സ്വാ​ത​ന്ത്ര്യ​സ​മ​ര സ്മൃ​തി​യു​ടെ അ​ട​യാ​ള​മാ​യി കു​ത്തി​യ​തോ​ട് പ​ഞ്ചാ​യ​ത്ത്​ ഓ​ഫി​സ്​

അ​രൂ​ർ: കു​ത്തി​യ​തോ​ട് ഗ്രാ​മ പ​ഞ്ചാ​യ​ത്ത് ഓ​ഫി​സ്​ മ​ഹാ​ത്മാ​ഗാ​ന്ധി​യു​ടെ സ​മ​ര​പ​ഥ​ങ്ങ​ളി​ലെ പോ​രാ​ട്ട സ്മൃ​തി​യു​ടെ അ​ട​യാ​ളം. സ്വാ​ത​ന്ത്ര്യ​സ​മ​ര ച​രി​ത്ര​ത്തി​ൽ സ​വി​ശേ​ഷ​മാ​യ സ്ഥാ​ന​മു​ണ്ട് കു​ത്തി​യ​തോ​ട് ദേ​ശ​ത്തി​ന്.

1934ൽ ​ജ​നു​വ​രി 18നാ​ണ് ആ ​ച​രി​ത്ര സം​ഭ​വം. അ​ത് ഗാ​ന്ധി​ജി​യു​ടെ നാ​ലാ​മ​ത്തെ കേ​ര​ള സ​ന്ദ​ർ​ശ​ന​മാ​യി​രു​ന്നു. ഹ​രി​ജ​നോ​ദ്ധാ​ര​ണ ഫ​ണ്ട് ശേ​ഖ​ര​ണ​ത്തി​നാ​യി എ​ത്തി​യ ഗാ​ന്ധി​ജി​യു​ടെ പ്ര​സം​ഗ​വും സ​മ്മേ​ള​ന​ത്തി​ൽ നി​റ​ഞ്ഞ ആ​ൾ​ക്കൂ​ട്ട​വും ഇ​ന്നും നാ​ടു മ​റ​ന്നി​ട്ടി​ല്ല. ഓ​ർ​മി​പ്പി​ക്കാ​ൻ ഒ​രു സ്മാ​ര​ക​മു​ണ്ടി​വി​ടെ -കു​ത്തി​യ​തോ​ട് ഗ്രാ​മ​പ​ഞ്ചാ​യ​ത്ത് ഓ​ഫി​സ്.

റോ​ഡു​മാ​ർ​ഗം കാ​റി​ൽ എ​ത്തി​യ ഗാ​ന്ധി​ജി കു​ത്തി​യ​തോ​ട്, പാ​ട്ടു​കു​ള​ങ്ങ​ര താ​ലൂ​ക്ക് ബാ​ങ്ക് കെ​ട്ടി​ട​ത്തി​ന് പ​ടി​ഞ്ഞാ​റു​വ​ശ​ത്തെ വെ​ളി​യി​ലാ​ണ് ഇ​റ​ങ്ങി​യ​ത്. വൈ​കീ​ട്ട് ന​ട​ന്ന സ​മ്മേ​ള​ന​ത്തി​നു​ശേ​ഷം താ​ലൂ​ക്ക് ബാ​ങ്കി​ലാ​ണ് അ​ന്തി​യു​റ​ങ്ങി​യ​ത്. അ​ത് പി​ന്നീ​ട് പ​ഞ്ചാ​യ​ത്ത് വാ​ങ്ങി ഓ​ഫി​സാ​ക്കി. ഗാ​ന്ധി​ജി​യു​ടെ ഓ​ർ​മ പു​തു​ക്കു​ന്ന​തി​നാ​യി അ​ദ്ദേ​ഹ​ത്തി​െൻറ കാ​ൽ​പാ​ട് പ​തി​ഞ്ഞ പീ​ഠം പ​ഞ്ചാ​യ​ത്ത്​ ഓ​ഫി​സി​ൽ പ്ര​ത്യേ​ക​മാ​യി സൂ​ക്ഷി​ച്ചി​ട്ടു​ണ്ട്. പ​ഞ്ചാ​യ​ത്ത് ഓ​ഫി​സി​നു​മു​ന്നി​ൽ ഗാ​ന്ധി​പ്ര​തി​മ​യും സ്ഥാ​പി​ച്ചി​ട്ടു​ണ്ട്.

മ​ഹാ​ത്മാ​ഗാ​ന്ധി അ​ന്തി​യു​റ​ങ്ങി​യ ഓഫിസ്​

മ​ഹാ​ത്മാ​ഗാ​ന്ധി ഒ​രു ദി​നം അ​ന്തി​യു​റ​ങ്ങി​യ കെ​ട്ടി​ടം. പി​ൽ​ക്കാ​ല​ത്ത് അ​ധി​കാ​ര വി​കേ​ന്ദ്രീ​ക​ര​ണ​ത്തി​ന് കേ​ന്ദ്ര​മാ​യ പ​ഞ്ചാ​യ​ത്ത് ഓ​ഫി​സാ​യി മാ​റി​യ​ത് യാ​ദൃ​ച്ഛി​ക സം​ഭ​വ​മാ​യി മാ​ത്രം കാ​ണാ​ൻ കു​ത്തി​യ​തോ​ട് ദേ​ശ​ക്കാ​ർ​ക്ക് ക​ഴി​യി​ല്ല.

ഗ്രാ​മ​ങ്ങ​ളി​ലാ​ണ് ഇ​ന്ത്യ​യു​ടെ ആ​ത്മാ​വ് കു​ടി​യി​രി​ക്കു​ന്ന​തെ​ന്ന് ലോ​ക​ത്തോ​ട് വി​ളി​ച്ചു​പ​റ​ഞ്ഞ രാ​ഷ്​​ട്ര​പി​താ​വി​െൻറ സ്മ​ര​ണ​ക്ക്​ ഏ​റ്റ​വും ഉ​ചി​ത​മാ​യ ഒ​രി​ട​മാ​യാ​ണ് പ​ഞ്ചാ​യ​ത്ത് ഓ​ഫി​സി​നെ നാ​ട്ടു​കാ​ർ കാ​ണു​ന്ന​ത്. ജ​ന​ങ്ങ​ളി​ലേ​ക്ക് അ​ധി​കാ​രം ന​ൽ​കു​ന്ന​തി​ലൂ​ടെ ഗ്രാ​മ​ങ്ങ​ളു​ടെ വി​ക​സ​ന​മാ​യി​രു​ന്നു ഗാ​ന്ധി​ജി​യു​ടെ സ്വ​പ്നം. ഈ ​ല​ക്ഷ്യം ഏ​റ്റ​വും ന​ന്നാ​യി പൂ​ർ​ത്തീ​ക​രി​ക്കാ​നു​ള്ള ഒ​രി​ട​മാ​യ ഗ്രാ​മ​പ​ഞ്ചാ​യ​ത്ത് ഓ​ഫി​സി​ൽ മ​ഹാ​ത്മാ​വി​െൻറ കേ​ര​ള​സ​ന്ദ​ർ​ശ​ന സ്മാ​ര​കം ആ​കു​ന്ന​ത് ഉ​ചി​ത​മാ​കും.