എട്ടു പേർക്ക് തെരുവുനായുടെ കടിയേറ്റു

ആറാട്ടുപുഴ: തെരുവുനായുടെ കടിയേറ്റ് എട്ട് പേർക്ക് പരിക്ക്. ഒരു പോത്തിനും പശുവിനും കടിയേറ്റു. തിങ്കളാഴ്ച രാവിലെ എട്ട് മണിയോടെയാണ് നല്ലാണിക്കൽ വട്ടച്ചാൽ പ്രദേശങ്ങളിൽ പേപിടിച്ചതായി കരുതുന്ന തെരുവ് നായ ഭീതി പരത്തിയത്.

പ്രദേശവാസികളായ സുഗന്ധി (35), രാജേന്ദ്രൻ (63), വിനു (43), തുളസി (45), ലാൽ (38), സുലേഖ (44) ലക്ഷ്മി (13) ഗോപിക (17) എന്നിവർക്കാണ് കടിയേറ്റത്. കടിയേറ്റവരെല്ലാം ആലപ്പുഴ മെഡിക്കൽ കോളജിൽ ചികിത്സ തേടി. പോത്തിനും പശുവിനും മൃഗാശുപത്രി അധികൃതരെത്തി പ്രതിരോധ കുത്തിവെപ്പ് നൽകി.