മേല്‍പാലം നിറയെ കുഴികൾ; കണ്ണിൽപൊടിയിട്ട്​ വീണ്ടും മൂടൽ ​

അ​മ്പ​ല​പ്പു​ഴ: അ​പ​ക​ട​ക്കെ​ണി​യാ​യ കാ​ക്കാ​ഴം റെ​യി​ൽ​വേ മേ​ൽ​പാ​ല​ത്തി​ലെ കു​ഴി​ക​ള്‍ പ്രതിഷേധത്തെ തുടർന്ന്​ വീണ്ടും അടച്ചു.എ​ച്ച്. സ​ലാം എം.​എ​ല്‍.​എ ഇ​ട​പെ​ട്ടി​തിന്​ ശേഷമാണ് താൽകാലാകമായി കു​ഴി​ക​ള്‍ ടാർ ചെയ്ത്​ അ​ട​ക്കാൻ നടപടിയായത്​. മ​ഴ ശ​ക്ത​മാ​യ​തോ​ടെ കു​ഴി​ക​ൾ ഗ​ർ​ത്ത​ങ്ങ​ളാ​യി മാറിയിരുന്നു.

അ​പ​ക​ട​ങ്ങ​ളും പ​രാ​തി​ക​ളും വ്യാ​പ​ക​മാ​കു​മ്പോ​ൾ ചെ​റി​യ ചാ​ക്കു​ക​ളി​ൽ ഗ്രാ​വ​ലു​മാ​യെ​ത്തി കു​ഴി മൂ​ട​ൽ പ്ര​ഹ​സ​ന​മാ​ണ്​ ന​ട​ക്കു​ന്ന​ത്. ഉ​ദ്യോ​ഗ​സ്ഥ​ർ പാ​ല​മി​റ​ങ്ങു​ന്ന​തി​ന് മു​മ്പ്​ ത​ന്നെ കു​ഴി പ​ഴ​യ അ​വ​സ്ഥ​യാ​കും.പാ​ല​ത്തി‍ന്‍റെ എ​ല്ലാ ഭാ​ഗ​ങ്ങ​ളി​ലും വ​ലി​യ​കു​ഴി​ക​ൾ രൂപപ്പെട്ടിരുന്നു​. ഇ​തി​ൽ വീ​ണ് അ​പ​ക​ട​മു​ണ്ടാ​കാ​ത്ത ദി​വ​സ​ങ്ങ​ളി​ല്ല. കൂ​ടു​ത​ലും അ​പ​ക​ട​ത്തി​ൽ​പ്പെ​ടു​ന്ന​ത് ഇ​രു​ച​ക്ര​വാ​ഹ​ന​ക്കാ​രാ​ണ്. രാ​ത്രി​യി​ലാ​ണ്​ ഏ​റെ​യും.

ക​ഴി​ഞ്ഞ​ദി​വ​സം രാ​ത്രി ര​ണ്ട്​ വാ​ഹ​ന​ങ്ങ​ൾ കൂ​ട്ടി​യി​ടി​ച്ച് ദ​മ്പ​തി​ക​ൾ​ക്ക് പ​രി​ക്കേ​റ്റി​രു​ന്നു.അ​പ​ക​ടം ന​ട​ന്ന​തി​ന് പി​ന്നാ​ലെ യാ​ത്ര​ക്കാ​രു​ടെ​യും നാ​ട്ടു​കാ​രു​ടെ​യും പ്ര​തി​ഷേ​ധം ശ​ക്ത​മാ​യ​തോ​ടെ ​പൊ​ലീ​സെ​ത്തി രാ​ത്രി​യി​ൽ​ത്ത​ന്നെ കു​ഴി താ​ൽ​ക്കാ​ലി​ക​മാ​യി അ​ട​ച്ചു.അ​പ്പോ​ഴും കു​ഴി​യ​ട​ക്കേ​ണ്ട ഉ​ദ്യോ​ഗ​സ്ഥ​ർ അ​ന​ങ്ങി​യി​രുന്നില്ല. സ്കൂ​ൾ തു​റ​ന്ന​തോ​ടെ റോ​ഡി​ൽ തി​ര​ക്ക് നി​യ​ന്ത്ര​ണാ​തീ​ത​മാ​ണ്. കാ​റു​ക​ളും ഇ​രു​ച​ക്ര വാ​ഹ​ന​ങ്ങ​ളും കു​ഴി​ക​ളി​ൽ​വീ​ണ് ട​യ​ർ പ​ഞ്ച​റാ​കു​ക​യും പൊ​ട്ടു​ക​യും ചെ​യ്യു​ന്ന​ത് പ​തി​വാ​ണ്. നി​ര​വ​ധി പേ​രാ​ണ് ഗു​രു​ത​ര പ​രി​ക്കേ​റ്റ്​ ചി​കി​ത്സ​യി​ൽ ക​ഴി​യു​ന്ന​ത്.

കുഴിയിൽവീണ്​ ദമ്പതികൾക്ക്​ പരിക്ക്

അ​മ്പ​ല​പ്പു​ഴ: ദേ​ശീ​യ​പാ​ത​യി​ൽ കാ​ക്കാ​ഴം മേ​ൽ​പാ​ല​ത്തി​ലെ കു​ഴി​യി​ൽ​വീ​ണ് നി​യ​ന്ത്ര​ണം​വി​ട്ട പെ​ട്ടി​ ഗുഡ്​സ്​ ഓ​ട്ടോ മ​റി​ഞ്ഞ് ദ​മ്പ​തി​ക​ൾ​ക്ക്​ ഗു​രു​ത​ര​പ​രി​ക്ക്. കാ​യം​കു​ളം ക​രീ​ല​ക്കു​ള​ങ്ങ​ര കൊ​റ്റു​കു​ള​ങ്ങ​ര ചാ​ങ്ങ​യി​ൽ വ​ട​ക്ക​തി​ൽ ഹാ​ഷിം (40), ഭാ​ര്യ റ​സീ​ന(36) എ​ന്നി​വ​ർ​ക്കാ​ണ് പ​രി​ക്കേ​റ്റ​ത്. ഞാ​യ​റാ​ഴ്​​ച രാ​ത്രി 10നാ​യി​രു​ന്നു അ​പ​ക​ടം. മു​ക്കാ​ൽ​മ​ണി​ക്കൂ​റി​ലേ​റെ ദേ​ശീ​യ​പാ​ത​യി​ൽ ഗ​താ​ഗ​തം ത​ട​സ്സ​പ്പെ​ട്ടു. പി​ന്നാ​ലെ​യെ​ത്തി​യ പി​ക്​​അ​പ് വാ​നും പെ​ട്ടി​ഓ​ട്ടോ​യി​ലി​ടി​ച്ചു.

ത​ക​ഴി​യി​ൽ നി​ന്നെ​ത്തി​യ അ​ഗ്​​നി​ര​ക്ഷാ​സേ​ന പെ​ട്ടി​ഓ​ട്ടോ വെ​ട്ടി​പ്പൊ​ളി​ച്ചാ​ണ് പ​രി​ക്കേ​റ്റ​വ​രെ പു​റ​ത്തെ​ടു​ത്ത​ത്. അ​മ്പ​ല​പ്പു​ഴ ​പൊ​ലീ​സും നാ​ട്ടു​കാ​രും ര​ക്ഷാ​പ്ര​വ​ർ​ത്ത​ന​ത്തി​ൽ പ​ങ്കെ​ടു​ത്തു.