അരൂർ - തുറവൂർ ഉയരപ്പാത നിർമാണം; എന്നുതീരുമീ ദുരിതം

അ​രൂ​ർ: അ​രൂ​ർ -തു​റ​വൂ​ർ ഉ​യ​ര​പ്പാ​ത നി​ർ​മാ​ണം ന​ട​ക്കു​ന്ന ദേ​ശീ​യ​പാ​ത​യു​ടെ ഇ​രു​ഭാ​ഗ​വും തു​റ​ന്ന് ഗ​താ​ഗ​തം അ​നു​വ​ദി​ച്ചു. എ​ന്നി​ട്ടും യാ​ത്രാ​ദു​രി​തം ഒ​ഴി​ഞ്ഞി​ല്ല. ക​ന​ത്ത മ​ഴ​യി​ൽ റോ​ഡി​ലെ പ​ല ഭാ​ഗ​ങ്ങ​ളും വെ​ള്ള​ത്തി​ലാ​യി. മൂ​ന്നു​ദി​വ​സം അ​ട​ച്ചി​ട്ട് നി​ർ​മാ​ണം ന​ട​ത്തി​യെ​ങ്കി​ലും കു​ഴി​ക​ൾ പൂ​ർ​ണ​മാ​യി ഒ​ഴി​വാ​ക്കാ​ൻ ക​ഴി​ഞ്ഞി​ട്ടി​ല്ല. ഗ​താ​ഗ​ത ത​ട​സ്സ​വും പൂ​ർ​ണ​മാ​യി ഒ​ഴി​വാ​യി​ട്ടി​ല്ല. ദേ​ശീ​യ​പാ​ത​യു​ടെ പ​ടി​ഞ്ഞാ​റെ ഭാ​ഗ​മാ​ണ് ക​ഴി​ഞ്ഞ ദി​വ​സ​ങ്ങ​ളി​ൽ അ​ട​ച്ചി​ട്ട് നി​ർ​മാ​ണം ന​ട​ത്തി​യ​ത്. ബൈ​പ്പാ​സ് ജ​ങ്​​ഷ​ൻ മു​ത​ൽ അ​രൂ​ർ ക്ഷേ​ത്രം വ​രെ കാ​ര്യ​മാ​യ നി​ർ​മാ​ണ പ്ര​വ​ർ​ത്ത​ന​ങ്ങ​ൾ ന​ട​ന്നി​ട്ടി​ല്ല. റോ​ഡ​രി​കി​ൽ പു​തു​താ​യി നി​ർ​മി​ച്ച ന​ട​പ്പാ​ത ദേ​ശീ​യ​പാ​ത​യി​ലെ മ​ഴ​വെ​ള്ളം ഒ​ഴു​കി​പ്പോ​കു​ന്ന​ത്​ ത​ട​യു​ന്ന​തി​നാ​ൽ എ​ല്ലാ​യി​ട​ത്തും വെ​ള്ള​ക്കെ​ട്ട് തു​ട​രു​ക​യാ​ണ്.

ദേ​ശീ​യ​പാ​ത​യി​ൽ ഏ​റ്റ​വു​മ​ധി​കം തി​ര​ക്കു​ള്ള​ത് അ​രൂ​ർ ക്ഷേ​ത്ര​ത്തി​നും അ​രൂ​ർ പ​ള്ളി​ക്കു​മി​ട​യി​ലാ​ണ്. അ​രൂ​ക്കു​റ്റി റോ​ഡി​ലൂ​ടെ പ​ള്ളി​പ്പു​റം മു​ത​ൽ പെ​രു​മ്പ​ളം പാ​ണാ​വ​ള്ളി, അ​രൂ​ക്കു​റ്റി എ​ന്നി​വി​ട​ങ്ങ​ളി​ലെ നൂ​റു​ക​ണ​ക്കി​ന് വാ​ഹ​ന​ങ്ങ​ളും യാ​ത്ര​ക്കാ​രും കൊ​ച്ചി പ്ര​ദേ​ശ​ങ്ങ​ളി​ലെ​ത്താ​ൻ ആ​ശ്ര​യി​ക്കു​ന്ന​ത് ഈ ​മാ​ർ​ഗ​മാ​ണ്. റോ​ഡ് അ​ട​ച്ചി​ട്ട് ക​ഴി​ഞ്ഞ ദി​വ​സ​ങ്ങ​ളി​ൽ ഇ​വി​ട​ത്തെ നി​ർ​മാ​ണം കാ​ര്യ​ക്ഷ​മ​മാ​ക്കേ​ണ്ട​താ​യി​രു​ന്നെ​ന്ന് നാ​ട്ടു​കാ​ർ പ​റ​യു​ന്നു. അ​തി​നി​ടെ, ച​ന്തി​രൂ​ർ സെ​ന്‍റ്​ മേ​രീ​സ് പ​ള്ളി​ക്ക്​ മു​ന്നി​ലെ കാ​ന​യി​ൽ ചൊ​വ്വാ​ഴ്ച രാ​വി​ലെ 11 മ​ണി​യോ​ടെ യാ​ത്ര​ക്കാ​രു​മാ​യി വ​ന്ന കാ​ർ വീ​ണു. മ​ണ്ണു​മാ​ന്തി യ​ന്ത്ര​ത്തി​ന്റെ സ​ഹാ​യ​ത്തോ​ടെ​യാ​ണ് പൊ​ക്കി മാ​റ്റി​യ​ത്. പ​ല സ്ഥ​ല​ങ്ങ​ളി​ലും വെ​ള്ള​ക്കെ​ട്ട് അ​പ​ക​ട​ക​ര​മാ​യ നി​ല​യി​ൽ തു​ട​രു​ക​യാ​ണ്. വെ​ള്ള​ത്തി​ൽ മ​റ​ഞ്ഞു​കി​ട​ക്കു​ന്ന വ​ലി​യ കു​ഴി​ക​ളി​ൽ വാ​ഹ​ന​ങ്ങ​ൾ അ​പ​ക​ട​ത്തി​ൽ​പെ​ടു​ന്ന​തും സാ​ധാ​ര​ണ​യാ​യി​ട്ടു​ണ്ട്.

സ​ർ​വി​സ് റോ​ഡു​ക​ളു​ടെ പു​ന​ർ​നി​ർ​മാ​ണം തൃ​പ്തി​ക​ര​മാ​യി​ട്ടാ​ണോ ന​ട​ത്തി​യി​ട്ടു​ള്ള​തെ​ന്ന് ക​ല​ക്ട​റും ദേ​ശീ​യ​പാ​ത അ​തോ​റി​റ്റി അ​ധി​കൃ​ത​രും പ​രി​ശോ​ധി​ക്ക​ണ​മെ​ന്നാ​ണ് വി​വി​ധ സം​ഘ​ട​ന​ക​ളു​ടെ അ​ഭി​പ്രാ​യം. ക​ഴി​ഞ്ഞ​ദി​വ​സം അ​രൂ​ർ പ​ഞ്ചാ​യ​ത്തി​ന്റെ നേ​തൃ​ത്വ​ത്തി​ൽ സ​ർ​വ​ക​ക്ഷി​യോ​ഗം ചേ​ർ​ന്ന് ഉ​യ​ര​പ്പാ​ത നി​ർ​മാ​ണം മൂ​ലം അ​രൂ​ർ നി​വാ​സി​ക​ൾ അ​നു​ഭ​വി​ക്കു​ന്ന യാ​ത്രാ​ദു​രി​തം ച​ർ​ച്ച ചെ​യ്തി​രു​ന്നു. അ​ടു​ത്ത ദി​വ​സം മാ​ന​വീ​യം വേ​ദി​യി​ൽ യാ​ത്രാ​ദു​രി​ത​മ​നു​ഭ​വി​ക്കു​ന്ന​വ​രു​ടെ സം​ഗ​മം ന​ട​ത്താ​നും തീ​രു​മാ​നി​ച്ചു.