റെയിൽവേ ഗേറ്റ് അറ്റകുറ്റപ്പണിക്ക്​ അടച്ചു; സമാന്തരപാതയിൽ യാത്ര ദുരിതം

അ​മ്പ​ല​പ്പു​ഴ: റെ​യി​ൽ​വേ ഗേ​റ്റ് അ​റ്റ​കു​റ്റ​പ്പ​ണി​ക്കാ​യി മൂ​ന്ന് ദി​വ​സ​ത്തേ​ക്ക​ട​ച്ചു. ത​ക​ർ​ന്നു കി​ട​ക്കു​ന്ന സ​മാ​ന്ത​ര പാ​ത​യി​ലൂ​ടെ​യു​ള്ള യാ​ത്ര ദു​രി​ത​മാ​കു​ന്നു.

അ​മ്പ​ല​പ്പു​ഴ-​തി​രു​വ​ല്ല സം​സ്ഥാ​ന പാ​ത​യി​ൽ ത​ക​ഴി റെ​യി​ൽ​വേ ഗേ​റ്റാ​ണ് വ്യാ​ഴാ​ഴ്ച രാ​വി​ലെ മു​ത​ൽ ശ​നി​യാ​ഴ്ച​വ​രെ അ​ട​ച്ചി​ട്ട​ത്. ഇ​തോ​ടെ ആ​യി​ര​ക്ക​ണ​ക്കി​ന് യാ​ത്ര​ക്കാ​രാ​ണ് വ​ല​ഞ്ഞ​ത്. ആ​ല​പ്പു​ഴ​യി​ൽ​നി​ന്നും തി​രു​വ​ല്ല, പ​ത്ത​നം​തി​ട്ട എ​ന്നി​വി​ട​ങ്ങ​ളി​ൽ​നി​ന്നു​മു​ള്ള കെ.​എ​സ്.​ആ​ർ.​ടി.​സി ബ​സു​ക​ൾ ത​ക​ഴി​യി​ൽ സ​ർ​വി​സ് അ​വ​സാ​നി​പ്പി​ച്ചു.

ഗേ​റ്റ​ട​ച്ച​തോ​ടെ ക​രു​മാ​ടി പ​ട​ഹാ​രം എ​ല്ലോ​റ​വ​ഴി ത​ക​ഴി ജ​ങ്​​ഷ​നി​ൽ വാ​ഹ​ന​ങ്ങ​ൾ പ്ര​വേ​ശി​ക്കാ​നാ​ണ് നി​ർ​ദേ​ശം ന​ൽ​കി​യി​രു​ന്ന​ത്. എ​ന്നാ​ൽ, ചെ​റി​യ ഈ ​റോ​ഡ് ത​ക​ർ​ന്നു​കി​ട​ക്കു​ന്ന​തും റോ​ഡി​ൽ നെ​ല്ല് കൂ​ട്ടി​യി​ടി​രു​ന്ന​തും രൂ​ക്ഷ​മാ​യ ഗ​താ​ഗ​ത​ക്കു​രു​ക്കി​ന് കാ​ര​ണ​മാ​യി. ചെ​റു​വാ​ഹ​ന​ങ്ങ​ൾ​ക്കു മാ​ത്ര​മേ ഇ​തി​ലൂ​ടെ സ​ഞ്ച​രി​ക്കാ​ൻ ക​ഴി​യൂ. വി​വി​ധ പാ​ട​ശേ​ഖ​ര​ങ്ങ​ളി​ൽ​നി​ന്ന് കൊ​യ്തെ​ടു​ത്ത നെ​ല്ല് ഈ ​റോ​ഡി​ന​രി​കി​ലാ​ണ് സം​ഭ​ര​ണ​ത്തി​നാ​യി കൂ​ട്ടി​യി​ട്ടി​രി​ക്കു​ന്ന​ത്. നെ​ല്ല് സം​ഭ​രി​ക്കാ​ൻ വ​ലി​യ ലോ​റി​ക​ളും എ​ത്തി​യി​രു​ന്നു. ഈ ​സ​മ​യ​ത്താ​ണ് റെ​യി​ൽ​വേ ഗേ​റ്റ​ട​ച്ച​തു മൂ​ലം വാ​ഹ​ന​ങ്ങ​ൾ ഈ ​റോ​ഡി​ലൂ​ടെ തി​രി​ച്ചു​വി​ട്ട​ത്. ആം​ബു​ല​ൻ​സു​ക​ളും ഈ ​ഗ​താ​ഗ​ത​ക്കു​രു​ക്കി​ൽ​പെ​ട്ടി​രു​ന്നു. അ​മ്പ​ല​പ്പു​ഴ പൊ​ലീ​സെ​ത്തി​യാ​ണ് ഗ​താ​ഗ​തം നി​യ​ന്ത്രി​ച്ച​ത്. ഒ​രു ദി​വ​സം കൂ​ടി ക​ഴി​ഞ്ഞി​രു​ന്നെ​ങ്കി​ൽ കൊ​യ്തെ​ടു​ത്ത നെ​ല്ലെ​ല്ലാം ക​യ​റ്റി​വി​ടാ​മാ​യി​രു​ന്നു​വെ​ന്നാ​ണ് ക​ർ​ഷ​ക​ർ പ​റ​യു​ന്ന​ത്. വാ​ഹ​ന​ങ്ങ​ൾ ഈ ​റോ​ഡി​ലൂ​ടെ തി​രി​ച്ചു വി​ട്ട​തോ​ടെ നെ​ല്ല് ലോ​റി​ക​ളി​ൽ ക​യ​റ്റാ​ൻ കാ​ല​താ​മ​സ​മെ​ടു​ക്കു​ക​യാ​ണ്.​മ​ഴ ക​ന​ത്താ​ൽ ഈ ​നെ​ല്ലെ​ല്ലാം ന​ന​യു​മെ​ന്ന ആ​ശ​ങ്ക​യാ​ണ് ക​ർ​ഷ​ക​ർ​ക്ക്.

റെ​യി​ൽ​വെ ഗേ​റ്റ​ട​ക്കു​മ്പോ​ൾ വ​ഴി തി​രി​ച്ചു​വി​ടു​ന്ന സ​മാ​ന്ത​ര​പാ​ത​ക​ളെ​ല്ലാം ത​ക​ർ​ന്നു കി​ട​ക്കു​ക​യാ​ണ്. ഇ​വ​യു​ടെ അ​റ്റ​കു​റ്റ​പ്പ​ണി ന​ട​ത്തി റോ​ഡ് ഗ​താ​ഗ​ത​യോ​ഗ്യ​മാ​ക്കാ​ൻ റെ​യി​ൽ​വെ ത​യാ​റാ​ക​ണ​മെ​ന്ന് ത​ക​ഴി പ​ഞ്ചാ​യ​ത്ത് പ്ര​സി​ഡ​ൻ്റ് എ​സ്.​അ​ജ​യ​കു​മാ​ർ ആ​വ​ശ്യ​പ്പെ​ട്ടു.