ആ​ല​പ്പു​ഴ പ്രൈവറ്റ് ബസ് സ്റ്റാൻഡിലെ ശുചിമുറി സമുച്ചയവും വിശ്രമകേന്ദ്രവും തുറന്നു

ആ​ല​പ്പു​ഴ: ന​ഗ​ര​സ​ഭ വാ​ര്‍ഷി​ക പ​ദ്ധ​തി​യി​ല്‍ ഉ​ള്‍പ്പെ​ടു​ത്തി ന​വീ​ക​രി​ച്ച പ്രൈ​വ​റ്റ് ബ​സ് സ്റ്റാ​ൻ​ഡി​ലെ ശു​ചി​മു​റി സ​മു​ച്ച​യ​വും വി​ശ്ര​മ​കേ​ന്ദ്ര​വും ന​ഗ​ര​സ​ഭ ചെ​യ​ര്‍പേ​ഴ്സ​ൻ സൗ​മ്യ​രാ​ജ് ഉ​ദ്ഘാ​ട​നം ചെ​യ്തു.വാ​ര്‍ഷി​ക പ​ദ്ധ​തി​യി​ല്‍ നി​ര്‍മി​ച്ച​ത​ട​ക്കം 18 ശു​ചി​മു​റി​ക​ളും 1000 സ്ക്വ​യ​ര്‍ഫീ​റ്റ് വ​രു​ന്ന വി​ശ്ര​മ​കേ​ന്ദ്ര​വും സ​ജ്ജീ​ക​രി​ച്ചാ​ണ് പൊ​തു​ജ​ന​ങ്ങ​ള്‍ക്ക് തു​റ​ന്നു​കൊ​ടു​ത്ത​ത്.

മു​ല്ല​ക്ക​ല്‍ എ​സ്.​ഡി.​വി സ്കൂ​ളി​നു​സ​മീ​പം, ക​ല്ലു​പാ​ലം ജ​ങ്​​ഷ​ന്‍, വ​ലി​യ​ചു​ടു​കാ​ട് എ​ന്നി​വി​ട​ങ്ങ​ളി​ല്‍ ഓ​രോ ശു​ചി​മു​റി​ക​ളും, ഇ.​എം.​എ​സ് സ്റ്റേ​ഡി​യം എ​ട്ട്​​ബ്ലോ​ക്കു​ക​ളു​ള്ള ശു​ചി​മു​റി​യും ന​ഗ​ര​ച​ത്വ​ര​ത്തി​ന് എ​തി​ര്‍വ​ശം ആ​റ്​ ബ്ലോ​ക്കു​ക​ളു​ള്ള ശു​ചി​മു​റി​ക​ളും പ്ര​വ​ര്‍ത്ത​ന​സ​ജ്ജ​മാ​ണ്. നോ​ര്‍ത്ത് പോ​ലീ​സ് സ്റ്റേ​ഷ​നു​സ​മീ​പം, ബീ​ച്ച്, സെ​ന്‍റ് ജോ​ർ​ജ്​ ഓ​ഡി​റ്റോ​റി​യം എ​ന്നീ കേ​ന്ദ്ര​ങ്ങ​ളി​ലെ നി​ര്‍മാ​ണ പു​രോ​ഗ​തി​യി​ലു​ള്ള ശു​ചി​മു​റി​ക​ളും തു​റ​ന്നു​ന​ല്‍കാ​നാ​വു​മെ​ന്ന് ന​ഗ​ര​സ​ഭ അ​ധ്യ​ക്ഷ സൗ​മ്യ​രാ​ജ് അ​റി​യി​ച്ചു.

പ്രൈ​വ​റ്റ് ബ​സ് സ്റ്റാ​ൻ​ഡ്​ അ​ങ്ക​ണ​ത്തി​ല്‍ വൈ​സ് ചെ​യ​ര്‍മാ​ന്‍ പി.​എ​സ്.​എം. ഹു​സൈ​ന്‍ അ​ധ്യ​ക്ഷ​ത​വ​ഹി​ച്ച ഉ​ദ്ഘാ​ട​ന ച​ട​ങ്ങി​ല്‍ പൊ​തു​മ​രാ​മ​ത്ത് സ്റ്റാ​ൻ​ഡി​ങ്​ ക​മ്മി​റ്റി ചെ​യ​ര്‍മാ​ന്‍ കെ. ​ബാ​ബു, വി​ക​സ​ന​കാ​ര്യ സ്റ്റാ​ൻ​ഡി​ങ്​ ക​മ്മി​റ്റി ചെ​യ​ര്‍പേ​ഴ്സ​ൻ ബി​ന്ദു തോ​മ​സ്, സ്ഥി​രം​സ​മി​തി അ​ധ്യ​ക്ഷ​രാ​യ ബീ​ന ര​മേ​ശ്, എ. ​ഷാ​ന​വാ​സ്, കൗ​ണ്‍സി​ല​ര്‍മാ​രാ​യ അ​ര​വി​ന്ദാ​ക്ഷ​ന്‍, ബി. ​ന​സീ​ര്‍ തു​ട​ങ്ങി​യ​വ​ര്‍ സം​സാ​രി​ച്ചു.