അരൂർ മണ്ഡലത്തെ മാലിന്യമുക്തമാക്കാൻ തീവ്രയജ്ഞം

അ​രൂ​ർ: മാ​ലി​ന്യ​മു​ക്ത കേ​ര​ളം പ്ര​ഖ്യാ​പ​ന​ത്തി​ന് മു​മ്പ്​ മ​ണ്ഡ​ല​ത്തി​ലെ 10 പ​ഞ്ചാ​യ​ത്തും മാ​ലി​ന്യ​മു​ക്ത​മാ​ക്കാ​ൻ തീ​വ്ര​യ​ജ്ഞ ക​ർ​മ​പ​ദ്ധ​തി​ക​ൾ ആ​രം​ഭി​ച്ചു. അ​രൂ​ർ, എ​ഴു​പു​ന്ന, കോ​ടം​തു​രു​ത്ത്, കു​ത്തി​യ​തോ​ട്, തു​റ​വൂ​ർ, തൈ​ക്കാ​ട്ടു​ശ്ശേ​രി, പ​ള്ളി​പ്പു​റം, പാ​ണാ​വ​ള്ളി, പെ​രു​മ്പ​ളം, അ​രൂ​ക്കു​റ്റി എ​ന്നീ പ​ഞ്ചാ​യ​ത്തു​ക​ളാ​ണ് അ​രൂ​ർ മ​ണ്ഡ​ല​ത്തി​ലു​ള്ള​ത്. അ​രൂ​ർ ഒ​ഴി​കെ മ​റ്റെ​ല്ലാ പ​ഞ്ചാ​യ​ത്തു​ക​ളും ഗ്രാ​മ​സ്വ​ഭാ​വ​മു​ള്ള​വ​യാ​ണ്.

മാ​ലി​ന്യം വീ​ടു​ക​ളി​ൽ ഉ​ണ്ടെ​ന്നും ഒ​ഴി​വാ​ക്കേ​ണ്ട​താ​ണെ​ന്നു​മു​ള്ള ബോ​ധ​വ​ത്​​ക​ര​ണ​മാ​ണ് ആ​ദ്യം ന​ട​ക്കേ​ണ്ട​ത്. ഒ​രു പ​രി​ധി​വ​രെ അ​ത് വി​ജ​യി​ച്ചി​ട്ടു​ണ്ടെ​ന്നാ​ണ് പ​ഞ്ചാ​യ​ത്ത് അ​ധി​കൃ​ത​രു​ടെ അ​ഭി​പ്രാ​യം.

മാ​ലി​ന്യം പൊ​തു​സ്ഥ​ല​ങ്ങ​ളി​ൽ വ​ലി​ച്ചെ​റി​യു​ന്ന​വ​രെ​യും പ്ലാ​സ്റ്റി​ക് ക​ത്തി​ക്കു​ന്ന​വ​രെ​യും ക​ണ്ടെ​ത്തി പി​ഴ​യ​ട​പ്പി​ക്കു​ന്ന​തി​ന് അ​രൂ​ർ മ​ണ്ഡ​ല​ത്തി​ൽ 10 പ​ഞ്ചാ​യ​ത്തി​ലും ശ​ക്ത​മാ​യ ന​ട​പ​ടി എ​ടു​ത്തി​ട്ടു​ണ്ട്. ഇ​തി​ന്‍റെ ഭാ​ഗ​മാ​യി വാ​ർ​ഡു​ത​ല ക്ല​സ്റ്റ​ർ രൂ​പ​വ​ത്​​ക​രി​ച്ച് വാ​ർ​ഡ് പ്ര​ദേ​ശ​ത്ത് പ്ര​വ​ർ​ത്ത​നം ശ​ക്ത​മാ​ക്കി വ​രു​ക​യാ​ണ്. ജൈ​വ​മാ​ലി​ന്യം ഉ​റ​വി​ട​ത്തി​ൽ ത​ന്നെ സാം​സ്ക​രി​ക്കു​ന്ന​തി​ന് ബി​ന്നു​ക​ൾ ന​ൽ​കു​ന്നു​ണ്ട്.

മു​ഴു​വ​ൻ വീ​ടു​ക​ളി​ലും ബി​ന്നു​ക​ൾ എ​ത്തി​ക്കാ​ൻ ശ്ര​മം ആ​രം​ഭി​ച്ചി​ട്ടു​ണ്ട്. അ​രൂ​ർ മ​ണ്ഡ​ല​ത്തി​ലെ ത​ദ്ദേ​ശ സ്ഥാ​പ​ന​ങ്ങ​ളി​ൽ കു​പ്പി​ച്ചി​ല്ല്, ചെ​രി​പ്പ്, പ​ഴ​യ വ​സ്ത്രം, ഡ​യ​പ്പ​റു​ക​ൾ എ​ന്നി​വ​യു​ടെ ശേ​ഖ​ര​ണം ഫ​ല​പ്ര​ദ​മാ​യി ഒ​രു പ​ഞ്ചാ​യ​ത്തി​ലും ന​ട​ക്കു​ന്നി​ല്ല.ഈ​വ​ക സാ​ധ​ന​ങ്ങ​ൾ കൊ​ണ്ടു​പോ​കു​ന്ന​തി​ന് പ​ഞ്ചാ​യ​ത്ത് കാ​ശു​മു​ട​ക്കേ​ണ്ടി വ​രും.

കൊ​ണ്ടു​പോ​കു​ന്ന​വ​ർ​ക്ക് ഫീ​സ് ന​ൽ​ക​ണം. അ​തി​നാ​ൽ സാ​മ്പ​ത്തി​ക പി​ന്നാ​ക്കാ​വ​സ്ഥ​യി​ലു​ള്ള പ​ഞ്ചാ​യ​ത്തു​ക​ൾ ഈ​വ​ക മാ​ലി​ന്യ​ശേ​ഖ​ര​ണം ഒ​ഴി​വാ​ക്കി​യി​രി​ക്കു​ക​യാ​ണ്. സ​ർ​ക്കാ​ർ കാ​ർ​ക്ക​ശ്യം പി​ടി​ച്ചെ​ങ്കി​ൽ മാ​ത്ര​മേ ഫ​ണ്ട് ക​ണ്ടെ​ത്തി പ​ദ്ധ​തി ന​ട​പ്പാ​ക്കാ​ൻ ത​യാ​റാ​കൂ.പ്ലാ​സ്റ്റി​ക് ശേ​ഖ​രി​ക്കു​ന്ന പ​ദ്ധ​തി ചി​ല പ​ഞ്ചാ​യ​ത്തു​ക​ൾ​ക്ക് ത​ല​വേ​ദ​ന ആ​കു​ന്ന​ത് പ്ലാ​സ്റ്റി​ക് മാ​ലി​ന്യം ശേ​ഖ​രി​ക്കാ​നു​ള്ള സ്ഥ​ലം ക​ണ്ടെ​ത്തു​ന്ന​തി​ലാ​ണ്.

പ​ല പ​ഞ്ചാ​യ​ത്തു​ക​ളി​ലും വാ​ട​ക​ക്കെ​ട്ടി​ട​ങ്ങ​ളി​ലാ​ണ് മെ​റ്റീ​രി​യ​ൽ ക​ല​ക്ഷ​ൻ ഫെ​സി​ലി​റ്റി എ​ന്ന സ്ഥാ​പ​ന​ങ്ങ​ൾ പ്ര​വ​ർ​ത്തി​ക്കു​ന്ന​ത്. സ്വ​ന്ത​മാ​യി സ്ഥ​ല​മു​ള്ള അ​രൂ​ർ പ​ഞ്ചാ​യ​ത്ത് പോ​ലെ​യു​ള്ള പ​ഞ്ചാ​യ​ത്തു​ക​ളി​ൽ പോ​ലും പ്ലാ​സ്റ്റി​ക് ശേ​ഖ​രി​ക്കു​ന്ന കേ​ന്ദ്രം തു​ട​ങ്ങാ​ൻ ആ​യി​ട്ടി​ല്ല. സ​മീ​പ​വാ​സി​ക​ളു​ടെ എ​തി​ർ​പ്പാ​ണ് കാ​ര​ണം.

വീ​ടു​ക​ളി​ലെ മാ​ലി​ന്യം ഒ​ഴി​വാ​ക്കാ​ൻ ന​ട​പ​ടി

2020 കാ​ല​ത്താ​ണ് വീ​ടു​ക​ളി​ൽ​നി​ന്ന് പ്ലാ​സ്റ്റി​ക് മാ​ലി​ന്യം ശേ​ഖ​രി​ക്കു​ന്ന പ​ദ്ധ​തി അ​രൂ​ർ ഗ്രാ​മ​പ​ഞ്ചാ​യ​ത്ത് ആ​വി​ഷ്ക​രി​ച്ച് ഹ​രി​ത​ക​ർ​മ​സേ​ന രൂ​പ​വ​ത്​​ക​രി​ക്കു​ന്ന​ത്. ഇ​പ്പോ​ൾ ഹ​രി​ത​ക​ർ​മ സേ​നാം​ഗ​ങ്ങ​ൾ വീ​ടു​ക​ളി​ൽ​നി​ന്ന് ക​ഴു​കി വൃ​ത്തി​യാ​ക്കി​യ പ്ലാ​സ്റ്റി​ക് ശേ​ഖ​രി​ച്ചു​തു​ട​ങ്ങി. കെ​ൽ​ട്രോ​ൺ സ​ഹാ​യ​ത്തോ​ടെ ക്യു.​ആ​ർ കോ​ഡ് സ്ഥാ​പി​ച്ച്​ വീ​ടു​ക​ളി​ൽ​നി​ന്ന് പ്ലാ​സ്റ്റി​ക് ശേ​ഖ​രി​ക്കു​ന്ന സം​വി​ധാ​നം ഉ​ട​ൻ ന​ട​പ്പാ​ക്കും.

വ​ഴി​യോ​ര​ങ്ങ​ളി​ൽ മാ​ലി​ന്യം ത​ള്ളു​ന്ന​വ​രെ ക​ണ്ടെ​ത്തു​ന്ന​തി​ന് നി​താ​ന്ത ജാ​ഗ്ര​ത പാ​ലി​ച്ചു. നി​രീ​ക്ഷ​ണ കാ​മ​റ​ക​ൾ പ​ഞ്ചാ​യ​ത്തി​ന്‍റെ പ്ര​ധാ​ന കേ​ന്ദ്ര​ങ്ങ​ളി​ൽ സ്ഥാ​പി​ക്കാ​നു​ള്ള തീ​രു​മാ​നം ന​ട​പ്പാ​യി​ട്ടി​ല്ല. ഉ​യ​ര​പ്പാ​ത നി​ർ​മാ​ണ​ശേ​ഷം കാ​മ​റ സ്ഥാ​പി​ക്കു​ന്ന ജോ​ലി​ക​ൾ ഗൗ​ര​വ​മാ​യി പ​രി​ഗ​ണി​ക്കു​മെ​ന്ന് പ​ഞ്ചാ​യ​ത്ത് അ​ധി​കൃ​ത​ർ പ​റ​യു​ന്നു. മാ​ലി​ന്യം വ​ഴി​യോ​ര​ങ്ങ​ളി​ൽ ത​ള്ളു​ന്ന​വ​ർ​ക്കെ​തി​രെ ക​ർ​ശ​ന നി​യ​മ​ന​ട​പ​ടി ന​ട​ത്തി​യ​തി​ലൂ​ടെ മാ​ലി​ന്യം വ​ലി​ച്ചെ​റി​യു​ന്ന​വ​രെ ത​ട​യാ​ൻ ക​ഴി​ഞ്ഞു.

മാ​സ​ത്തി​ലൊ​രി​ക്ക​ൽ ഒ​രു പ​ഞ്ചാ​യ​ത്തി​ൽ​നി​ന്ന് മാ​ത്രം 1500 മു​ത​ൽ 2000 കി​ലോ​വ​രെ പ്ലാ​സ്റ്റി​ക് ക​യ​റ്റി അ​യ​ക്കു​ന്നു​ണ്ട്.ഇ​പ്പോ​ൾ വീ​ടു​ക​ളി​ൽ​നി​ന്ന്​ ശേ​ഖ​രി​ക്കു​ന്ന പ്ലാ​സ്റ്റി​ക് വാ​ട​ക​ക്കെ​ടു​ത്ത സ്ഥ​ല​ത്താ​ണ് ത​രം തി​രി​ച്ച് പാ​ക്ക് ചെ​യ്യു​ന്ന​ത്.

അ​രൂ​ർ ക​ള​ത്തി​ൽ ക്ഷേ​ത്ര​ത്തി​നു സ​മീ​പ​ത്തെ പ​ഞ്ചാ​യ​ത്തി​ന്‍റെ സ്വ​ന്തം സ്ഥ​ല​ത്ത് പ്ലാ​സ്റ്റി​ക് ശേ​ഖ​ര​ണ സം​വി​ധാ​നം തു​ട​ങ്ങാ​ൻ പ്ര​ദേ​ശ​വാ​സി​ക​ളു​ടെ എ​തി​ർ​പ്പു മൂ​ലം ക​ഴി​ഞ്ഞി​ട്ടി​ല്ല. സ​മീ​പ​വാ​സി​ക​ളെ കാ​ര്യ​ങ്ങ​ൾ പ​റ​ഞ്ഞ് ബോ​ധ്യ​പ്പെ​ടു​ത്തി കേ​ന്ദ്രം ഇ​വി​ടെ ത​ന്നെ ആ​രം​ഭി​ക്കു​ന്ന​തി​ന് പ​ഞ്ചാ​യ​ത്ത് ശ്ര​മ​ങ്ങ​ൾ ആ​രം​ഭി​ച്ചി​ട്ടു​ണ്ട്.

രാ​ജ്യ​ത്തെ ഏ​റ്റ​വും മ​ലി​നീ​ക​രി​ക്ക​പ്പെ​ട്ട ഗ്രാ​മ​പ​ദ​വി ഒ​ഴി​യാ​തെ അ​രൂ​ർ

അ​രൂ​ർ: പ​തി​റ്റാ​ണ്ടാ​യി അ​രൂ​ർ ഗ്രാ​മ​പ​ഞ്ചാ​യ​ത്ത് നേ​രി​ടു​ന്ന ഗൗ​ര​വ​മേ​റി​യ പാ​രി​സ്ഥി​തി​ക പ്ര​ശ്ന​മാ​ണ് മാ​ലി​ന്യം. കി​ഴ​ക്ക് കൈ​ത​പ്പു​ഴ കാ​യ​ലും പ​ടി​ഞ്ഞാ​റ് കു​റു​മ്പി​ക്കാ​യ​ലും ബ​ന്ധ​പ്പെ​ടു​ന്ന ച​ന്തി​രൂ​രി​ലെ പു​ത്ത​ൻ​തോ​ട് ഖ​ര​മാ​ലി​ന്യ​മ​ടി​ഞ്ഞ്, ഒ​ഴു​ക്കു​നി​ല​ച്ച് ആ​രോ​ഗ്യ​പ്ര​ശ്ന​ങ്ങ​ൾ സൃ​ഷ്ടി​ച്ച് കി​ട​ന്ന​പ്പോ​ഴാ​ണ് കേ​ന്ദ്ര പ​രി​സ്ഥി​തി മ​ന്ത്രാ​ല​യം ഏ​റ്റ​വും മ​ലി​നീ​ക​രി​ക്ക​പ്പെ​ട്ട ഗ്രാ​മ​മെ​ന്ന് അ​രൂ​രി​നെ വി​ല​യി​രു​ത്തി​യ​ത്.

സം​സ്ഥാ​ന​ത്ത് ഏ​റ്റ​വു​മ​ധി​കം മ​ത്സ്യ​സം​സ്ക​ര​ണ ശാ​ല​ക​ൾ കേ​ന്ദ്രീ​ക​രി​ച്ചി​രി​ക്കു​ന്ന​ത് അ​രൂ​ർ പ​ഞ്ചാ​യ​ത്തി​ലാ​ണ്. 1970ക​ൾ മു​ത​ൽ ചെ​മ്മീ​ൻ കി​ള്ളു​കേ​ന്ദ്ര​ങ്ങ​ൾ അ​രൂ​രി​ൽ വ്യാ​പി​ച്ചി​രു​ന്നു.

കൃ​ഷി​യും ക​യ​റും അ​രൂ​ർ നി​വാ​സി​ക​ളെ ഉ​പ​ജീ​വ​ന​ത്തി​ന് തു​ണ​ക്കാ​തി​രു​ന്ന​പ്പോ​ൾ ര​ക്ഷ​യാ​യി എ​ത്തി​യ​ത് ചെ​മ്മീ​ൻ തൊ​ഴി​ൽ മേ​ഖ​ല​യാ​യി​രു​ന്നു. വീ​ടു​ക​ൾ​പോ​ലും ചെ​മ്മീ​ൻ പീ​ലി​ങ്​ കേ​ന്ദ്ര​ങ്ങ​ളാ​യി മാ​റി​യ​പ്പോ​ൾ കു​ടി​വെ​ള്ള സ്രോ​ത​സ്സു​ക​ൾ മ​ലി​ന​മാ​യി. കു​ടി​വെ​ള്ളം കി​ട്ടാ​ക്ക​നി​യാ​യി. മാ​ലി​ന്യം ആ​രോ​ഗ്യ​പ്ര​ശ്ന​ങ്ങ​ൾ നി​ര​വ​ധി ഉ​ണ്ടാ​ക്കി. എ​ന്നാ​ലും ജീ​വി​തോ​പാ​ധി​യാ​യി ചെ​മ്മീ​ൻ​തൊ​ഴി​ൽ നാ​ട്ടു​കാ​ർ​ക്ക് ആ​ശ്ര​യ​മാ​യി.

കോ​ടി​ക്ക​ണ​ക്കി​ന് രൂ​പ​യു​ടെ വി​ദേ​ശ​നാ​ണ്യം രാ​ജ്യ​ത്തി​ന് നേ​ടി​ത്ത​രു​ന്ന മ​ത്സ്യ ഉ​ൽ​പ​ന്ന ക​യ​റ്റു​മ​തി വ്യ​വ​സാ​യം അ​രൂ​ർ മേ​ഖ​ല​യി​ൽ ത​ഴ​ച്ചു​വ​ള​ർ​ന്നു. ക​യ​റ്റു​മ​തി​യു​ടെ മി​ക​വി​ൽ മി​ക​വി​ന്റെ പ​ട്ട​ണ​മാ​യി അ​രൂ​ർ മേ​ഖ​ല​യെ കേ​ന്ദ്ര​സ​ർ​ക്കാ​ർ അം​ഗീ​ക​രി​ച്ചു. എ​ന്നി​ട്ടും പൊ​തു​മാ​ലി​ന്യ സം​സ്ക​ര​ണ പ്ലാ​ന്‍റ്​ സാ​ക്ഷാ​ത്ക​രി​ക്കാ​ത്ത ആ​വ​ശ്യ​മാ​യി ഇ​പ്പോ​ഴും നി​ല​നി​ൽ​ക്കു​ന്നു.

ക​ഴി​ഞ്ഞ സം​സ്ഥാ​ന ബ​ജ​റ്റി​ൽ 10 കോ​ടി ച​ന്തി​രൂ​രി​ലെ പൊ​തു​ശു​ദ്ധീ​ക​ര​ണ പ്ലാ​ന്റ്​ നി​ർ​മാ​ണ​ത്തി​ന് അ​നു​വ​ദി​ച്ച​ത് അ​രൂ​ർ നി​വാ​സി​ക​ൾ​ക്കും ഈ ​രം​ഗ​ത്തെ വ്യ​വ​സാ​യി​ക​ൾ​ക്കും വ​ലി​യ പ്ര​തീ​ക്ഷ ന​ൽ​കു​ന്ന​താ​ണ്.