തീരദേശം തെരുവുനായ്​ക്കളുടെ പിടിയിൽ

അ​മ്പ​ല​പ്പു​ഴ: തീ​ര​ദേ​ശം തെ​രു​വു​നാ​യ്ക്ക​ളു​ടെ പി​ടി​യി​ൽ. കൂ​ട്ടം​കൂ​ടി ന​ട​ക്കു​ന്ന നാ​യ്ക്ക​ളു​ടെ ആ​ക്ര​മ​ണ​ത്തി​ൽ നി​ര​വ​ധി പേ​ർ​ക്കാ​ണ് പ​രി​ക്കേ​ൽ​ക്കു​ന്ന​ത്.

തോ​ട്ട​പ്പ​ള്ളി ഹാ​ർ​ബ​റി​ൽ മ​ത്സ്യ​ത്തൊ​ഴി​ലാ​ളി​ക​ൾ ദി​വ​സ​വും നാ​യ്ക്ക​ളു​ടെ ആ​ക്ര​മ​ണ​ത്തി​ന് ഇ​ര​യാ​കാ​റു​ണ്ട്. തീ​ര​ത്തും ഹാ​ർ​ബ​റു​ക​ളി​ലും ചി​ത​റി​ക്കി​ട​ക്കു​ന്ന മീ​നു​ക​ളും മ​റ്റും ക​ഴി​ക്കാ​നെ​ത്തു​ന്ന തെ​രു​വു​നാ​യ്ക്ക​ൾ മ​ത്സ്യ​ത്തൊ​ഴി​ലാ​ളി​ക​ളെ ആ​ക്ര​മി​ക്കു​ന്ന​ത് പ​തി​വാ​യി​രി​ക്കു​ക​യാ​ണ്. ക​ഴി​ഞ്ഞ കു​റ​ച്ചു​ദി​വ​സ​ത്തി​നി​ടെ നി​ര​വ​ധി​പേ​രാ​ണ് ഇ​ത്ത​ര​ത്തി​ൽ തെ​രു​വു​നാ​യു​ടെ ആ​ക്ര​മ​ണ​ത്തി​ന് ഇ​ര​യാ​യി​രി​ക്കു​ന്ന​ത്. കൂ​ട്ടം കൂ​ടി​യെ​ത്തു​ന്ന നാ​യ്ക്ക​ൾ യാ​തൊ​രു പ്ര​കോ​പ​ന​വു​മി​ല്ലാ​തെ​യാ​ണ് ആ​ക്ര​മി​ക്കു​ന്ന​ത്. കു​ട്ട​ക​ളി​ൽ മ​ത്സ്യം ചു​മ​ന്നു​കൊ​ണ്ട് പോ​കു​മ്പോ​ഴും പ​ല​പ്പോ​ഴും മ​ത്സ്യ​ത്തൊ​ഴി​ലാ​ളി​ക​ൾ​ക്ക് നാ​യ്ക്ക​ളു​ടെ ക​ടി​യേ​ൽ​ക്കാ​റു​ണ്ട്. പ​ല​ത​വ​ണ പ​രാ​തി​പ്പെ​ട്ടി​ട്ടും തെ​രു​വു​നാ​യ്ക്ക​ളെ നി​യ​ന്ത്രി​ക്കാ​നു​ള്ള ന​ട​പ​ടി അ​ധി​കൃ​ത​ർ സ്വീ​ക​രി​ച്ചി​ട്ടി​ല്ലെ​ന്ന ആ​ക്ഷേ​പം ശ​ക്ത​മാ​ണ്.

വ​ള്ള​ങ്ങ​ളും പൊ​ന്തു​വ​ള്ള​ങ്ങ​ളും എ​ത്തു​ന്ന തീ​ര​ങ്ങ​ളി​ലാ​ണ് തെ​രു​വു​നാ​യ്ക്ക​ളു​ടെ ശ​ല്യം ഏ​റെ​യു​ള്ള​ത്. തൊ​ഴി​ലാ​ളി​ക​ൾ വ​ല​യി​ൽ​നി​ന്ന്​ നീ​ക്കു​ന്ന ഉ​പ​യോ​ഗ​ശൂ​ന്യ​മാ​യ മീ​നു​ക​ളും മ​റ്റും തേ​ടി​യെ​ത്തു​ന്ന നാ​യ്ക്ക​ൾ പി​ന്നീ​ട് തീ​ര​ത്ത് ത​മ്പ​ടി​ക്കു​ക​യാ​ണ്. പു​ന്ന​പ്ര ച​ള്ളി ഫി​ഷ്​ ലാ​ൻ​ഡി​ങ്ങി​ൽ ഇ​ത്ത​ര​ത്തി​ൽ നി​ര​വ​ധി നാ​യ്ക്ക​ളാ​ണ് ത​മ്പ​ടി​ക്കു​ന്ന​ത്. ഇ​വി​ടെ രാ​ത്രി​യും പ​ക​ലും നാ​യ്ക്ക​ളു​ടെ ശ​ല്യം പ​തി​വാ​യി​രി​ക്കു​ക​യാ​ണ്.