കുടിവെള്ളമില്ലാതെ അമ്പലപ്പുഴ വടക്ക്​ പഞ്ചായത്ത്​

അ​മ്പ​ല​പ്പു​ഴ: ദി​വ​സ​ങ്ങ​ളാ​യി തു​ള്ളി​വെ​ള്ളം കി​ട്ടാ​തെ വ​ല​ഞ്ഞ്​ അ​മ്പ​ല​പ്പു​ഴ വ​ട​ക്ക് പ​ഞ്ചാ​യ​ത്തി​ലെ കു​റ​വ​ന്തോ​ട് ജ​ങ്ഷ​ന് പ​ടി​ഞ്ഞാ​റ് ഭാ​ഗ​ത്തെ 15ഓ​ളം വീ​ട്ടു​കാ​ർ. എ​ന്നാ​ൽ, പൈ​പ്പ്​​പൊ​ട്ടി വെ​ള്ളം പാ​ഴാ​കു​ന്ന കാ​ഴ്ച​യാ​ണ്​ തെ​ക്ക്​ പ​ഞ്ചാ​യ​ത്തി​ൽ.

ദേ​ശീ​യ​പാ​ത വി​ക​സ​ന​ത്തി​ന്‍റെ ഭാ​ഗ​മാ​യി കാ​ന നി​ര്‍മാ​ണ​ത്തി​നാ​യി കു​ഴി​യെ​ടു​ത്ത​പ്പോ​ൾ പൈ​പ്പ് പൊ​ട്ടി​യ​താ​ണ്​ വ​ട​ക്ക്​ പ​ഞ്ചാ​യ​ത്തി​ൽ വെ​ള്ളം മു​ട​ങ്ങാ​ൻ കാ​ര​ണം. പ​ല​ത​വ​ണ പ​ഞ്ചാ​യ​ത്തി​ലും ജ​ല​അ​തോ​റി​റ്റി​യി​ലും അ​റി​യി​ച്ചെ​ങ്കി​ലും ന​ട​പ​ടി​യാ​യി​ല്ല. പ​ഞ്ചാ​യ​ത്ത് അം​ഗം പോ​ലും തി​രി​ഞ്ഞു​നോ​ക്കി​യി​ല്ലെ​ന്നാ​ണ് നാ​ട്ടു​കാ​രു​ടെ ആ​ക്ഷേ​പം.

എ​ന്നാ​ൽ, തൊ​ട്ട​ടു​ത്ത തെ​ക്ക് പ​ഞ്ചാ​യ​ത്തി​ല്‍ അ​മ്പ​ല​പ്പു​ഴ ക​ച്ചേ​രി മു​ക്കി​ന് തെ​ക്ക് ഭാ​ഗം ഡി​വൈ​ഡ​ർ അ​വ​സാ​നി​ക്കു​ന്ന​തി​ന്‍റെ കി​ഴ​ക്കു ഭാ​ഗ​ത്താ​യാ​ണ് പൈ​പ്പ് ലൈ​ൻ പൊ​ട്ടി വെ​ള്ളം പാ​ഴാ​കു​ന്ന​ത്. ദേ​ശീ​യ​പാ​ത നി​ർ​മാ​ണ​ത്തി​ന്‍റെ ഭാ​ഗ​മാ​യി മ​ണ്ണു​മാ​ന്തി ഉ​പ​യോ​ഗി​ച്ച് ന​ട​ന്ന നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്കി​ടെ​യാ​ണ് പൈ​പ്പ് പൊ​ട്ടി​യ​ത്. ഇ​തോ​ടെ പ്ര​ദേ​ശ​മാ​കെ വെ​ള്ളം ക​യ​റി. തൊ​ട്ട​ടു​ത്ത ചെ​റു​റോ​ഡി​ലൂ​ടെ ല​ക്ഷ​ക്ക​ണ​ക്കി​ന് ലി​റ്റ​ർ വെ​ള്ളം സ​മീ​പ​ത്തെ പു​ര​യി​ട​ങ്ങ​ളി​ലും ക​ട​ക​ളു​ടെ മു​ന്നി​ലും ഒ​ഴു​കി കെ​ട്ടി​ക്കി​ട​ക്കു​ക​യാ​ണ്.

വ​ൻ തോ​തി​ൽ കു​ടി​വെ​ള്ളം പാ​ഴാ​കു​ന്ന​ത് വാ​ട്ട​ർ അ​തോ​റി​റ്റി അ​ധി​കൃ​ത​രെ അ​റി​യി​ച്ചി​ട്ടും പ​രി​ഹാ​ര​മാ​യി​ല്ലെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്. ദേ​ശീ​യ​പാ​ത വി​ക​സ​ന​ത്തി​ന്‍റെ ഭാ​ഗ​മാ​യി പ​ല​സ്ഥ​ല​ത്തും നി​ർ​മാ​ണ​ത്തി​നി​ടെ പൈ​പ്പ് ലൈ​ൻ പൊ​ട്ടി വെ​ള്ളം പാ​ഴാ​കു​ന്ന​താ​യും പ​രാ​തി​യു​ണ്ട്.