കായലിന്‍റെ ആഴക്കുറവും എക്കലും ജലയാനങ്ങൾക്ക്​ ഭീഷണി

അ​രൂ​ർ: കൈ​ത​പ്പു​ഴ കാ​യ​ലോ​ര​ങ്ങ​ളി​ൽ വെ​ള്ള​പ്പൊ​ക്ക ഭീ​ഷ​ണി​യി​ൽ തീ​ര​വാ​സി​ക​ൾ ന​ര​ക​യാ​ത​ന അ​നു​ഭ​വി​ക്കു​മ്പോ​ൾ കാ​യ​ലി​ലെ ജ​ല​യാ​ന​ങ്ങ​ളും ക​ഷ്ട​ത​യി​ൽ. വെ​ള്ളി​യാ​ഴ്ച രാ​വി​ലെ അ​റ്റ​കു​റ്റ​പ്പ​ണി​ക​ൾ​ക്കാ​യി കൈ​ത​പ്പു​ഴ കാ​യ​ലി​ലൂ​ടെ എ​റ​ണാ​കു​ളം ഭാ​ഗ​ത്തേ​ക്ക് കൊ​ണ്ടു​പോ​യ ജ​ങ്കാ​ർ അ​രൂ​ർ-​കു​മ്പ​ളം റെ​യി​ൽ​വേ പാ​ല​ത്തി​ന്‍റെ തൂ​ണു​ക​ൾ​ക്കി​ട​യി​ലെ മ​ൺ​തി​ട്ട​യി​ൽ കു​ടു​ങ്ങി കു​റേ നേ​രം നി​ശ്ച​ല​മാ​യ​ത് ജീ​വ​ന​ക്കാ​രെ ക​ഷ്ട​ത്തി​ലാ​ക്കി. വി​നോ​ദ​സ​ഞ്ചാ​ര​ത്തി​നാ​യി ആ​ല​പ്പു​ഴ​യി​ൽ നി​ന്ന് കൊ​ച്ചി ഭാ​ഗ​ത്തേ​ക്ക് പോ​കു​ന്ന ചെ​റു​തും വ​ലു​തു​മാ​യ നി​ര​വ​ധി ജ​ല​യാ​ന​ങ്ങ​ൾ രാ​ത്രി​കാ​ല​ങ്ങ​ളി​ൽ പോ​ലും എ​ക്ക​ലും മ​ണ​ലും അ​ടി​ഞ്ഞ ചെ​റു ദ്വീ​പി​ൽ കു​ടു​ങ്ങു​ന്ന​ത് പ​തി​വാ​കു​ക​യാ​ണ്. മാ​സ​ങ്ങ​ൾ​ക്കു മു​മ്പ്​ ആ​ല​പ്പു​ഴ​യി​ൽ നി​ന്ന് കൊ​ച്ചി​യി​ലേ​ക്ക് പോ​യ സ്പീ​ഡ് ബോ​ട്ട് രാ​ത്രി​യി​ൽ കാ​യ​ലി​ന്​ ന​ടു​വി​ൽ മ​ണ​ൽ​തി​ട്ട​യി​ൽ കു​ടു​ങ്ങി​യ​ത് വ​ലി​യ പ്ര​തി​ഷേ​ധ​ത്തി​ന് ഇ​ട​യാ​ക്കി​യി​രു​ന്നു.

ഇ​തേ തു​ട​ർ​ന്ന് കൈ​ത​പ്പു​ഴ കാ​യ​ലി​ൽ അ​ടി​ഞ്ഞു കൂ​ടി​യ എ​ക്ക​ലും മ​ണ്ണും ഉ​ട​ൻ നീ​ക്കം ചെ​യ്യാ​ൻ ന​ട​പ​ടി സ്വീ​ക​രി​ക്കു​മെ​ന്ന് അ​ധി​കാ​രി​ക​ൾ ഉ​റ​പ്പു ന​ൽ​കി​യി​രു​ന്നു. കൈ​ത​പ്പു​ഴ കാ​യ​ലി​ൽ പ​ണി​ഞ്ഞ പാ​ല​ങ്ങ​ളു​ടെ കാ​ലു​ക​ൾ താ​ഴ്ത്തി​യ​പ്പോ​ൾ പു​റ​ത്തേ​ക്ക് വ​ന്ന എ​ക്ക​ലും മ​ണ്ണും കാ​യ​ലി​ൽ ത​ന്നെ നി​ക്ഷേ​പി​ച്ച​താ​ണ് കാ​യ​ലി​ന്‍റെ ആ​ഴം കു​റ​യാ​ൻ കാ​ര​ണ​മെ​ന്ന് മ​ത്സ്യ​ത്തൊ​ഴി​ലാ​ളി​ക​ൾ പ​റ​യു​ന്നു. ഇ​പ്പോ​ൾ പ​ണി ന​ട​ക്കു​ന്ന അ​രൂ​ർ-​കു​മ്പ​ളം റെ​യി​ൽ​വേ ര​ണ്ടാം പാ​ല​ത്തി​ന്‍റെ കാ​ല് കാ​യ​ലി​ൽ താ​ഴ്ത്തു​മ്പോ​ൾ പു​റ​ന്ത​ള്ളു​ന്ന എ​ക്ക​ലും മ​ണ്ണും കാ​യ​ലി​ൽ ത​ന്നെ നി​ക്ഷേ​പി​ക്ക​രു​തെ​ന്ന് ആ​വ​ശ്യ​പ്പെ​ട്ട് മ​ത്സ്യ​ത്തൊ​ഴി​ലാ​ളി​ക​ൾ പ്ര​ക്ഷോ​ഭം ന​ട​ത്തി​യി​രു​ന്നു. അ​ധി​കാ​രി​ക​ൾ ഇ​തി​ന് അ​നു​കൂ​ല​മാ​യ തീ​രു​മാ​ന​ങ്ങ​ൾ എ​ടു​ത്തി​ട്ടി​ല്ലെ​ന്നാ​ണ് അ​റി​യു​ന്ന​ത്.