APL Sup2

ചതിക്കാത്ത നാളികേരം; പ്രതിസന്ധിയിൽ കർഷകർ നാളികേരത്തി​ൻെറ സ്വന്തം നാടാണ്​ കേരളം. തൊട്ടിൽ തൊട്ട് ചുടല വരെ കേരളീയരിൽ നാളികേരമുണ്ട്. ഭക്ഷണമായി, വരുമാനമായി, ആചാരാനുഷ്ഠാനങ്ങളിലെ അവിഭാജ്യ ഘടകമായി. എന്നിട്ടും നാളികേര കർഷകർ വലിയ വെല്ലുവിളിയും പ്രതിസന്ധിയുമാണ് നേരിടുന്നത്. രാജ്യത്തെ ഉൽപാദനത്തിൽ ഒന്നാം സ്ഥാനവും ഉൽപാദനക്ഷമതയിൽ രണ്ടാം സ്ഥാനവും നമുക്കാണ്​. കേരകൃഷിയും അതി​ൻെറ വരുമാനവും കേരളത്തിൽ കർഷകരുടെ ന​ട്ടെല്ലാണെങ്കിലും പറയാനുള്ളത്​ നഷ്​ടക്കഥയാണ്. കൃഷിയിടങ്ങളിലും വിപണിയിലും വിളയുന്നതിലേറെയും നഷ്​ടത്തിൽ വിറ്റതി​ൻെറയും വിലയിടിവിൽ നട്ടം തിരിയുന്നതി​ൻെറയും നൊമ്പരങ്ങൾ പങ്കുവെക്കുകയാണ്​ കേരകർഷകർ. ​വെളിച്ചെണ്ണ വിപണിയിലെ തിരിച്ചടികൾ നാളികേര വിപണിയെ സാരമായി ബാധിക്കുന്നത്​ കർഷകർക്ക്​ ഇരുട്ടടിയാണ്​. ഇടനിലക്കാർ ലാഭം കൊയ്യു​േമ്പാൾ കേരകൃഷി ഉപജീവനമാക്കിയ 42 ലക്ഷത്തോളം പേരാണ്​ പ്രതിസന്ധിയിൽ​. തെങ്ങ്​ ചതിക്കില്ലെന്നാണ്​ പഴമൊഴി. പ​േക്ഷ സാധ്യതകൾ ഉപയോഗപ്പെടുത്താതിരിക്കുന്നതി​ൻെറ തിക്തഫലമാണ്​ അനുഭവിക്കുന്നത്​. വില തീരെ താഴെ പോകാതെ പിടിച്ചുനിർത്താൻ കുറച്ചുനാളായി കഴിയുന്നത്​ മാത്രമാണ്​ ആശ്വാസം. നാളികേര വികസന ബോര്‍ഡി​ൻെറ 'കോക്കനട്ട്​ കളരി' തെങ്ങ് കൃഷി​െയയും നാളികേര വ്യവസായ​െത്തയും പ്രോത്സാഹിപ്പിക്കുന്നതിന്​ നാളികേര വികസന ബോര്‍ഡ് വിവിധ പരിശീലന പരിപാടികള്‍ സംഘടിപ്പിച്ചുവരുന്നു. ശാസ്ത്രീയമായി തേങ്ങ വിളവെടുപ്പ് നടത്തുന്നതിന്​ നാളികേര വികസന ബോര്‍ഡ് ഫ്രണ്ട്‌സ് ഓഫ് കോക്കനറ്റ് ട്രീ എന്ന പദ്ധതി നടപ്പാക്കിയിട്ടുണ്ട്. നാളികേര വിളവെടുപ്പിന് സാങ്കേതിക വൈദഗ്​ധ്യമുള്ള ഒരുസംഘത്തെ രൂപവത്​കരിക്കുകയാണ്​ ലക്ഷ്യമിടുന്നത്. 2011 ലാണ് ഈ പരിശീലന പരിപാടി ആരംഭിക്കുന്നത്. ആറ് ദിവസം നീളുന്ന ഈ പരിശീലന പരിപാടിയിലൂടെ 64,666 യുവാക്കള്‍ക്ക് പരിശീലനം നല്‍കിക്കഴിഞ്ഞു. നാളികേരത്തി‍ൻെറ തൊണ്ടില്‍നിന്നും ചിരട്ടയില്‍നിന്നും രൂപപ്പെടുത്തുന്ന കരകൗശല വസ്തുക്കള്‍ക്ക് ആവശ്യക്കാരേറെയുണ്ട്. ഈ രംഗത്ത് തൽപരരായ തൊഴില്‍രഹിതരായ യുവാക്കള്‍ക്ക് നാളികേര വികസന ബോര്‍ഡ് പരിശീലനം നല്‍കിവരുന്നു. തെങ്ങുകൃഷിയെയും നാളികേര വ്യവസായത്തെയും സംബന്ധിച്ച്​ കര്‍ഷകര്‍ക്ക് അവബോധം നല്‍കുന്നതിന്​ നാളികേര വികസന ബോര്‍ഡ് സംഘടിപ്പിക്കുന്ന വിവിധ സെമിനാറുകളിലും മറ്റ്​ പരിപാടികളിലൂടെയും രണ്ട് ലക്ഷത്തോളം കര്‍ഷകര്‍ക്ക് പരിശീലനം നല്‍കി. നാളികേരത്തി​ൻെറയും അതി​ൻെറ മൂല്യവർധിത ഉൽപന്നങ്ങളു​െടയും പ്രചാരണത്തിന്​ രാജ്യത്തിനകത്തും പുറത്തും നടക്കുന്ന വിവിധ പ്രദര്‍ശനങ്ങളില്‍ നാളികേര വികസന ബോര്‍ഡ് പങ്കെടുക്കുന്നു. നീരയുടെ ഉൽപാദനത്തിന്​ നൈപുണ്യ വികസന പരിശീലനവും സജീവമാണ്​. 2600ലധികം യുവാക്കളാണ്​ ഇതിൽ പരിശീലനം നേടിയത്​.