അപകടത്തിൽ പരിക്കേറ്റ സ്കൂട്ടർ യാത്രികന്​ തുണയായി ആംബുലൻസ് ജീവനക്കാർ

മാ​ന്നാ​ർ: അ​പ​ക​ട​ത്തി​ൽ ഗു​രു​ത​ര പ​രി​ക്കേ​റ്റ സ്കൂ​ട്ട​ർ യാ​ത്രി​ക​നു തു​ണ​യാ​യി ആം​ബു​ല​ൻ​സ് ജീ​വ​ന​ക്കാ​ർ. മാ​ന്നാ​ർ മാ​വേ​ലി​ക്ക​ര സം​സ്ഥാ​ന പാ​ത​യി​ൽ കു​ട്ട​മ്പേ​രൂ​ർ കോ​യി​ക്ക​ൽ മു​ക്കി​നു തെ​ക്കു​വ​ശ​ത്ത് ശ​നി​യാ​ഴ്ച അ​പ​ക​ട​ത്തി​ൽ​പെ​ട്ട സ്കൂ​ട്ട​ർ യാ​ത്ര​ക്കാ​ര​നാ​യ ചെ​ന്നി​ത്ത​ല റൂ​ബ​ൻ​വി​ല്ല​യി​ൽ റൂ​ബ​നാ​ണ്(18) ആം​ബു​ല​ൻ​സ് ഡ്രൈ​വ​ർ സ്വാ​ലി​ഹ് ജീ​വ​ന​ക്കാ​ര​ൻ സു​ഹൈ​ൽ എ​ന്നി​വ​ർ ര​ക്ഷ​ക​രാ​യി മാ​റി​യ​ത്. പ​രു​മ​ല ആ​ശു​പ​ത്രി​യി​ൽ രോ​ഗി​യെ ഇ​റ​ക്കി തി​രി​കെ​വ​രു​മ്പോ​ഴാ​ണ് റൂ​ബ​ൻ വ​ന്ന സ്കൂ​ട്ട​ർ കു​ടി​വെ​ള്ള പൈ​പ്പ് ഇ​ടു​ന്ന​തി​നാ​യി എ​ടു​ത്ത കു​ഴി മൂ​ടി​യ​തി​ന്റെ ഭാ​ഗ​മാ​യി ഉ​യ​ർ​ന്നു​നി​ന്ന മ​ൺ​കൂ​ന​യി​ൽ ക​യ​റി റോ​ഡി​ലേ​ക്ക് തെ​റി​ച്ചു​വീ​ഴു​ന്ന​ത് സ്വാ​ലി​ഹും സു​ഹൈ​ലും ക​ണ്ട​ത്. ഉ​ട​ൻ​ത​ന്നെ വാ​ഹ​നം നി​ർ​ത്തി​യി​റ​ങ്ങി ര​ക്ഷാ​പ്ര​വ​ർ​ത്ത​നം ന​ട​ത്തു​ക​യാ​യി​രു​ന്നു. അ​പ​ക​ട​ത്തി​ൽ വീ​ണു​കി​ട​ന്ന യു​വാ​വി​നെ എ​ടു​ക്കാ​ൻ ശ്ര​മി​ച്ച​പ്പോ​ൾ വ​യ​റി​ന് താ​ഴെ​യു​ണ്ടാ​യ വ​ലി​യ മു​റി​വി​ൽ​നി​ന്ന്​ അ​മി​ത​മാ​യി ര​ക്തം​പോ​കു​ന്ന​ത്​ ശ്ര​ദ്ധ​യി​ൽ​പെ​ട്ടു. ഉ​ട​ൻ ത​ന്നെ ആം​ബു​ല​ൻ​സ് തി​രി​ച്ച് അ​തി​ൽ ക​യ​റ്റി നി​മി​ഷ​നേ​രം കൊ​ണ്ട് പ​രു​മ​ല ആ​ശു​പ​ത്രി​യി​ൽ എ​ത്തി​ക്കു​ക​യാ​യി​രു​ന്നു. അ​ടി​യ​ന്ത​ര ശ​സ്ത്ര​ക്രി​യ​ക്ക് വി​ധേ​യ​മാ​ക്കി. ക​റ്റാ​നം, ചൂ​നാ​ട് കേ​ന്ദ്ര​മാ​യി പ്ര​വ​ർ​ത്തി​ക്കു​ന്ന മെ​ഡ് വി​ങ്സ്​ ക​മ്പ​നി​യു​ടേ​താ​ണ്​ ആം​ബു​ല​ൻ​സ്. സം​സ്ഥാ​ന​പാ​ത​യി​ലും മാ​ന്നാ​ർ പ​ഞ്ചാ​യ​ത്തി​ലെ ഇ​ട​റോ​ഡു​ക​ളി​ലും കു​ടി​വെ​ള്ള പൈ​പ്പ് ഇ​ടാ​നെ​ടു​ത്ത കു​ഴി മൂ​ടി​യ മ​ണ്ണ് ഉ​യ​ർ​ന്നു​കി​ട​ക്കു​ന്ന​ത് അ​പ​ക​ട​ത്തി​ന് കാ​ര​ണ​മാ​കു​ന്നു​ണ്ട്.