കോ​വി​ഡ് വാർഡ്​ നിറഞ്ഞു: ആലപ്പുഴ മെഡിക്കല്‍ കോളജിൽ രോഗികൾ ക്യൂവിൽ

അ​മ്പ​ല​പ്പു​ഴ: ആ​ല​പ്പു​ഴ മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ല്‍ കോ​വി​ഡ് വാ​ര്‍ഡു​ക​ള്‍ നി​റ​ഞ്ഞ​തോ​ടെ രോ​ഗി​ക​ളും ആ​ശു​പ​ത്രി അ​ധി​കൃ​ത​രു​മാ​യി ത​ർ​ക്കം പ​തി​വാ​കു​ന്നു. ആ​രോ​ഗ്യ പ്ര​വ​ർ​ത്ത​ക​ർ കൂ​ട്ട​ത്തോ​ടെ കോ​വി​ഡ്​ പി​ടി​യി​ലാ​യ​തോ​ടെ പു​തി​യ കോ​വി​ഡ് വാ​ര്‍ഡു​ക​ള്‍ തു​റ​ക്കാ​നാ​കാ​തെ വ​ന്ന​താ​ണ്​ പ്ര​ശ്നം. രോ​ഗം ഭേ​ദ​മാ​യ​വ​രെ ഡി​സ്ചാ​ര്‍ജ് ചെ​യ്ത​ശേ​ഷം കാ​ത്തു​നി​ൽ​ക്കു​ന്ന പു​തി​യ രോ​ഗി​ക​ളെ പ്ര​വേ​ശി​പ്പി​ക്കേ​ണ്ട അ​വ​സ്ഥ​യി​ലാ​ണി​പ്പോ​ൾ. ഇ​തോ​ടെ കോ​വി​ഡ് ബാ​ധി​ച്ച് എ​ത്തു​ന്ന​വ​ര്‍ മ​ണി​ക്കൂ​റോ​ളം ആം​ബു​ല​ന്‍സി​ല്‍ ത​ങ്ങേ​ണ്ടി വ​രു​ന്ന​ത്​ സം​ഘ​ർ​ഷ​ത്തി​ൽ ക​ലാ​ശി​ക്കു​ന്നു. ബു​ധ​നാ​ഴ്ച ഉ​ച്ച​യോ​ടെ ആ​ല​പ്പു​ഴ മെ​ഡി​ക്ക​ല്‍ കോ​ള​ജ് ആ​ശു​പ​ത്രി വ​ള​പ്പി​ല്‍ കോ​വി​ഡ് രോ​ഗി ആം​ബു​ല​ന്‍സി​ല്‍ ഒ​രു മ​ണി​ക്കൂ​റോ​ളം ഇ​രി​ക്കേ​ണ്ടി​വ​ന്ന​ത് ആം​ബു​ല​ന്‍സ് ഡ്രൈ​വ​റും ജീ​വ​ന​ക്കാ​രു​മാ​യി വാ​ക്കേ​റ്റ​ത്തി​ന് ഇ​ട​യാ​ക്കി. വാ​ര്‍ഡി​ല്‍ കി​ട​ക്ക​ക​ള്‍ ഒ​ഴി​വി​ല്ലാ​ത്ത​താ​ണ് രോ​ഗി​യെ പ്ര​വേ​ശി​പ്പി​ക്കാ​ന്‍ വൈ​കി​യ​ത്. രോ​ഗം ഭേ​ദ​മാ​യ ഒ​രാ​ളു​ടെ കി​ട​ക്ക ഒ​ഴി​വാ​ക്കി​യ​തി​ന് ശേ​ഷ​മാ​ണ് ആം​ബു​ല​ന്‍സി​ല്‍നി​ന്ന്​ രോ​ഗി​യെ ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ച​ത്.

ആ​ശു​പ​ത്രി​യി​ലെ 4, 5 വാ​ര്‍ഡു​ക​ളി​ലാ​യി 130 കി​ട​ക്ക​ക​ളാ​ണ് കോ​വി​ഡ് രോ​ഗി​ക​ള്‍ക്കാ​യി ഒ​രു​ക്കി​യ​ത്. ഐ. ​സി യൂ​നി​റ്റി​ല്‍ 10, ഗ​ര്‍ഭി​ണി​ക​ള്‍ക്കും കു​ട്ടി​ക​ള്‍ക്കു​മാ​യി 30, ജ​ന​റ​ലാ​യി 80 കി​ട​ക്ക​ക​ളു​മാ​യാ​ണ് ക്ര​മീ​ക​രി​ച്ച​ത്. മു​ഴു​വ​ന്‍ കി​ട​ക്ക​ക​ളി​ലും രോ​ഗി​ക​ളാ​യെ​ങ്കി​ലും ജീ​വ​ന​ക്കാ​രി​ല്‍ കോ​വി​ഡ് വ്യാ​പ​നം തു​ട​രു​ന്ന​തി​നാ​ല്‍ പു​തി​യ വാ​ര്‍ഡു​ക​ള്‍ തു​റ​ക്കാ​നു​മാ​കു​ന്നി​ല്ല. രോ​ഗം ഭേ​ദ​മാ​യ​വ​രു​ടെ കി​ട​ക്ക​ക​ള്‍ ഒ​ഴി​വാ​കു​ന്ന മു​റ​ക്ക് മാ​ത്ര​മാ​ണ്​ പ്ര​വേ​ശ​നം.

മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ലേ​ക്ക് കോ​വി​ഡ് രോ​ഗി​ക​ളെ കൊ​ണ്ടു​വ​രു​ന്ന​തി​ന് മു​മ്പ്​ കി​ട​ക്ക ഉ​റ​പ്പ് വ​രു​ത്ത​ണ​മെ​ന്ന നി​ർ​ദേ​ശം ഡി.​എം.​ഒ മ​റ്റ് ആ​ശു​പ​ത്രി​ക​ള്‍ക്ക് ന​ല്‍കി​യി​രു​ന്നു. ഇ​ത് പാ​ലി​ക്ക​പ്പെ​ടു​ന്നി​ല്ലെ​ന്ന് അ​ധി​കൃ​ത​ർ പ​റ​ഞ്ഞു.

അ​ത്യാ​സ​ന്ന നി​ല​യി​ല്‍ അ​ല്ലാ​ത്ത കോ​വി​ഡ് ബാ​ധി​ത​ര്‍ മ​റ്റ് ആ​ശു​പ​ത്രി​ക​ളി​ല്‍ ചി​കി​ത്സ തേ​ട​ണ​മെ​ന്നും നി​ർ​ദേ​ശി​ച്ചി​ട്ടു​ണ്ട്. ആ​ല​പ്പു​ഴ ജ​ന​റ​ല്‍ ആ​ശു​പ​ത്രി ഉ​ള്‍പ്പെ​ടെ കി​ട​ക്ക​ക​ള്‍ ഒ​ഴി​വു​ണ്ടെ​ങ്കി​ലും പ​ല​രും മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ലേ​ക്കാ​ണ് എ​ത്തു​ന്ന​ത്. ഇ​ത് അ​ത്യാ​സ​ന്ന നി​ല​യി​ലെ​ത്തു​ന്ന രോ​ഗി​ക​ളു​ടെ ചി​കി​ത്സ​ക്ക് ത​ട​സ്സ​മാ​കു​ന്നു​മു​ണ്ട്.