട്. ജി​ല്ല പ​ഞ്ചാ​യ​ത്ത്​ അം​ഗം അ​ന​ന്തു ര​മേ​ശ​ന്‍, എം.​ജി രാ​ജേ​ശ്വ​രി, ബ്ലോ​ക്ക് പ​ഞ്ചാ​യ​ത്ത്​ അം​ഗ​ങ്ങ​ളാ​യ എ.​യു. അ​നീ​ഷ്, മേ​രി ടെ​ല്‍ഷ്യ എ​ന്നി​വ​രും തീ​ര​മേ​ഖ​ല​യി​ൽ എ​ത്തി​യി​രു​ന്നു.

വെ​ള്ള​ക്കെ​ട്ടും മാ​ലി​ന്യ​പ്ര​ശ്ന​വും മൂ​ലം ജീ​വി​തം ദു​സ്സ​ഹം

ആ​റാ​ട്ടു​പു​ഴ: ക​ഴി​ഞ്ഞ ദി​വ​സം തൃ​ക്കു​ന്ന​പ്പു​ഴ, ആ​റാ​ട്ടു​പു​ഴ പ​ഞ്ചാ​യ​ത്തു​ക​ളി​ൽ ഉ​ണ്ടാ​യ ക​ട​ൽ​ക്ഷോ​ഭ​ത്തി​ന് ശ​മ​ന​മു​ണ്ടാ​യെ​ങ്കി​ലും തീ​ര​വാ​സി​ക​ളു​ടെ ദു​രി​തം വി​ട്ടൊ​ഴി​ഞ്ഞി​ല്ല. വെ​ള്ള​ക്കെ​ട്ടും മാ​ലി​ന്യ പ്ര​ശ്ന​ങ്ങ​ളും തീ​ര​ത്തെ ജീ​വി​തം ദു​സ്സ​ഹ​മാ​ക്കു​ക​യാ​ണ്. ക​ട​ൽ​ക്ഷോ​ഭം കാ​ല​വ​ർ​ഷ​ത്തി​ലെ ദു​രി​തം ക​ടു​ത്ത​താ​കു​മെ​ന്ന മു​ന്ന​റി​യി​പ്പ്​ കൂ​ടി​യാ​ണ് ന​ൽ​കു​ന്ന​ത്. ക​ള്ള​ക്ക​ട​ലെ​ന്ന പ്ര​തി​ഭാ​സം കൊ​ടി​യ ദു​രി​ത​മാ​ണ് ആ​റാ​ട്ടു​പു​ഴ, തൃ​ക്കു​ന്ന​പ്പു​ഴ പ​ഞ്ചാ​യ​ത്തു​ക​ളി​ൽ വ​രു​ത്തി​യ​ത്. നി​ര​വ​ധി വീ​ടു​ക​ളു​ടെ പ​രി​സ​രം വ​രെ വെ​ള്ള​ത്തി​ലാ​യി.

വീ​ട്ടു​പ​ക​ര​ണ​ങ്ങ​ളും മ​ത്സ്യ​ബ​ന്ധ​ന ഉ​പ​ക​ര​ണ​ങ്ങ​ളും ഒ​ഴു​കി​പ്പോ​വു​ക​യും ഉ​പ്പ് വെ​ള​ളം ക​യ​റി ഉ​പ​യോ​ഗ​ശൂ​ന്യ​മാ​വു​ക​യും ചെ​യ്തു. പെ​രു​മ്പ​ള്ളി, ആ​റാ​ട്ടു​പു​ഴ, പ​ത്തി​ശേ​രി​ൽ എ​ന്നി​വി​ട​ങ്ങ​ളി​ലെ നി​ര​വ​ധി വീ​ടു​ക​ളി​ൽ ഇ​പ്പോ​ഴും ക​ട​ൽ വെ​ള്ളം കെ​ട്ടി നി​ൽ​ക്കു​ക​യാ​ണ്. വെ​ള്ളം ഒ​ഴു​കി​പ്പോ​കാ​ൻ ഇ​ട​മി​ല്ലാ​ത്ത​തി​നാ​ൽ ദി​വ​സ​ങ്ങ​ളോ​ളം ഇ​വ​ർ ദു​രി​തം അ​നു​ഭ​വി​ക്കേ​ണ്ടി​വ​രും. വെ​ള്ളം ഇ​റ​ങ്ങി​യ വീ​ട്ടു​കാ​രാ​വ​ട്ടെ ച​ളി​യും മ​റ്റ് മാ​ലി​ന്യ​ങ്ങ​ളും നീ​ക്കു​ന്ന പെ​ടാ​പ്പാ​ടി​ലാ​ണ്. റോ​ഡി​ൽ വീ​ണ മ​ണ്ണ് ചൊ​വ്വാ​ഴ്ച നീ​ക്കം ചെ​യ്യാ​ൻ ആ​രം​ഭി​ച്ചെ​ങ്കി​ലും ബു​ധ​നാ​ഴ്ച​യാ​ണ് പൂ​ർ​ത്തി​യാ​യ​ത്. ഇ​തു മൂ​ലം ബ​സ് ഗ​താ​ഗ​തം ര​ണ്ട് ദി​വ​സം മു​ട​ങ്ങി. യു​ദ്ധ​കാ​ലാ​ടി​സ്ഥാ​ന​ത്തി​ൽ തീ​ര​സം​ര​ക്ഷ​ണ ന​ട​പ​ടി കൈ​ക്കൊ​ണ്ടി​ല്ലെ​ങ്കി​ൽ വ​ലി​യ കെ​ടു​തി​ക​ളാ​കും തീ​ര​വാ​സി​ക​ൾ അ​നു​ഭ​വി​ക്കേ​ണ്ടി വ​രി​ക.