ലക്ഷങ്ങളുടെ മൊബൈൽ ഫോണുകൾ കവർന്നയാൾ പിടിയിൽ

അരൂർ : അരൂർ ക്ഷേത്രം കവലയിൽ പ്രവർത്തിക്കുന്ന മൊബൈൽ ഫോൺ കട കുത്തിത്തുറന്ന് സ്മാർട് ഫോണുകളും അനുബന്ധ ഉപകരണങ്ങളും മോഷ്ടിച്ച അരൂർ അങ്കമാലി ലക്ഷംവീട് കോളനിയിൽ സുധീറിനെ (36) അരൂർ പൊലീസ് പിടികൂടി. കഴിഞ്ഞ മെയ് 15നാണ് കടയുടെ തകർത്ത് അകത്ത് കയറിയത്.

ലോക് ഡൗൺ മൂലം ദിവസങ്ങളോളം കട അടച്ചിട്ടിരിക്കു​േമ്പാഴായിരുന്നു മോഷണം. ഒന്നര ലക്ഷം രൂപയുടെ ഫോണുകളും ഉപകരണങ്ങളുമാണ്​ കവർന്നത്. വിരലടയാള വിദഗ്​ധരും പരിശോധന നടത്തിയിരുന്നു.പ്രതിയുടെ വീട് പരിശോധിച്ചപ്പോൾ നിരവധി ഫോണുകൾ കണ്ടെത്തി. ഇതെല്ലാം പൊലീസ് പിടിച്ചെടുത്തു.

അരൂർ സ്റ്റേഷൻ ഹൗസ് ഓഫിസർ സുബ്രഹ്മണ്യ​െൻറ നേതൃത്വത്തിലുള്ള പൊലീസ് സംഘമാണ് പ്രതിയെ പിടികൂടിയത്. കെട്ടിട നിർമാണ തൊഴിലാളിയായ പ്രതി ആഡംബര ജീവിതം നയിക്കാനാണ് മോഷണ മുതൽ വിൽപന നടത്തിയിരുന്നതെന്ന് പൊലീസ് പറഞ്ഞു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.