മ​ത്സ്യ​മേ​ഖ​ലയിൽ തൊ​ഴി​ൽ ഉ​പ​ക​ര​ണ​ങ്ങ​ൾ ന​ശി​ക്കു​ന്നു

അ​രൂ​ർ: മ​ത്സ്യ​മേ​ഖ​ല സ്​​തം​ഭി​ച്ച​തോ​ടെ തൊ​ഴി​ലാ​ളി​ക​ൾ ആ​ശ​ങ്ക​യി​ൽ. തീ​ര​ങ്ങ​ളി​ൽ തൊ​ഴി​ലു​പ​ക​ര​ണ​ങ്ങ​ൾ ഉ​പ​യോ​ഗ​മി​ല്ലാ​തെ ന​ശി​ക്കു​ന്ന സ്ഥി​തി​യാ​ണി​പ്പോ​ൾ. കോ​വി​ഡ് വ്യാ​പ​ന​വും തു​ട​ർ​ന്നു​ണ്ടാ​യ സാ​മൂ​ഹി​ക നി​യ​ന്ത്ര​ണ​വും മ​റ്റും മൂ​ലം അ​രൂ​ർ മേ​ഖ​ല​യി​ലെ മ​ത്സ്യ​ത്തൊ​ഴി​ലാ​ളി കു​ടും​ബ​ങ്ങ​ളെ പ​ട്ടി​ണി​യി​ലാ​ക്കി.

അ​രൂ​രി​ലെ കാ​യ​ലോ​ര മേ​ഖ​ല​യി​ലാ​ണ് ഉ​ൾ​നാ​ട​ൻ മ​ത്സ്യ​ത്തൊ​ഴി​ലാ​ളി​ക​ൾ തി​ങ്ങി​പ്പാ​ർ​ക്കു​ന്ന​ത്. കോ​വി​ഡ് വ്യാ​പ​ന​ത്തി​ന് മു​മ്പ് ത​ന്നെ ഇ​വ​ർ പ്ര​തി​സ​ന്ധി​യി​ലാ​യി​രു​ന്നു. പ്ര​ള​യ​വും പ്ര​കൃ​തി​ക്ഷോ​ഭ​വും പോ​ള, ജെ​ല്ലി​ഫി​ഷ് ശ​ല്യ​വും കാ​യ​ൽ മാ​ലി​ന്യ​വും മ​റ്റും മ​ത്സ്യ​സ​മ്പ​ത്ത്​ ഇ​ല്ലാ​താ​ക്കി​യ​താ​യി​രു​ന്നു പ്ര​ശ്​​നം. മ​ത്സ്യ​ഫെ​ഡ് മ​ത്സ്യ​ക്കു​ഞ്ഞു​ങ്ങ​ളെ​യും ചെ​മ്മീ​ൻ കു​ഞ്ഞു​ങ്ങ​ളെ​യും നി​ക്ഷേ​പി​ക്കാ​റു​ണ്ടാ​യി​രു​ന്ന​ത് ര​ണ്ടു വ​ർ​ഷ​മാ​യി ഇ​ത്​ നി​ർ​ത്തി​യ​തും മ​ത്സ്യ​സ​മ്പ​ത്തി​ന് ആ​ഘാ​ത​മാ​യി. ഊ​ന്നി​വ​ല​ക​ൾ, ചീ​ന​വ​ല​ക​ൾ എ​ന്നി​വ​യെ ആ​ശ്ര​യി​ച്ചാ​ണ് അ​രൂ​ർ മേ​ഖ​ല​യി​ലെ മ​ത്സ്യ​ബ​ന്ധ​നം. ഫി​ഷ​റീ​സ് വ​കു​പ്പി​ൽ​നി​ന്ന് ലൈ​സ​ൻ​സ് എ​ടു​ത്ത് വ​ർ​ഷം തോ​റും ലൈ​സ​ൻ​സ് ഫീ​സ് അ​ട​ച്ച് പു​തു​ക്കു​ന്ന ഈ ​തൊ​ഴി​ൽ ഉ​പ​ക​ര​ണ​ങ്ങ​ൾ ഉ​പ​യോ​ഗ​മി​ല്ലാ​ത്ത​തി​നാ​ൽ ന​ശി​ച്ചു​തു​ട​ങ്ങി. വ​ള്ള​വും വ​ല​യും ദി​വ​സ​വും ഉ​പ​യോ​ഗി​ച്ചി​ല്ലെ​ങ്കി​ൽ കേ​ടു​പാ​ട്​ സം​ഭ​വി​ക്കും. കാ​ല​പ്പ​ഴ​ക്കം കൊ​ണ്ടും പോ​ള​യു​ടെ ശ​ക്ത​മാ​യ ഒ​ഴു​ക്കി​ലും നാ​ശ​മാ​കു​ന്ന ഊ​ന്നി​ക്കു​റ്റി​ക​ൾ​ക്ക് പ​ക​രം പു​തി​യ​ത് സ്ഥാ​പി​ക്കാ​നും ക​ഴി​യു​ന്നി​ല്ല.

തു​ട​ർ​ച്ച​യാ​യി ഉ​പ​യോ​ഗ​മി​ല്ലാ​തെ ന​ശി​ക്കു​ന്ന ചീ​ന​വ​ല​ക​ളു​ടെ കാ​ര്യ​വും വ്യ​ത്യ​സ്ത​മ​ല്ല. കാ​യ​ലി​ൽ അ​ടി​യു​ന്ന മാ​ലി​ന്യ​മാ​ണ് മ​റ്റൊ​രു വ​ലി​യ പ്ര​ശ്നം. പ്ലാ​സ്​​റ്റി​ക്, ഖ​ര​മാ​ലി​ന്യ​ങ്ങ​ളും വ്യ​വ​സാ​യ -രാ​സ​മാ​ലി​ന്യ​ങ്ങ​ളും കാ​യ​ലി​ൽ ത​ള്ളു​ക​യാ​ണ്. ഹോ​ട്ട​ലു​ക​ൾ, ഇ​റ​ച്ചി​ക്ക​ട​ക​ൾ, വീ​ടു​ക​ളി​ൽ നി​ന്നു​പോ​ലും മാ​ലി​ന്യം ത​ള്ളു​ന്ന​ത്​ കാ​യ​ലി​ലാ​ണ്. കോ​വി​ഡ് വ്യാ​പ​ന​ത്തെ തു​ട​ർ​ന്ന് മ​ത്സ്യ​ത്തൊ​ഴി​ലാ​ളി​ക​ൾ ഒ​ഴി​ഞ്ഞ കാ​യ​ലി​ൽ നി​യ​ന്ത്ര​ണ​മി​ല്ലാ​തെ മാ​ലി​ന്യം കു​മി​യു​ക​യാ​ണ്. കോ​വി​ഡ് വ്യാ​പ​നം ഉ​ണ്ടാ​ക്കു​ന്ന മ​ര​വി​പ്പി​ൽ​നി​ന്ന് മ​ത്സ്യ​മേ​ഖ​ല​യെ ഉ​യ​ർ​ത്താ​ൻ സ​ർ​ക്കാ​ർ അ​ടി​യ​ന്ത​ര​മാ​യ ക​ർ​മ​പ​ദ്ധ​തി​ക​ൾ ആ​സൂ​ത്ര​ണം ചെ​യ്യ​ണ​മെ​ന്ന് തൊ​ഴി​ലാ​ളി​ക​ൾ ആ​വ​ശ്യ​പ്പെ​ടു​ന്നു.