അരൂർ-തുറവൂർ ഉയരപ്പാത; സർവിസ് റോഡ് നിർമാണം തുടങ്ങി
text_fieldsഅരൂർ: അരൂർ - തുറവൂർ ഉയരപ്പാത നിർമാണത്തിെൻറ ഭാഗമായി സർവിസ് റോഡിെൻറ നിർമാണം ആരംഭിച്ചു. അരൂർ ക്ഷേത്രം പരിസരത്താണ് ചൊവ്വാഴ്ച നിർമാണ നടപടികൾ ആരംഭിച്ചത്.
അരൂർ ക്ഷേത്രം ജങ്ഷൻ മുതൽ വടക്കോട്ട് ബൈപാസ്ജങ്ഷൻ വരെയാണ് സർവിസ് റോഡ് നിർമിക്കുന്നത്. ഇനി ഉയരപ്പാത നിർമാണം നടക്കേണ്ടത് ഈ പ്രദേശത്താണ്. വാഹനയാത്രികരുടെയും നാട്ടുകാരുടെയും ദുരവസ്ഥ ജില്ല ഭരണകൂടത്തിന് ബോധ്യമായതിെൻറ അടിസ്ഥാനത്തിൽ കഴിഞ്ഞദിവസം കരാർ കമ്പനിഅധികൃതർ നേരിട്ടെത്തി അരൂരിലെ ജനപ്രതിനിധികളോട് പ്രശ്നപരിഹാരം ഉണ്ടാക്കാമെന്ന് ഉറപ്പു നൽകിയിരുന്നു. തുടർന്നാണ് സർവിസ് റോഡ് നിർമാണം തുടങ്ങിയത്. അരൂർ മുതൽ തുറവൂർ വരെയുള്ള ദേശീയപാതയിൽ ഉയരപ്പാത നിർമാണം ആരംഭിച്ച കാലം മുതലേ ദേശീയപാതയിൽ ഗതാഗതക്കുരുക്കും അപകടങ്ങളും നിത്യമായിരുന്നു. ഇതിന് പരിഹാരമുണ്ടാക്കാനും ലക്ഷ്യമിടുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.