കലിതുള്ളി കടൽ ; ദുരിതത്തിലും പട്ടിണിയിലും തീരവാസികൾ

ആ​റാ​ട്ടു​പു​ഴ: ക​ലി​യ​ട​ങ്ങാ​ത്ത ക​ട​ലി​ന്​ മു​ന്നി​ൽ ദു​രി​ത​ത്തി​ലാ​യി തീ​ര​വാ​സി​ക​ൾ. കി​ട​പ്പാ​ടം ക​ട​ൽ വി​ഴു​ങ്ങു​മോ​യെ​ന്ന ഭീ​തി തീ​ര​വാ​സി​ക​ളു​ടെ ഉ​റ​ക്കം ന​ഷ്ട​പ്പെ​ടു​ത്തു​ക​യാ​ണ്. ക​ട​ലി​ൽ പോ​കാ​ൻ ക​ഴി​യാ​താ​യ​തോ​ടെ മ​ത്സ്യ​ത്തൊ​ഴി​ലാ​ളി​ക​ൾ ദി​വ​സ​ങ്ങ​ളാ​യി പ​ട്ടി​ണി​യി​ലാ​ണ്. ആ​റാ​ട്ടു​പു​ഴ, തൃ​ക്കു​ന്ന​പ്പു​ഴ പ​ഞ്ചാ​യ​ത്തു​ക​ളി​ൽ വ്യാ​ഴാ​ഴ്ച​യും ശ​ക്ത​മാ​യ ക​ട​ലാ​ക്ര​മ​ണ​മു​ണ്ടാ​യി. തീ​ര​സം​ര​ക്ഷ​ണ ന​ട​പ​ടി​ക​ൾ വൈ​കു​ന്ന​തി​ൽ പ്ര​തി​ഷേ​ധി​ച്ച് കാ​ർ​ത്തി​ക ജ​ങ്​​ഷ​ന് തെ​ക്ക് ഭാ​ഗ​ത്ത് നാ​ട്ടു​കാ​ർ റോ​ഡ് ഉ​പ​രോ​ധി​ച്ചു.

പെ​രു​മ്പ​ള്ളി​യി​ലും എം.​ഇ.​എ​സ് ജ​ങ്ഷ​നി​ലും വ​ലി​യ​ഴീ​ക്ക​ൽ -തോ​ട്ട​പ്പ​ള​ളി തീ​ര​ദേ​ശ റോ​ഡ് ഏ​ത് നി​മി​ഷ​വും ക​ട​ലെ​ടു​ക്കാ​വു​ന്ന അ​വ​സ്ഥ​യി​ലാ​ണ്. ആ​റാ​ട്ടു​പു​ഴ ബ​സ് സ്റ്റാ​ൻ​ഡി​ന് വ​ട​ക്കു​ഭാ​ഗം മു​ത​ൽ മം​ഗ​ലം വ​രെ​യു​ള്ള സ്ഥ​ല​ത്ത് ക​ട​ലാ​ക്ര​മ​ണം നേ​രി​ട്ടു. പാ​നൂ​ർ, പ​ല്ല​ന പ്ര​ദേ​ശ​ങ്ങ​ളി​ലും സ​മാ​ന​മാ​യ സാ​ഹ​ച​ര്യ​മാ​ണ്. അ​ല​റി​യെ​ത്തു​ന്ന തി​ര​മാ​ല​ക​ൾ​ക്ക് മു​ന്നി​ൽ നി​സ്സ​ഹാ​യ​രാ​യി നോ​ക്കി നി​ൽ​ക്കാ​നേ തീ​ര​വാ​സി​ക​ൾ​ക്ക് ക​ഴി​യു​ന്നു​ള്ളൂ. മ​ണ​ൽ കൂ​ട്ടി​വെ​ച്ചും ചാ​ക്കി​ൽ മ​ണ​ൽ നി​റ​ച്ച് അ​ടു​ക്കി​യും ക​ട​ലാ​ക്ര​മ​ണ​ത്തെ ചെ​റു​ക്കാ​നു​ള്ള ശ്ര​മ​ങ്ങ​ൾ വി​ഫ​ല​മാ​വു​ക​യാ​ണ്. കാ​ല​വ​ർ​ഷം തു​ട​ങ്ങി​യ​ത് മു​ത​ൽ ശ​ക്തി​യാ​ർ​ജി​ച്ച ക​ട​ൽ കൊ​ടി​യ ദു​രി​ത​മാ​ണ് തീ​ര​ങ്ങ​ളി​ൽ വ​രു​ത്തി​ക്കൊ​ണ്ടി​രി​ക്കു​ന്ന​ത്. പാ​നൂ​ർ ഭാ​ഗ​ത്ത് സു​നാ​മി പ​ദ്ധ​തി​യി​ൽ പെ​ടു​ത്തി നി​ർ​മി​ച്ച വീ​ടു​ക​ൾ അ​പ​ക​ട ഭീ​ഷ​ണി നേ​രി​ടു​ന്നു. പ​ല​യി​ട​ങ്ങ​ളി​ലും റോ​ഡ്‌ മ​ണ്ണി​ന​ടി​യി​ലാ​ണ്. ഇ​തു​മൂ​ലം ഗ​താ​ഗ​തം മു​ട​ങ്ങു​ന്നു. അ​ധി​കാ​രി​ക​ളു​ടെ അ​നാ​സ്ഥ​യി​ൽ പ്ര​തി​ഷേ​ധി​ച്ച് കാ​ർ​ത്തി​ക ജം​ഗ്ഷ​ന് തെ​ക്കു​ഭാ​ഗ​ത്താ​ണ്​ നാ​ലു​മ​ണി​യോ​ടെ നാ​ട്ടു​കാ​ർ റോ​ഡ് ഉ​പ​രോ​ധി​ച്ച​ത്. പോ​ലീ​സ് എ​ത്തി​യെ​ങ്കി​ലും പ്ര​തി​ഷേ​ധ​ക്കാ​ർ പി​ന്മാ​റി​യി​ല്ല. ഇ​തു​മൂ​ലം തീ​ര​ദേ​ശ റോ​ഡ് വ​ഴി​യു​ള്ള ഗ​താ​ഗ​തം ത​ട​സ്സ​പ്പെ​ട്ടു. പ​തി​റ്റാ​ണ്ടു​ക​ൾ​ക്ക് മു​മ്പ് നി​ർ​മി​ച്ച ക​ട​ൽ ഭി​ത്തി ഇ​പ്പോ​ൾ ദു​ർ​ബ​ല​മാ​ണ്. ക​ട​ലാ​ക്ര​മ​ണ ദു​രി​തം പേ​റു​ന്ന​തി​നി​ട​യി​ൽ മ​ത്സ്യ ബ​ന്ധ​ന​ത്തി​ന് ക​ട​ലി​ൽ പോ​കാ​ൻ ക​ഴി​യാ​ത്ത അ​വ​സ്ഥ. ക​ഴി​ഞ്ഞ കു​റെ ദി​വ​സ​മാ​യി മ​ത്സ്യ ബ​ന്ധ​നം പൂ​ർ​ണ​മാ​യും സ്തം​ഭി​ച്ചി​രി​ക്കു​ക​യാ​ണ്. തെ​ർ​മോ​കോ​ൾ വ​ഞ്ചി​യി​ൽ ക​ട​ലി​ൽ പോ​യി​ക്കൊ​ണ്ടി​രു​ന്ന തൊ​ഴി​ലാ​ളി​ക​ൾ ഒ​രാ​ഴ്ച​യാ​യി ക​ര​യി​ലി​രി​ക്കു​ക​യാ​ണ്. ബ​സ്റ്റാ​ന്‍റ്​ മു​ത​ൽ മം​ഗ​ലം വ​രെ ക​ട​ലാ​ക്ര​മ​ണ ഭീ​ഷ​ണി കൂ​ടു​ത​ലു​ള്ള 850 മീ​റ്റ​ർ ഭാ​ഗ​ത്ത് ജി​യോ ബാ​ഗ് ഉ​പ​യോ​ഗി​ച്ച് തീ​ര​സം​ര​ക്ഷ​ണ​ത്തി​ന് ന​ട​പ​ടി എ​ടു​ത്ത​താ​യി ഇ​റി​ഗേ​ഷ​ൻ വ​കു​പ്പ് അ​ധി​കാ​രി​ക​ൾ അ​റി​യി​ച്ചു. അ​ധി​കൃ​ത​ർ വ്യാ​ഴാ​ഴ്ച സ്ഥ​ലം സ​ന്ദ​ർ​ശി​ച്ചു. ഒ​രു മാ​സ​ത്തി​നു​ള്ളി​ൽ പ്ര​വ​ർ​ത്ത​നം ആ​രം​ഭി​ക്കു​മെ​ന്ന ഉ​റ​പ്പാ​ണ് ന​ൽ​കി​യി​രി​ക്കു​ന്ന​ത്.