വഴിയില്ല: 10 വയസ്സുകാര​െൻറ പഠനം മതിയാക്കി ദലിത് കുടുംബം

അ​മ്പ​ല​പ്പു​ഴ: ബാ​ഗും തൂ​ക്കി പൊ​ന്നു​മ്മ​യും ന​ല്‍കി മ​ക​ന്‍ സ്കൂ​ളി​ലേ​ക്ക് പോ​യാ​ൽ അ​ക​ലെ​നി​ന്നു​ള്ള ട്രെ​യി​െൻറ ചൂ​ളം വി​ളി​യൊ​ച്ച കേ​ള്‍ക്കു​മ്പോ​ള്‍ അ​മ്മ​യു​ടെ ഇ​ട​നെ​ഞ്ചി​ല്‍ പെ​രു​മ്പ​റ കൊ​ട്ടും. മ​ക​െൻറ തി​രി​കെ​യു​ള്ള വ​ര​വും പ്ര​തീ​ക്ഷി​ച്ച് അ​മ്മ പാ​ത​യോ​ര​ത്ത് കാ​ത്തി​രി​ക്കും. ഭീ​തി​യു​ടെ നി​ഴ​ലി​ല്‍ ഒ​ടു​വി​ല്‍ മ​ക​െൻറ പ​ഠ​നം പാ​തി​വ​ഴി​യി​ല്‍ ഉ​പേ​ക്ഷി​ച്ച​തി​െൻറ ദുഃ​ഖ​ത്തി​ലാ​ണ് ഈ ​കു​ടും​ബം.

ത​ക​ഴി പ​ഞ്ചാ​യ​ത്ത് 14ാം വാ​ർ​ഡി​ൽ ക​ല്ലേ​പ്പു​റം ദീ​പ്തി ഭ​വ​ന​ത്തി​ൽ ദീ​പ്തി​യു​ടെ മ​ക​ന്‍ ആ​ദ​ർ​ശ് വി​നോ​ദി​െൻറ (10) പ​ഠ​ന​മാ​ണ് യാ​ത്രാ​ദു​രി​ത​ത്തി​െൻറ പേ​രി​ല്‍ നി​ര്‍ത്തി​വെ​ച്ച​ത്. 27 വ​ര്‍ഷം മു​മ്പാ​ണ് ത​ക​ഴി സ്മാ​ര​ക​ത്തി​ന് വ​ട​ക്ക് എ​ട്ട്​ സെൻറ്​ സ്ഥ​ലം വാ​ങ്ങി അ​ച്ഛ​ന്‍ ഗോ​പി, അ​മ്മ സു​കു​മാ​രി എ​ന്നി​വ​േ​രാ​ടൊ​പ്പം താ​മ​സ​മാ​ക്കി​യ​ത്. സ്ഥ​ലം വാ​ങ്ങു​മ്പോ​ള്‍ ഉ​ട​മ ഇ​വ​ര്‍ക്ക് ന​ട​വ​ഴി​യും ന​ല്‍കി​യി​രു​ന്നു. എ​ന്നാ​ല്‍, ച​തു​പ്പാ​യ വ​ഴി​യി​ലൂ​ടെ കാ​ല്‍ന​ട​പോ​ലും പ​റ്റാ​ത്ത അ​വ​സ്ഥ​യി​ലാ​ണ്. പി​ന്നീ​ട് റെ​യി​ല്‍വേ പാ​ളം മു​റി​ച്ച് ക​ട​ന്നാ​ണ് യാ​ത്ര​ചെ​യ്തി​രു​ന്ന​ത്. മ​ക​ന്‍ സ്കൂ​ളി​ല്‍ പോ​യി​രു​ന്ന​തും പൊ​തു​ടാ​പ്പി​ല്‍നി​ന്ന്​ വെ​ള്ളം ശേ​ഖ​രി​ച്ചി​രു​ന്ന​തു​മെ​ല്ലാം ഈ ​പാ​ള​ത്തി​ലൂ​ടെ​യാ​യി​രു​ന്നു. എ​ന്നാ​ല്‍, പാ​ളം ഇ​ര​ട്ടി​പ്പി​ച്ച​തോ​ടെ ഇ​തു​വ​ഴി യാ​ത്ര അ​പ​ക​ട​ക​ര​മാ​യി.

കൂ​ലി​പ്പ​ണി​യെ​ടു​ത്താ​ണ് ദീ​പ്തി​യും കു​ടും​ബ​വും ക​ഴി​യു​ന്ന​ത്. മേ​സ്തി​രി​യാ​യ ഭ​ര്‍ത്താ​വ് വി​നോ​ദി​നും വ​ല്ല​പ്പോ​ഴു​മാ​ണ് ജോ​ലി​യു​ള്ള​ത്. വി​നോ​ദ് തൊ​ഴി​ലി​െൻറ ഭാ​ഗ​മാ​യി ഹ​രി​പ്പാ​ടാ​ണ് താ​മ​സം. ദീ​പ്തി ജോ​ലി​ക്ക് പോ​കു​മ്പോ​ള്‍, കി​ട​പ്പി​ലാ​യ അ​ച്ഛ​നും കേ​ള്‍വി ന​ഷ്​​ട​പ്പെ​ട്ട അ​മ്മ​യും മാ​ത്ര​മാ​ണു​ള്ള​ത്. ഇ​ര​ട്ട​പ്പാ​ളം ക​ട​ന്ന്​ മ​ക​െൻറ സ്കൂ​ളി​ലേ​ക്കു​ള്ള യാ​ത്ര ദീ​പ്തി​യെ ഭീ​തി​യി​ലാ​ക്കി. ഓ​രോ ട്രെ​യി​െൻറ​യും ചൂ​ളം​വി​ളി കേ​ള്‍ക്കു​മ്പോ​ഴും മ​ക​ന്‍ സു​ര​ക്ഷി​ത​നാ​ണെ​ന്ന് ഉ​റ​പ്പാ​ക്കാ​ന്‍ ഫോ​ണി​ല്‍ വി​ളി​ക്കും.

ഇ​ത് സ്വ​സ്ഥ​മാ​യി ജോ​ലി ചെ​യ്യാ​ന്‍ പ​റ്റാ​താ​ക്കി. ഒ​ടു​വി​ല്‍ മ​ക​െൻറ സ്കൂ​ളി​െ​ല പ​ഠ​നം വേ​ണ്ടെ​ന്നു​വെ​ച്ചു. ചോ​ര്‍ന്നൊ​ലി​ക്കു​ന്ന ത​ക​ര​ഷീ​റ്റ് മേ​ഞ്ഞ കൂ​ര​ക്കു​ള്ളി​ല്‍ ക​ഴി​യു​മ്പോ​ഴും അ​ധി​കാ​രി​ക​ളോ​ട് ന​ട​വ​ഴി ഒ​ന്ന് ന​ന്നാ​ക്ക​ണ​മെ​ന്ന ആ​ഗ്ര​ഹം മാ​ത്ര​മാ​ണ് ഇ​വ​ര്‍ ആ​വ​ശ്യ​പ്പെ​ടു​ന്ന​ത്. പ​ട്ടി​ക വി​ഭാ​ഗ​ത്തി​ൽ​പെ​ട്ട ഇ​വ​ർ ആ​റു​വ​ർ​ഷ​മാ​യി ഇ​തി​ന്​ പ​ഞ്ചാ​യ​ത്തി​ൽ ക​യ​റി​യി​റ​ങ്ങി​യി​ട്ടും കു​ടും​ബ​ത്തി​ന് നീ​തി ല​ഭി​ച്ചി​ല്ല. ഒ​ടു​വി​ല്‍ 10 വ​യ​സ്സു​കാ​ര​െൻറ കു​ഞ്ഞു​മ​ന​സ്സി​ലെ വ​ലി​യ ദുഃ​ഖ​ങ്ങ​ള്‍ സ​മൂ​ഹ മാ​ധ്യ​മ​ങ്ങ​ളി​ല്‍ വൈ​റ​ലാ​യ​തോ​ടെ സ്ഥ​ലം ഉ​ട​മ​യു​ടെ അ​നു​മ​തി ഇ​ല്ലാ​ത്ത​താ​ണ് ത​ട​സ്സ​മെ​ന്നാ​ണ് അ​ധി​കൃ​ത​ര്‍ പ​റ​യു​ന്ന​ത്.