അരൂരിൽ ബസ്​ കേടായി; മണിക്കൂറുകൾ ഗതാഗതം സ്തംഭിച്ചു

അ​രൂ​ർ: ചേ​ർ​ത്ത​ല​യി​ൽ നി​ന്ന് നെ​ടു​മ്പാ​ശ്ശേ​രി​യി​ലേ​ക്ക് പോ​കു​ക​യാ​യി​രു​ന്ന കെ.​എ​സ്.​ആ​ർ.​ടി.​സി വോ​ൾ​വോ ബ​സ് ബ്രേ​ക്ക്ഡൗ​ൺ ആ​യ​തോ​ടെ അ​രൂ​രി​ൽ ദേ​ശീ​യ​പാ​ത​യി​ൽ ഗ​താ​ഗ​ത സ്തം​ഭ​നം. വ്യാ​ഴാ​ഴ്ച രാ​വി​ലെ ഒ​മ്പ​തോ​ടെ അ​രൂ​ർ ബൈ​പാ​സ് ക​വ​ല​ക്ക്​ സ​മീ​പ​മാ​ണ്​ സം​ഭ​വം.​ദേ​ശീ​യ​പാ​ത​യി​ൽ ഗ​താ​ഗ​ത തി​ര​ക്ക് ഏ​റ്റ​വും കൂ​ടി​യ രാ​വി​ലെ​യു​ള്ള സ​മ​യ​ത്താ​യി​രു​ന്നു ത​ട​സ്സം .

ഗ​താ​ഗ​തം ത​ട​സ്സ​പ്പെ​ട്ട് ഒ​ന്നേ​കാ​ൽ മ​ണി​ക്കൂ​റി​നു ശേ​ഷ​മാ​ണ് ക്രെ​യി​ൻ കൊ​ണ്ടു​വ​ന്ന് കേ​ടാ​യ ബ​സ്​ ദേ​ശീ​യ​പാ​ത​യി​ൽ നി​ന്ന് നീ​ക്കാ​ൻ ക​ഴി​ഞ്ഞ​ത്. ഈ ​സ​മ​യ​മാ​യ​പ്പോ​ഴേ​ക്കും വാ​ഹ​ന​നി​ര എ​ര​മ​ല്ലൂ​ർ വ​രെ നീ​ണ്ടു. ചേ​ർ​ത്ത​ല ഭാ​ഗ​ത്തേ​ക്കു​ള്ള ഗ​താ​ഗ​ത​വും ഉ​യ​ര​പ്പാ​ത നി​ർ​മാ​ണ ഫ​ല​മാ​യി സ്തം​ഭ​നാ​വ​സ്ഥ​യി​ലാ​യ​ത് കാ​ര്യ​ങ്ങ​ളെ കൂ​ടു​ത​ൽ സ​ങ്കീ​ർ​ണ​മാ​ക്കി. ഉ​ച്ച​ക്ക്​ 12 ഓ​ടെ മാ​ത്ര​മാ​ണ് ഗ​താ​ഗ​തം സാ​ധാ​ര​ണ​ഗ​തി​യി​ലാ​യ​ത്.

അ​രൂ​ർ - തു​റ​വൂ​ർ ഉ​യ​ര​പ്പാ​ത നി​ർ​മാ​ണം ന​ട​ക്കു​ന്ന​തി​നാ​ൽ അ​രൂ​ർ ബൈ​പാ​സ് ക​വ​ല മു​ത​ൽ തു​റ​വൂ​ർ വ​രെ ദേ​ശീ​യ​പാ​ത​യി​ൽ നാ​ലു​വ​രി​പ്പാ​ത​യു​ടെ മീ​ഡി​യ​ൻ ഉ​ൾ​പ്പെ​ടെ ഇ​രു​ഭാ​ഗ​ങ്ങ​ളി​ലു​മു​ള്ള റോ​ഡി​ന്‍റെ പ​കു​തി​യോ​ളം നി​ർ​മാ​ണ ആ​വ​ശ്യ​ത്തി​ന് വേ​ണ്ടി കൊ​ട്ടി​യ​ട​ച്ചി​രി​ക്കു​ക​യാ​ണ്. ഇ​തി​നി​ട​യി​ലാ​ണ് ബ​സ് ബ്രേ​ക്ക് ഡൗ​ണാ​യി വാ​ഹ​ന​ഗ​താ​ഗ​തം പൂ​ർ​ണ​മാ​യി സ്തം​ഭി​ച്ച​ത്.

പ്ര​ധാ​ന കേ​ന്ദ്ര​ങ്ങ​ളി​ലെ​ങ്കി​ലും രാ​വി​ലെ​യു​ള്ള സ​മ​യ​ങ്ങ​ളി​ൽ പൊ​ലീ​സി​നെ ഡ്യൂ​ട്ടി​ക്കി​ട​ണ​മെ​ന്ന ആ​വ​ശ്യം ദേ​ശീ​യ​പാ​ത അ​ധി​കൃ​ത​രും ജി​ല്ല ഭ​ര​ണ​കൂ​ട​വും, പൊ​ലീ​സും അം​ഗീ​ക​രി​ക്കാ​ത്ത​തി​ന്‍റെ ഫ​ല​മാ​ണി​തെ​ന്ന് നാ​ട്ടു​കാ​ർ പ​റ​യു​ന്നു.