മണ്ണിന്‍റെ തലവേദന മാറാതെ തീരവാസികൾ

ആ​റാ​ട്ടു​പു​ഴ: കാ​ൽ​ക്കീ​ഴി​ലെ മ​ണ്ണ് ന​ഷ്ട​പ്പെ​ടു​മോ​യെ​ന്ന ആ​ധി​യി​ലാ​ണ് കാ​ല​ങ്ങ​ളാ​യി ആ​റാ​ട്ടു​പു​ഴ തൃ​ക്കു​ന്ന​പ്പു​ഴ തീ​ര​വാ​സി​ക​ൾ. കാ​യം​കു​ളം കാ​യ​ലി​നും അ​റ​ബി​ക്ക​ട​ലി​നു​മി​ട​യി​ൽ നാ​ട​പോ​ലെ കി​ട​ക്കു​ന്ന ഈ ​തീ​ര​ഗ്രാ​മ​ങ്ങ​ൾ ക​രി​മ​ണ​ൽ ഖ​ന​ന​മെ​ന്ന ഭീ​തി​യു​ടെ നി​ഴ​ലി​ലാ​ണ്. ക​യ​ർ-​മ​ൽ​സ്യ തൊ​ഴി​ലാ​ളി​ക​ൾ അ​ധി​വ​സി​ക്കു​ന്ന ഈ ​പ്ര​ദേ​ശ​ത്തെ സ​മ്പു​ഷ്ട​മാ​യ ധാ​തു​മ​ണ​ലി​ൽ ക​ണ്ണും​ന​ട്ട് പ​ല​രും ക​ഴു​ക​ക്ക​ണ്ണു​ക​ളു​മാ​യി വ​ട്ട​മി​ട്ട് പ​റ​ക്കാ​ൻ തു​ട​ങ്ങി​യി​ട്ട് നാ​ളു​ക​ളേ​റെ​യാ​യി.

ഭ​ര​ണ​കൂ​ട​ത്തി​ന്‍റെ ഒ​ത്താ​ശ​യോ​ടെ മ​ണ്ണ് റാ​ഞ്ചി​യെ​ടു​ക്കാ​നു​ള്ള ശ്ര​മ​ങ്ങ​ളെ തീ​പാ​റു​ന്ന ജ​ന​കീ​യ പോ​രാ​ട്ട​ങ്ങ​ൾ കൊ​ണ്ടാ​ണ് പ​രാ​ജ​യ​പ്പെ​ടു​ത്തി​യ​ത്. ജ​ന​രോ​ഷം ഭ​യ​ന്ന് പി​ൻ​വ​ലി​ഞ്ഞ​വ​ർ മ​ണ​ൽ ക​വ​ർ​ന്നെ​ടു​ക്കാ​നു​ള്ള നീ​ക്ക​ങ്ങ​ളി​ൽ നി​ന്നും പി​ൻ​മാ​റി​യി​ല്ല.

പു​തി​യ പു​തി​യ ത​ന്ത്ര​ങ്ങ​ളി​ലൂ​ടെ ധാ​തു​മ​ണ​ൽ ക​വ​ർ​ന്നെ​ടു​ക്കാ​നു​ള്ള പ​രി​ശ്ര​മം തു​ട​ർ​ന്നു​കൊ​ണ്ടി​രു​ന്നു. അ​ങ്ങ​നെ​യാ​ണ് തോ​ട്ട​പ്പ​ള്ളി, കാ​യം​കു​ളം പൊ​ഴി​ക​ളി​ൽ ആ​ഴം കൂ​ട്ട​ലി​ന്‍റെ മ​റ​വി​ൽ ക​രി​മ​ണ​ൽ ഖ​ന​നം ന​ട​ക്കു​ന്ന​ത്. കാ​ര്യ​മാ​യ ജ​ന രോ​ഷം ഇ​ല്ലെ​ന്ന് മ​ന​സി​ലാ​ക്കി​യ ഭ​ര​ണ​കൂ​ടം ഒ​രു പ​ടി കൂ​ടി ക​ട​ന്ന് തീ​രം ക​വ​ർ​ന്നെ​ടു​ക്കാ​നു​ള്ള പു​തി​യ നീ​ക്ക​ത്തി​ന് തു​ട​ക്ക​മി​ട്ടി​രി​ക്കു​ക​യാ​ണ്.

കേ​ര​ള​ത്തി​ൽ ആ​ണ​വ വൈ​ദ്യു​തി നി​ല​യം സ്ഥാ​പി​ക്കാ​ൻ സ​ർ​ക്കാ​ർ അ​നു​മ​തി തേ​ടി​യ​ത് ആ​റാ​ട്ടു​പു​ഴ തു​ക്കു​ന്ന​പ്പു​ഴ തീ​ര​ങ്ങ​ളി​ലെ ക​രി​മ​ണ​ൽ ഖ​ന​നം ല​ക്ഷ്യ​മി​ട്ടാ​ണെ​ന്ന സം​ശ​യം ബ​ല​പ്പെ​ടു​ന്നു. തീ​ര​ത്തെ മ​ണ​ലി​ൽ അ​ട​ങ്ങി​യ ഗു​ണ​നി​ല​വാ​ര​മു​ള്ള തോ​റി​യം ക​ണ്ടു കൊ​ണ്ടാ​ണ് ആ​ണ​വ​നി​ല​യം വേ​ണ​മെ​ന്ന ആ​വ​ശ്യം ഉ​യ​ർ​ത്തി​യ​ത്. നി​ല​വി​ൽ ത​മി​ഴ്‌​നാ​ട്ടി​ലെ ക​ൽ​പ്പാ​ക്ക​ത്തി​ന് സ​മാ​ന​മാ​യ സാ​ങ്കേ​തി​ക വി​ദ്യ​യി​ൽ പ്ര​വ​ർ​ത്തി​ക്കു​ന്ന തോ​റി​യം അ​ധി​ഷ്ഠി​ത ആ​ണ​വ നി​ല​യം സ്ഥാ​പി​ക്കു​ന്ന​തി​ന്റെ സാ​ധ്യ​ത പ​രി​ശോ​ധി​ക്കു​ക​യാ​ണ് കേ​ര​ള​വും. കേ​ര​ള​ത്തി​ൽ നി​ല​യം സ്ഥാ​പി​ക്ക​ണ​മെ​ന്ന താ​ൽ​പ​ര്യ​ത്തി​ലാ​ണ് ഇ​പ്പോ​ൾ ഭ​ര​ണ​കൂ​ട​മു​ള്ള​ത്.

കാ​യം​കു​ളം താ​പ​നി​ല​യം ഇ​തി​നാ​യി ഉ​പ​യോ​ഗ​പ്പെ​ടു​ത്താ​നു​ള്ള നീ​ക്ക​മാ​ണ് ന​ട​ത്തു​ന്ന​ത്. ഇ​തി​ലൂ​ടെ ക​രി​മ​ണ​ൽ ലോ​ബി​യു​ടെ താ​ൽ​പ​ര്യം സം​ര​ക്ഷി​ക്കു​ക എ​ന്ന ഗൂ​ഢ​ല​ക്ഷ്യ​മു​ണ്ടെ​ന്നും ആ​രോ​പ​മു​ണ്ട്. തോ​റി​യ​ത്തി​നാ​യി ക​രി​മ​ണ​ൽ ഖ​ന​നം ന​ട​ത്തി​യാ​ൽ ക​രി​മ​ണ​ൽ ക​മ്പ​നി​ക​ൾ​ക്ക് ആ​വ​ശ്യ​മു​ള്ള മ​റ്റ് മൂ​ല​ക​ങ്ങ​ൾ എ​തി​ർ​പ്പൊ​ന്നും കൂ​ടാ​തെ ല​ഭി​ക്കു​മെ​ന്ന ബ​ഹു​മു​ഖ ല​ക്ഷ്യ​മാ​ണ് ഈ ​നീ​ക്ക​ത്തി​ന് പി​ന്നി​ൽ എ​ന്ന് പ​രി​സ്ഥി​തി പ്ര​വ​ർ​ത്ത​ക​ർ ആ​രോ​പി​ക്കു​ന്നു. ക​ട​ലാ​ക്ര​മ​ണ​ത്തി​ന്റെ ദു​രി​തം പേ​റി ക​ഴി​യു​ന്ന തീ​ര​വാ​സി​ക​ളു​ടെ ജീ​വ​നും ജീ​വി​ത​ത്തി​നും തെ​ല്ലും വി​ല​ക​ൽ​പി​ക്കാ​ത്ത ഭ​ര​ണ​കൂ​ടം തീ​ര​വാ​സി​ക​ൾ കു​ടി​ൽ​കെ​ട്ടി താ​മ​സി​ക്കു​ന്ന ധാ​തു​മ​ണ​ലി​ന്‍റെ വി​ല​യെ​ക്കു​റി​ച്ചാ​ണ് വാ​ചാ​ല​രാ​കു​ന്ന​ത്.